وفي الوقت اللي بتبدأ العيله كلها تتجمع علشان
يقعدو سوا يتفرجو علي التلفزيون ويشربو كوبيتين
شاي علي رواق بعد يوم طويل ومتعب بينزل بعض
الناس لشغلهم وكانت الساعه 7 مساء ونزل حسن
للورشه لكن مش لوحدو لااااا ده معاه كمان عليا.
داخل حسن وهو لابس بدلة الميكانيكي وماسك
كوبيتين شاي وراح للي لابسه نفس البدله وشكلها
مبهدل.
حسن: أتفضلي.
عليا: شكرا.
حسن: شكلو الشغل واقف خالص النهارده.
عليا: مسيرها ربك يسهلها.
حسن: ونعما بالله.
عليا: مش لسه بقولك أهو الشغل جه.
وأتجهت عليا لسياره وقفت قدام الورشه.
عليا: أ أمر يا فندم.
صاحب السياره: ده انت اللي تأمر يا جميل.
عليا بغضب: نعم.
صاحب السياره: العربيه باين فيها عطل شوفيها كده.
واتجهت عليا لمقدمه السياره وبعدها بكام دقيقه.
عليا: ده كان عطل بسيط يا فندم وخلاص ظبطو.
صاحب السياره: هي تنفع تيجي معايا كده.
عليا: نعم حضرتك.
صاحب السياره: اقصد العربيه.
عليا: أه ينفع.
صاحب السياره: طب وحساب الجميل كام.
عليا: حساب العربيه 50 جنيه.
صاحب السياره: عنيا يا قمر.
ولما جه يديها الفلوس قام مسك ايديها.
عليا: لا ده أنت كده أتماديت وشكلك عايز تتربي.
حسن: في أيه يا عليا.... أيه يا أستاذ في أيه.
صاحب السياره: متشوف الانسه دي محدش عملها
حاجه ولا لمسها وعماله تزعق.
عليا: أحترم نفسك بدل ما أفرج عليك الشارع كلو.
صاحب السياره: خرج من العربيه وقالها تفرجي مين
يا روح أمك وجاي يضربها لقا أللي مسك أيدو
ومستناش ثانيه ونزل فيه ضرب ..........
وبعدها بربع ساعه كده واقفين عليا وحسن قدام
صاحب الورشه وشكلو كده متعصب حبتين.
المدير: ممكن أفهم أيه أللي عملتوه ده أنتو أتجننتو.
عليا: أنا أسفه جدا لكن اللي حصل أن.....
أنت تقرأ
هاربان من الحب
Mystery / Thrillerاممم..... بصراحه الروايه دي فيها حاجات كتير كده فيها شويه رومانسيه علي كوميديا وعناااااد كتتيير وفيها سنت هبل والله وفيها تشويق علي حبت غموض وفيها مغامره كتير وفي الروايه دي هنسافر لعالم تاني عالم فيه كل الناس بتهرب من الحب وأن شاء الله هتضحكو وتستم...
