#مراتى_مجنونة البارت الاول
كنت نايم فى امان الله صحيت ع صوت مراتى بتصرخ وصوتها جاى من الصالة قومت نطيت مفزوع وخرجت ليها
ايمان: عاااااااااااا ايييييييييدى 🥺
اسلام: ايه فى ايه حصلك ايه انتى وقعتى ازاى😳
ايمان: لقد تزحلقت ع مكعب ثلج واصيبت بواوا 🥺
اسلام: ما شاء الله متجوز اسبونج بوب انا 🙄 ما تخلصى يا ولية وقعتى ازاى
ايمان: ولولت عليك ساعة وانفضيت يا بعيد
اسلام: وربنا اعطيكى بالبونية فى وشك ما تخلصى يا ست كخة وقعتى ازاى
ايمان: كنت بمسح واتزحلقت
اسلام: احسن تستاهلى والله 😂😂
ايمان: طب قومنى يا سبع البورمبة 🤨
جيت امسك ايدها عشان اقومها اتزحلقت وقعت عليها 😂
اسلام: هو يوم اسود من اوله باين عليه
ايمان اللى فصلت من الضحك حرفيا مبقتش قادرة تاخد النفس بتقوله: اسم الله عليكى يا شابة 😂😂
بيبصلها اسلام بقرف ويقولها: وربنا ما انا مقومك قومى لوحدك بقا😒
نتعرف ع ابطال روايتنا سريعا
اسلام: عمره ٢٩ سنة مهندس معمارى وحيد والدته ووالده متوفيين وهو عمره ٥ سنين اللى رباه خاله حمدى ومراته هدى وحبوه جدا لانهم مكنوش بيخلفوا
ايمان: مرات اسلام اده بالسن وكانت معاه بالكلية لكن هو طلب منها مش تشتغل بعد الجواز وهى وافقت لانها كسلانه شخصيتها مرحة جدا وشقية لكن جواها جرح كبير مدفون بسبب اخوها انس
انس: اخو ايمان عمره ٢٦ سنة خريج حاسبات ومعلومات وشغال فى شركة برمجة بيكره ايمان جدا وده بسبب حب امه وابوه ليها ودلعهم ليها مع العلم ان ام انس مش ام ايمان بل زوجة ابوها لكن ربنا وضع الرحمة بقلبها اتجاهها اتجوزها والدها بعد وفاة امها واللى ماتت وهى بتولدها
سيلينا: زميلة انس بالشغل وصديقته المقربة اصغر منه بسنة فى الحقيقة انها بتحبه بالرغم من علمها بقذوراته وعلاقته النسائية لكن القلب وما يريد لكن فى الواقع عمرها ما اعترفت بحبها ليه اما هو كان جبلة الحقيقة شايفها صديقة وبس
باقى الشخصيات هنتعرف عليهم اكتر مع الاحداث لما يظهروا
بيخرج اسلام بعد ما بياخد الشاور وميلاقيش ايمان بيدور عليها كتير ومش بيلاقيها فمش بيتعب نفسه كتير ويفتح الدولاب يلاقيها قاعدة فيه
اسلام: امممممممم اتفضلى سمعينى اسطوانة النكد بتاعت كل يوم الصبح يالا
ايمان: انا زحلانة منك ومخمصاك
اسلام: امممم ليه بقا ان شاءالله
ايمان: طلبت منك امبارح تجيبلى النوتيلا ونسيت كالعادة
اسلام: محصلش لو كنتى تعبتى نفسك وفتحتى التلاجة كنتى هتلاقيها
ايمان: ايه ضااااه بجاااااااد مقولتليش ليه طاه
اسلام: طاه اسمها طاه معليش يا اختى جيت لقيتك نايمة صعبتى عليا فسيبتك
ايمان: ما هذا الذى اسمع اسلام يرجع يلاقينى نايمة فيسيبنى من غير ما يضايقنى من انت 🙄
اسلام: من انت ايه يا هبلة 😏
ايمان: اثبت انك اسلام جوزى ياض 🤨
اسلام: من يسكن البحر ويحبه الناس😒
ايمان: اسبونج بوب سكوير بانتس عاش يسطا طلعت اسلام براءة 😂
اسلام: طب ممكن تحضرى ليا الفطار بقا عشان انزل اروح الشغل
ايمان: اشى يسطا
بتخرج ايمان ع المطبخ وبيطلع اسلام حاجة يلبسها وفجأة.............
نيهاهاهاهاهاهاهااااااااااااا البارت خلص تفاعل بقا عشان انزل البارت الجديد وكومنت برأيكم بقا❤
#يتبع
