بدات كتحرك عينيها و بدات كتفتحهم غير بشوية...
ريان بعد عليها و بقا كيشوف فيها و كينتاضرها تفتح عويناتها واخا تعصب و تكره ماكرهش تبقا غير سخفانة ماعرفش علاش كيفكر هاكا ولكن شي حاجة كتجدبو ليها كي المغناطيس معقول يكون حب من اول نظرة؟؟؟اولا فقط مجرد اعجاب و غايدوز ...
حلات عينيها وبقات ساكتة كتشوف فيه و كترمش كتحاول تستوعب هي فين وشنو كدير هنا حتى تفكرات كلشي و هي تضربها بغوتة وحدة
روان: وااااااااااع
دارت بسرعة و بغات تحل الباب ساعة لقاتو مبلوكي بقات كتضرب فالباب و كتغوت
روان:عفااااكم عاااااونوني أهئ اهئ
دموع من عينيها شلال و كتقاتل مع الباب باش يتحل و كتغوت ..
ريان لحد الآن مزال ماعارفش علاش كتصرف هاكا وخايفة منو حتى لهاد الدرجة واش هو وحش باش تهرب منو؟؟؟ ياكما عندها مرض نفسي كيتسمى برهاب الاجتماعي يعني ما كتبغيش تهدر مع الناس و كيخلعوها او لا ياكما يصحابلها شفار و غادي يسرقها هادشي اللي قال ليه دماغو فهاد اللحظة ...بغاها تهدن مابغاش يشوف دموعها مابغاهاش تبقا خايفة منو حيت هو ما غايأديهاش هو فقط باغي يتعرف عليها علاش كتصرف هاكا ما عطاتوش حتى الفرصة فين يتكلم معاها ...
ريان : تهدني أنا ما غانآديكش
سمعات صوتو و هي تسكت و دارت عندو بالعرض البطيئ و صرطات ريقها و قالت
روان:ح..حتى نتوما كتهدروا بحالنا سب...سب...سبحان الله
ريان استغرب من طريقة كلامها بانتلو ما كتخرجش الحروف مزيان يصحابلو مريضة بتأتأة ( التأتأة او التلعثم هو اضطراب كلامي حيث يتعطل تدفق الكلام بواسطة التكرارات اللاإرادية ) ...
ريان حط يدو على يدها كمحاولة منو انو يهدنها و قال
ريان: انا اسميتي ريان و نتي ؟؟؟
روان سحبات يديها من يدو وخشات راسها فيهم و ناضت كتبكي بحرقة ووجهها صفر ما فيه حتى قطرة ديال الدم الخلعة بلوكاتها ما عرفات مادير من غير انها تبكي و تردد...
روان:بع...بع..بعد مني
ريان حار و تلبك و توتر ما عرف مايدير معاها من غير أنو ديمارا الطوموبيل و شعل موسيقى كمحاولة منو انو يهدئ الوضع حتى تبرد و يحاول يفهم شنو سر هادشي اللي كدير معاه عرفها بلي خايفة منو نورمال حيت كيبقا شخص غريب عليها و لكن باش توصل بها انها تهرب و تسخف و تبكي بهاد الحرقة هادشي اللي ماتقبلوش او بالاحرى مافهموش...
تطلقات أغنية 《زينة 》 سمعاتها و بدات كتحيد يديها من على وجهها و شافت فيه و قالت بترجي
روان:فين غادي بيا حطني عفاك الله يخليلك ما اعز عليك
ريان حبس اللوطو و دار شاف فيها لقا وجهها كولو احمر و نيفها و نظاراتها الطبية ضببوا بالدموع زادت بانتلو زوينة بدموعها بحال دوك القطرات ديال دموع زادو ثاروه من جيهتها بحال داكشي اللي كان ناقصو ...
هز يدو بتثاقل جاي يحطها على خدها...وهي تبعد و تكمشات فالباب خايفة و كلها كتغزل بالخوف عند بالها بلي بصح جن ...
ريان:غير فهميني مالك علاش خايفة مني واش انا درتلك شي حاجة بغيت غير نتكلم معاك انا بشر بحالي بحالك علاش كتصرفي معايا هاكا
روان غير سمعات ديك كلمة {أنا بشر بحالي بحالك } تهدنات شوية و شافت فيه و قالت بفرحة
روان:ح...حلف بالله الا نتا بشر ي..يعني كتاكل بحالنا و كتشرب...يعني ن..نتا ما..ماشي جن
ريان جاتو غريبة الاطوار و بدات كتبانلو بحال مريضة عقليا و لكن ما ينكرش جابتلو الضحك بتصرفاتها و بكلامها رد راسو اللور و قال بابتسامة
ريان:انا بنادم بحالي بحالك مافهمتش علاش كظني بلي أنا ghost كنظن لهاد السبب تخلعتي مني ؟؟
روان بعدات على الزاجة و بدات تمسح دموعها و كضحك فنفس الوقت و تعبر بيديها
روان:نتا...نتا....نتااا بصح بشر ياك يعني ماشي جن
بانتلو بدات تدخل و تخرج فالهدرة جرها لعندو و ضمها لصدرو و مرر يدو على شعرها
ريان: تهدني باش نعرف نهدر معاك هاكا كتخلعني عليك و ما كنعرفش كيفاش نتصرف معاك
بعدات عليها و حيدات نظراتها الطبية وهزات عيونها السوداوتين اللي كانو حومر بفعل الدموع ...
ريان بقا ساكت و حاط يدو تحت خدو كيحاول انو يبقا ثابت حدا عينيها اللي سلبوه ماعرفش مالو كيتصرف بحال المسحور ...
روان بقات ساكتة و كتشوف فيه حتى هي عم صمت لثواني و تعداها لدقائق ...وفجأة روان طلقات ضحكة من أعماق قلبها .. كتضحك على راسها و على غباءها ...وعلى حكمها المسبق ...حسات براسها هبيلة و مسطية فهاد اللحظة ... كتضحك على أفكارها الغبية ...وعلى إعتقادها بلي الشخص اللي جالس حداها جن ... ضحكات حتى دموع بداو يتساقطو من عينيها و حاطة يديها على صدرها و غاتموت بضحك ...و كتفكر الا قالت هادشي اللي وقع ليها لخلود صديقتها غادي تشبع عليها ضحك و لكن كانت مغامرة زوينة و مضحكة فنفس الوقت عمرها فكرات انها شي نهار غاتحط فهاد الموقف...
هي كضحك و هو كيتنهد ماعارف ما يقول ماعارف مايدير استسلم و حط سلاح معاها ما كملاش حتى ساعة باش دخلات لحياتو قلباتها سفاها على علاها رونات دقات قلبو و خربقات دماغو ...
ريان: علاش ظنيتي بلي انا شبح على ما أعتقد نتي مؤثرة بالافلام
روان جاوباتو و ضحكة خارجة من أعماقها
روان:حيت...ههه حيت...حيت نتا زوين ههه
أنت تقرأ
حبك لي كزخات المطر 🇲🇦 (مكتملة )
Romance____________قصة رومانسية كاملة _________ 🇲🇦حبك لي كزخات المطر🇲🇦 بقلم : Fatima zahra ouba # حبك لي كزخات المطر ☔☔ ☔حبك لي كزخات المطر تنهمر بداخلي دون توقف☔ ☔حبك لي كزخات المطر على أرض جافة☔ ☔كنسمات الهواء في صحراء بالنار لاه...
