#مراتى_مجنونة البارت التانى✨
دخلت ايمان تحضر الفطار واتفزعت لما سمعت صوت زعيق اسلام وهو بينده عليها
اسلام: ايماااااااااااان
ايمان بخضة: نعم يا سى السيد لدعتك حية
اسلام وهو ماسك قميص بايده: ايه اللى انا شايفه ده
ايمان: ايه اللى بيحصل ده💃💃
اسلام: بطلى هزار واشترى نفسك وقوليلى حرقتى القميص كده ازاى
ايمان بدلع طفولى: بص يا بابتى والله والله هقولك الحقيقة
اسلام وهو جازز ع اسنانه: قولى يا قلب بابتك ها حرقتى القميص ازاى يا ايما
ايمان: بص يا سيدى بدأت اكوي القميص فى امان الله فجأة لقيت حلقة جديدة من الدعسوقة والقط الاسود جات قومت.........
اسلام: قومتى طبعا حاطة المكواة ع القميص وسيباها لحد ما اتفحم وقعدتى تابعتى الحلقة باهتمام وبعدين شميتى ريحة الشياط مش كده يا بنوتى👊
ايمان: ايه ده بسم الله ما شاء الله انت مخاوى الله اكبر عليك يا باعلى
اسلام بغيظ: يا مثبت العقل والدين يارب ...... يا شيخة ده انتى من بجاحتك بتلبسى لبسى انا ومش بتلبسى هدومك اللى لسه بشوكها قال ايه عشان تفضل جديدة
ايمان: لومى كلمة كمان وهلم هدومى وهدومك واروح عند اهلى واسيبك سلبوتة ها
اسلام: ربنا ع الظالم انا نازل ع الشغل عاوزة حاجة
ايمان: هبقا انزل العصر اروح لماما وبابا شويه عشان وحشونى
اسلام: طيب لو هتتاخري هناك خليكى وانا لما ارجع من الشغل هعدي عليكى ماشى
ايمان: اشطا ماشى عشان تجيبلى المصاصة
اسلام بيبوسها من خدها وينزل....
بسرعه كده نقول شويه عن الاشخاص.
اسلام: طويل القامة طوله حوالى ١٨٥ سم وبعضلات وسط بشعر ناعم بنى غامق مش يبان الا تحت اشعة الشمس والاضاءة القوية عيونه عسلى وبشرته تميل للسمار
ايمان: بنوتة عيونها عسلى مخضر واسعة بشرتها بيضة وشعرها اسود ليل مغطى ضهرها بالكامل لكن طبعا محجبه وقصيرة مش اوى يعنى وجسمها كيرفى من الاخر مزة كما قال الكتاب 😂
نروح عند بيت محمود ابو ايمان بالتحديد فى غرفة انس لما امه تدخل عليه تصحيه
ناهد: انس اصحى بقا الساعة بقت 9 هتتأخر ع شغلك وترجع تحط الحق عليا
انس وهو نيمان: يووووووه يا ماما بقا دى المرة ال ١٥ بتصحينى سبينى انام سيكا
ناهد: سيكا اه وربى لو ما صحيت لاسيبك نايم وفى الاخر مصيرك هيكون الطرد ها بس
انس اللى قام قعد: خلاص يا نونو صحيت اهو
بتخرج ناهد عشان تحضر الفطار وتلاقى بنتها الصغيرة فرح صحيت من النوم
فرح اخت ايمان وانس الصغيرة فى ٣ ثانوى عام حلمها تكون اعلامية وصحفية كبيره بتحب ايمان جدا وبتعتبرها صاحبتها مش اختها وبس عندها نفس جمال اختها باختلاف ان بشرتها شقرا وعيونها بنى بندقى
ناهد: ايه ده اللهم صلى ع النبى فرح بنتى صاحية الساعة ٩ وده من ايه
فرح وهى بتتطمع: مستر باسم الله يخربيته حلف بالطلاق ان اللى مش هيجى الحصة دى هيطرد
بيخرج انس من اوضته وهو مستعجل عشان ميتأخرش ع شغله وهو قاعد يزعق فى اخته عشان تجيبله قماشة يمسح بيها جزمته
بيطلع محمود ع صوت زعيق انس و...............
#يتبع
