قلباتها بكا و شهيق بكات و برداات ...فالأخير مسحات دموعها و ناضت لابسات بيجامة سخونة باش مايضربهاش البرد و حلات الباب ديال البالكون اللي كيطل على الشارع و جلسات فالكرسي ...سمعات الباب د بيتها تحل دورات وجها شافت ماماها جاية لجيهتها و هازة بلاطو فيه كأس د القهوة مع طرف د الكيكة ...
دورات ماماها عويناتها فالبيت بانتلها روان جالسة فالبالكون قصداتها و حطات البلاطو فوق الطبلة و جلسات حداها و ربعات يديها و شافت فيها
~روان شوفي فيا أبنتي
داكشي اللي دارت دورات وجهها اللي كان أحمر و عينيها منفوخين باينة للعما بلي كانت حامياها بكا ...طلعات ماماها حاجب و هبطات لاخور و قالت بنبرة صارمة
~ كنتي كاتبكي عاود غير قولي ليا يا بنتي شنو مخبعة عليا راه قلبي ما مهنينيش عليك سنين هادي و نتي غير سادة عليك و تبكي و كاندير عين ميكة و لكن دابا لا حتى لهنا و براكة انا راه قبل ما نكون ماماك انا صاحبتك ماشي عدوتك و فاش كنتي صغيرة كنتي كاتعاودي ليا كلشي حتى طواليط الا دخلتي ليها كنتي تقوليلي هانا غادة اوا منين طلعتي لديك الجامعة و نتي تقلبي عليا ما بقيتي تعاود ليا ما بقيتي تهدري و تضحكي كيفما كنتي وليتي غير ساهية و تخممي و ديما عينيك حومر و فاش نسولك تقولي ماماليش و حتى انا ما كنبغيش نحكر عليك و لكن دابا لا ...كانت ضحكة ما كتفارقش وجهك وديما ضاحكة و ضاربة دنيا بركلة و فالأخير ابنتي وليتي هاكا غير قولي ليا شكون سبابك فهادشي ؟؟
روان شافت فيها و ضحكات قالت
روان: هانا كنضحك ما بايناش عليا
بدات كتضحك بشكل هيستيري حتى يصحاب لماماها بنتها تسطات ... وفالأخير قلباتها بكا و كحزات ماماها عندها و عنقاتها و قالت روان
روان: أنا ضعيفة
مامها كتكلم و كتمرر يديها بلطف على دراعها
~ماكايناش ابنتي شي مرأة ضعيفة كاينة غير المراة اللي قررات تساير الظروف باش ماتوقفش الحياة و ماكايناش شي امراة قاصحة كاينة غير المراة اللي كسراتها دنيا حتى ماتت و مابقاتش كتحس الفرق اللي كاين بين المراة القاصحة و المراة ضعيفة هو أن لولة تجرحات مرارا و تكرارا حتى استوعبات واحد الدرس عنوانو هو ماشي كل راجل كيستاهل نبغيوه و جمعات راسها و قوات راسها و تعلمات كيفاش تعيش اما ثانية حتى هي تعلمات درس و لكن قررات انها تساير الظروف و تعطيها غير البكا و تنعازل على العالم الخارجي بحالك
جاوباتها روان بصوت فيه بحة د البكا
روان: عييت أماما من دنيا من ناس من الحب من كلشي بغيت الهدوء بغيت نحس بالطمأنينة تمنيت نعس فثلاجة الموتى و نرتاح بغيت نفقد الداكرة باش ما نبقاش عالقة و محبوسة فالماضي ما كرهتش يتبخر هاد الحزن مني ماكرهتش ...
💔💔💔💔
كم هو سيئ ان تدرك بعد كل هدا الركض
أن طريق خطأ و ان نهاية تعيسة
💔💔💔💔
الأم: خوي قلبك باش ترتاحي
روان غمضات عينيها و حطات راسها على صدر ماماها و بدات الدكريات معاه كتزورها و كتفكر كلشي مزال عاقلة على أدق التفاصيل بحال الإ غير البارح وقعوا ماكدبوش اللي قالو كلشي فينا كيموت الا الدكريات عمرها تمحا من البال و خصوصا الا كانت دكريات مع شخص اللي كتبغيه كيفاش غاتقدر تنسا كلشي كيتحفر فدماغك و قلبك ...
روان:قصتي بدات معاه فاش...
أنت تقرأ
حبك لي كزخات المطر 🇲🇦 (مكتملة )
Romansa____________قصة رومانسية كاملة _________ 🇲🇦حبك لي كزخات المطر🇲🇦 بقلم : Fatima zahra ouba # حبك لي كزخات المطر ☔☔ ☔حبك لي كزخات المطر تنهمر بداخلي دون توقف☔ ☔حبك لي كزخات المطر على أرض جافة☔ ☔كنسمات الهواء في صحراء بالنار لاه...
