#مراتى_مجنونة البارت الثالث ✨
بيطلع محمود ع صوت زعيق انس و
محمود: ايه فى ايه خير صوتك عالى كده ليه يا حيلتها
انس: ابدا يا بابا دى فرح بتعاندنى وانا متأخر ع الشغل
محمود: متأخر اه .... طب ما بدل الصرمحة فى الكباريهات لوش الفجر اتنيل وارجع البيت بدرى ونام بدرى زى بقيت خلق الله
ناهد بتحاول تلم الموقف: خلاص يا محمود احنا لسه ع الصبح يا اخويا وانت يا ابنى اتوكل ع الله يالا ع شغلك
بينزل انس وهو ع اخره وبيروح ع شغله واول ما يدخل يقعد ع مكتبه وينفخ بتشوفه سيلينا فبتروح عليه
سيلينا بمرح: ايه يسطا ناموسيتك كحلى ولا ايه
انس: بقولك ايه انا ع اخرى وروحى فى مناخيري
سيلينا: طب ما تعتطس روحك تطلع فنخلص منك ونرتاح
انس: نينينينينينيني ظريفة
سيلينا: بجد والله فى ايه قالب بوزك ع الصبح ليه
انس: كالعادة يعنى مرشح كل يوم الصبح من ابويا
سيلينا: بصراحة تستاهل لانك قليل الادب
انس: طب هش بقا طرقينا عشان اشوف شغلى
سيلينا بتلف وشها وهى بتقول لنفسها: يخربيت طماعتك والنبى عسل حتى وهو متعكر
( واقعة اوى البت دى😂😂😂😂) ....... نروح عند اسلام اللى كان واقف مع العمال وبتيجى عربية ينزل منها شخص اول ما يشوفه اسلام وشه يتقلب
الشخص: اهلا يا باش مهندس
اسلام: اهلا يا استاذ لطفى خير
لطفى: ما انت عارف اللى فيها ومش راضى تريحنا كلنا
اسلام: استاذ لطفى لو حضرتك مش بتزهق من الزن انا مش بزهق من الصد قولت لحضرتك انا لايمكن اخالف ضميرى واضر الناس وابنى مبانى بدون تراخيص عشان تتهد فوق دماغهم
لطفى: انا مش فاهم انت راكب دماغك ليه دول عارضين عليك ١٠ مليون جنيه بحالهم
اسلام: العشرة مليون دول مش هيبقوا ينفعونى فى قبرى وادام ربنا يا استاذ لطفى وبعد اذن حضرتك عشان عندى شغل
لطفى بغيظ مكتوم: ماشى..... ماشى يا باش مهندس
بعد ما يمشى بيجى ايهاب صاحب اسلام ويقوله: برضه الموضوع اياه
اسلام: هو ورانا غيره
ايهاب: ده راجل بيضان اقسم بالله
اسلام بضحك ع اسلوبه: سيبك منه وخلينا نركز فى شغلنا
نروح عند ايمان اللى بتلبس عباية سودا وطرحة اوف وايت وتحط ميك اب سيمبل وتروح ع بيت ابوها واول ما تدخل ع البيت
ايمان: سمو عليكووووو عاملين ايه من غيرى يا بشر والاهم عاملين ايه ع الغدا
ناهد: يا بت انهدى بقا شويه ده انا قولت لما تجوزى اسلام هيعقلك
ايمان: اماااااااااااااه تريثى مين دى اللى تعقل انا جننت اسلام عادشى يعنى
ناهد: الواد ده هيدخل الجنة من اوسع ابوابها والله
ايمان: طبعا الله مش زوجى قرة عينى فلذة كبدى وفشة مومبارى😂😂
بيخبط الباب وبتقوم ايمان تفتح وكان انس
ايمان بحب: انوس حبيبى وحشتينى اوى
انس بيبصلها من تحت لفوق وبقرف يرد: اهلا
ايمان: دى مقابلة تقابلينى بيها بعد الوقت ده كله
انس: المفروض ازغرطلك ولا اتحزم وارقصلك انتى اصلا مش فى حساباتى ومن الاخر انا مليش غير اخت واحدة اسمها فرح وميشرفنيش انك تكونى اختى
هنا فجأة بيجى شخص من ورا انس وهو بيقوله............
بقلم/نشوي عادل
#نشوي عادل
