ظلم المجتمع

part 10

السلام عليڪم

تحن وتختصر ڪلشي بحرامات 💔💔:)

اﺎݪڪكاﺎتبۃ اﺎݪصغيࢪۃ ⁽⇣̀😻َِ❤َِ🔐،!)''۽

منتظر:الله يهديك بس انتَ انسان مّرَيَـضّ نفسي مشه وعافنه گومي حبيبتي گومي معليچ بي خيولي هذا مريض ميحب بس نفسه ماعنده غيره

يارا:دموعي صارت تنزل عشره عشره من شفت حنيه منتظر عليه هيچ لأن هو مو دائماً بالبيت وهاي اول مشڪله يشوفها النا

منتظر:يلا حبيبتي گومي امشي خلي اخذچ تغسلين وبعدين اخذچ لغرفتچ

يارا:لا لا لا ما اروح لغرفتي هسه اخاف يجي ابوي وحسين يڪله طلعت لازم اروح للمخزن لأن ابوي فرض عليه عقوبة ابقى بالمخزن بدون اڪل وشرب

منتظر:عقوبه ايش وشنو لٱ اڪل ولا شرب

يارا:سالفة طويلة عوفني خوية وخلي اروح هسه يصيرون ضدك ويڪرهونك بسببي

منتظر:خيولون محد يهمني ويلا امشي للغرفه وشحده الي يلمس شعره منچ وبدون ڪلام تمشين

يارا:منتظر مو ما خلاني اڪمل ڪلام

منتظر:اني شڪلت هااا مو ڪلت بدون ڪلام

يارا:ابتسمت ابتسامة خفيفة بس خايفة من ابوي اڪيد راح يڪتلني رحت غسلت وطبيت لغرفتي وگبل نمت ما گعدت ابد لثاني يوم ما طلعت خارج الغرفة اخاف من حسين وره شوية اجه منتظر وامي

ام حسين:ها بنيتي گعدتي شلونچ اليوم

يارا:هلا ماما الحمدالله زينه

منتظر:تعرفين اني ڪل شوية ادخل على غرفتچ اشوفچ گاعده لو لا

يارا:حبيبي اخوية ربي لا يحرمني منك يا غالي

منتظر:چا شعدنا غيرچ ڪم بنيه عدنا هيا بس انتي هههه يلا گومي خلي ننزل ڪافي نوم ونتغزل بيچ

يارا:هههه لا ما اريد انزل

ام حسين: حبيبتي گومي انزلي ويانه حسين ما موجود من البارحة

منتظر:حتلو موجود حسين تنزل معليچ بي گومي امي هسه شلون مسوية دولمة تشهي وحامضة اويليي

يارا:اويلي ما تحملت ونزلت قبلهم وگامو يضحڪون عليه لأن نزلت من سمعت بالدولمة

ام حسين:ماما يارا غسلي وفرشي السفرة

يارا:ايي ماما هسه رحت غسلت وفرشت السفرة وامي صبت الغده وتغدينه اني وامي ومنتظر اول مره احس بجو العائلة منتظر يشاقي بيه ويحچي وامي هم خلصنه الغده ورحت صبيت چاي لأمي ولمنتظر ولميت السفرة وغسلت المواعين وچان يتصل حسن على امي طبعاً منتظر ميعرف اني نخطبت

حسن:الوو السلام عليڪم

ام حسين:وعليڪم السلام يا هلا

حسن:شلونچ عمه اني حسن
ممڪن احچي وياه يارا