#مراتى_مجنونة البارت الثانى عشر✨
ابراهيم: هو ايه الهبل ده انتى اتجننتى ولا ايه يا ايمان🤨
ايمان: لا انا مش مجنونة بس انا واثقة ومتأكدة انك مش اسلام 😡
بتطلع علبة العدسات وترميها عليه وتقرب منه وتقوله: انت مين واسلام جوزى فين انطق 🥺
بيغمض ابراهيم عيونه ويتنفس بضيق وياخدها ويقعدوا ع كنبة الانتريه ويحكيلها الحقيقة وكمان ع الاتفاق اللى بينه وبين ايهاب عشان يرجعوا اسلام
ايمان: بس انت ازاى شبهه كده الاختلاف بس فى العيون غير كده محدش يقدر يفرقكم عن بعض
ابراهيم: بس انتى قدرتى
ايمان: عشان بحب جوزى بجد وعشان مليش غيره حبيب🥺
ابراهيم: وانا بوعدك انى هرجعه ليكى وان مش هيحصله اى حاجة حتى لو كان التمن حياتى
فجأة بيلاقوا الجرس بيرن بتقوم ايمان تفتح وكانت المفاجأة لما بتلاقى انس اخوها واقف ادامها ........ نسيبهم ونروح لبدر وفرح اللى بيدخلوا مطعم جنب السنتر ويطلبوا الاوردر
بدر: مبسوط ان ربنا هداكى ووافقتى تيجى معايا عشان يبقى بينا عيش وملح
فرح: طول ما الحساب عليك هيبقى بينا عيشات وملحات كتير( مش قولتلكم استغلالية🤣🤣)
بدر: وانا موافق يا سيتى
كانت فيه بنت قاعدة ع الترابيزة اللى جنبهم واول ما تشوفهم تروح عليهم وعلى وشها غضب ربنا
البنت: ايه ده استاذ بدر بنفسه هنا ومع بنت كمان ايه شاقطها منين دى
بدر: احترمى نفسك يا بسمة ووطى صوتك احنا فى مكان عام
بسمة: اوطى صوتى ليه خايف من كلام الناس اوى ولا خايف ع شكل الهانم
بدر: اسمعى يا بسمة حياتى الخاصة انتى ملكيش اى دخل بيها انتى فاهمة والاحسن ليكى انك تمشى من هنا من سكات قبل ما اخلى انا شكلك مش ولابد ادام الناس😡
فعلا بسمة بتمشى هى واللى كانت قاعدة معاهم وبيرجع بدر يقعد مع فرح اللى كانت فى منتهى اللامبالاة
فرح: هى مين ام سحلول اللى كانت واقفة دى ( ام سحلول بعد ما فرح شبهت بسمة بيها: سأخبر الله بكل شئ🤣🤣)
بدر: دى كانت خطيبتى
فرح: ايه ضاه بجد 😳😳 وانت البعيد كنت اعمى عشان تخطب القردة دى 😒
بدر: ههههههههههه والله ضحكتينى وانا مش عاوز بس بذمتك هى قردة😉
فرح: لا بصراحة هى وتكة بس تصرفاتها تصرفات جرابيع😂
بدر: انا فعلا كنت اعمى يا فرح بس الحب هو اللى كان عامينى عن تصرفاتها ووقاحتها وطمعها الهانم سابتنى عشان ابن خالتها اللى راجع من الخليج بس طبعا هدفها مش اصاب لانه كان راجع وناوى يخطب واحدة كانت معاه بالكلية ولما لقت الوضع كده كانت عاوزة تلف عليا من تانى لكن انا كنت فوقت يمكن متأخر بس حقيقى فوقت من وهمها
فرح: هيييييييييح قصة قصيرة حزينة😌
بدر: ده انتى باردة يا بت والله العظيم🤣🤣
فرح: اومال عاوزنى اعمل ايه اقعد اعيط واغنيلك عيد ميلاد جرحى انا للاستاذ الفنان هانى سلامة
بدر: اسمه هانى شاكر
فرح: مش مشكلة بقا كلها اسماء بتاعت ربنا يا فتى .... انت يا عم انت ( الكلام ده للجرسون)
الجرسون: افندم يا انسة
فرح: عصافير بطنى ابتدت تنهق مش تصوصو اسرع بالطعام بدل ما اقوم اكلك انت شخصيا
الجرسون بخوف: ح حاضر يا انسه هوى والاكل يكون عندك
بدر: ربنا يقل بختك زى ما فضحتينا يا شيخة😂😂 انتى مش بتسترى فى اى مكان خالص 😂😂 كلمة انوثة معدتش فى قاموسك
فرح: مش هرد عليك دلوقتى عشان جعانه اخلص اكل وانفجر فيك براحتشى
عند ايمان اللى بيدخل عليها انس يحضنها و يشوفه ابراهيم فيروح ليه ويقوله................................
