#مراتى_مجنونة البارت الرابع✨
بيلف انس وشه يلاقى اسلام واقف وراه بيقوله: انا مش مستغرب منك الكلام ده انت واحد كاره نفسك هتحب اللى حواليك ازاى وع العموم هى كمان متشرفش انها تكون اخت واحد عاق زيك 🤨
بيلف وشه لناهد بعد ما يمسك ايد ايمان وبيقولها: بعد اذنك يا طنط انا هاخد مراتى واروح ولما تحبى انتى او عمى تشوفوها البيت مفتوح فى اى وقت لكن هى مش هتخطى عتبة البيت ده تانى طول ما المريض ده هنا..... سلام
بيشد اسلام ايمان اللى كانت منهارة من العياط وبعد ما ينزلوا
ايمان: مش عاوزة اروح عاوزة اتمشى سيكا
اسلام بضحك: يالهوى يانى حتى وانتى زعلانة مرحة
ايمان: ما تخليك جنتل وتودينى الملاهى يا زمكس
اسلام: بس كده عيونى يا ست البنات
بياخدها اسلام ويروح بيها ع الملاهى ويركبها الالعاب اللى هى بتحبها ويجيب ليها غزل بنات وحلويات كتيره
ايمان: هنروح
اسلام: اه كفاية بقا كده
ايمان: طب هاتلى اندومى ومصاصة فراولة
اسلام: انا عارف انى متجوزك عشان تخربى بيتى انجرى ادامى
بيدخلوا السوبر ماركت ويجيبلها اللى هى عوزاه وبيركبوا تاكسى ويروحوا وايمان بتنام ع كتفه بالطريق
فى مكان ما بالتحديد فى فيلا ضخمة شخصين قاعدين
مجهول: وبعدين انا معنديش استعداد اخسر الخسارة دى كلها الواد ده لازم يوافق
مجهول اخر: حاولت كتير لكن مفيش فايدة فيه دماغه ناشفة جدا ومش بيلين لا بالترغيب ولا بالترهيب
مجهول الاول: يبقى نكسرها ليه عشان يعرف ازاى يقف ادام رغبتى انا
المجهول الاخر: معاليك ادينى فرصة بس اسبوع واكيد هلاقى حل
نروح عند سيلينا اللى بعد ما خرجت من شغلها راحت عند صاحبتها حبيبة
حبيبة: ايه يا اختى مالك شايلة طاجن ستك كده ليه
سيلينا: مش عارفة اعمل ايه مع انس لا منى قادرة اخليه يحبنى ولا منى قادرة ابطل احبه
حبيبة: انتى اللى عاملة فى نفسك كده مش عارفة ايه اللى جابرك عليه
سيلينا: بحبه الله بحبببببببببه
حبيبة: حبك برص فى ليلة العرس يا بعيدة بتحبيه ع ايه ع البنات اللى كل يوم مع واحدة شكل ولا ع اسلوبه الزفت
سيلينا بضحك: هييييييييييح بس مز اوى يا بوت
حبيبة: بصراحة دى الحاجة الوحيدة اللى تشفعله
سيلينا بتمسك المخده وتخبطها فيها وتقعد تضربها كتير
فى البيت بعد ما اسلام وايمان يطلعوا ويغيروا هدومهم فجأة ايمان بتقعد تصرخ
ايمان: عاااااااااااااااااااااااااااا اسلااااااااااام
اسلام بخضة: فى ايه يا بنت المهبوشة
ايمان:.......................................
يا ترى ايه اللى حصل عشان ايمان تصرخ بالشكل ده وتوقعاتكم للبارت الجديد
نشوي عادل
