#مراتى_مجنونة البارت العاشر ✨
لطفى: هنتخلص منه لانه هيكون سبب مشاكل كبيره لينا خصوصا بعد ما عرف مين الزعيم بتاعنا
ابراهيم: بس احنا مش اتفقنا ع كده يا لطفى بيه
لطفى: وانت مين انت اصلا عشان اتفق معاه انت تنفذ المطلوب منك وانت ساكت والاحسن ليك متدخلش فى اللى مش ليك فيه ماشى
بيركب لطفى العربيه ويمشى وبيقف ابراهيم يبص ليه وهو بيقول: ماشى يا لطفى
بيرجع ابراهيم او اسلام ع البيت ويلاقى حمدى خاله وهدى مراته هناك اول ما يشوفهم ابراهيم يقف مبلم
بيجى فى باله حمدى وهدى بس كان شكلهم اصغر من كده وبيشوف راجل وست كمان ومعاهم عيل صغير شكله بالظبط
ابراهيم لنفسه: ايه ده معقول الحلم اللى بشوفه كل يوم اشوفه حتى وانا صاحى هو ايه اللى بيحصلى بالظبط وليه ده حصلى لما شوفت الناس دى
بيدخل ابراهيم يقعد معاهم وطبعا بيلاحظوا تصرفاته الغريبة بعد ما يمشوا بيدخل اسلام المزيف ينام فورا
تانى يوم الصبح بيقوم انس بدرى ع غير عادته يخرج يلاقى ابوه وامه واخته قاعدين ع السفره
انس بيروح يبوس ايدهم وراس اخته ويقول: صباح الخير ع اهل الخير والبهجة
محمود وناهد بيبصوا لبعض وكذلك فرح اول مرة انس يتعامل معاهم كده
فرح بتحط ايدها ع دماغه وتقوله: انت سخن يسطا
انس: لا ابدا انا زى الفل
فرح: اومال مالك بقيت كيوتى بعد ما كنت نوتى ليه 🤔
انس بضحك: لا حلو الوزن والقافيه دى 🤣🤣 كل الحكاية انى اكتشفت غلطى وفوقت لنفسى وحابب اكون شخص تانى
ناهد: وياترى الرضا ده كله ايمان ملهاش نصيب فيه
انس: لا ليها يا امى بس خايف متسامحنيش اعتقد انها كانت اكتر حد انا كنت قاسى عليه
محمود: روح ليها وصالحها ايمان قلبها ابيض منه مفيش هتسامحك اكيد
انس: اهم حاجة رضاكم انت والحاجة
ناهد: قلبنا وربنا راضيين عليك يا ابن قلبى ( كانت اخر جملة سمعتها من امى الله يرحمها قبل ما تموت من اربع سنين💔💔اسفه انى خرجت بره الموضوع)
بيقوم انس يروح ع شغله وهو واخد قرار هنعرفه بعدين.... فرح بتنزل تروح ع درسها وهناك بتلاقى بدر قاعد
فرح: صباح الخير يسطا عامل ايه
بدر: كريب بانيه🤣🤣
فرح: او اعمل خط وامشى عليه🤣🤣
بدر: وبعدها نحلى بشيبسى وباتيه 🤣
فرح: طب نوفر وصلة القلش دى بعدين وقولى انت بتعمل ايه هنا
بدر: يا بنتى انا السكرتير الجديد هنا
فرح: يا راجل طب مش كنت تقول نجيبلك شرباط
بدر: اسمها شربات يا اخرة صبرى فى حد يقول كده
فرح: هو مش انا قولت
بدر: اه يا اختى
فرح: يبقا فيه يا زمكس🤣🤣
بتدخل فرح ع درسها .... نروح عند ابراهيم اللى بيروح لايهاب عشتن يسلمه المخططات
ايهاب: الله طب وانا مالى يا لمبى انت بتلبسنى انا ليه ما تعمله انت يسطا
ابراهيم: لان انا مش اسلام يا باش مهندس
ايهاب بيضحك بصوت عالى: لا حلوة بس بقولك ايه يسطا ابقى غير الصنف ولا اقولك متشربش تانى عشان شكل دماغك خفيفة
ابراهيم بجدية: انا مش بهزر يا ايهاب انا فعلا مش اسلام ولو مش مصدقنى بص فى دى
بيطلع ابراهيم بطاقته يعطيها لايهاب وكانت الصدمه واقعها كالصاعقة ع ايهاب لما يقرأ اسم ابراهيم بالكامل و.........
