هاربان من الحب

قميصك مصيبه 🙄

وبعد ما خلصت غزل محاضراتها راحت تدور علي

شغل لكن زي كل يوم مفيش ورجعت للبيت وأول

ما دخلت لقت أمها واقفه في المطبخ وشكلها تعبان

فأبتسمت وراحت لها وقالت: أيه يا شمسي انتي

مالك شكلك مدايقه....اه عرفت أكيد مدايقه علشان

مدتنيش بأبو ورده النهارده صح.

الام: اممم..... سيبك مني وقوليلي أيه أللي مفرحك

كده.

غزل بسرحان: حلاوه أيه وجمال أيه يوه يوه يوه

حاجه كده مفيش منها وعملت حركه غريبه بشفيفها

وقالت موووووز.

أمها بصتلها وقالت مين ده يا زفته.

فبصت قدامها وشافت مانجا فتحت فمها علي الاخر

وبرقت وقالت مانجااااااااااا.

أمها ضحكت عليها مهي عارفه أن بنتها هبله وبتعشق

حاجه أسمها مانجا وبعدها قالت هتفضلي طول

عمرك هبله.

غزل: هبله بمانجا أحسن من هبله من غير مانجا.

وأمها رفعت أبو ورده وقالتها أمشي يا بت من هنا

وغزل جريت علي بره وبتطلع لسانها وقالتها ءاءا

مجاش فيا..... وفجأه لقت الفرده التانيه في نص

وشها.

غزل: شكرا يا نبع الحنان.

الام: وقال ايه بيكبرو يعقلو يجو يشوفو العاقله اللي

عندي.

♕♕♕♕♕♕

زين: يا فريده.

فريده: في حاجه يا زين.

زين: كنت....  انا كنت....  بصراحه عايز أطلب منك

طلب.

فريده: أيه عايز فلوس قولي متتكسفش انا زي

أختك.

زين: نفسي تبطلي خفت دمك دي وأصلا أنتي معاكي

حاجه ده أنتي مفلسه.

فريده: لااااااا يا حبيبي مفلسه مين ده أنا معايا

خمسه جنيه ونص قد النخله يشترو الجامعه دي كلها

ياباشا.

زين: هههه....طب يا ست المفلسه تقبلي عزيمتي

ليكي علي الغدا النهارده.

فريده: أيه ده بجد ويا تري خالتي طابخه أيه لااا انا

بنت أكابر ومبكلش أقل من مكرونه وبطاطس محمره