الاميرة

الاميرة 👑البارت الرابع ♥

رمضان مبارك ♥👑
****************☆♡★**************
#رواية _ الاميرة
#بقلمى _ إيمان منسي
# رأيكم _ يهمنى..
*****************
#البارت _ الرابع
******
بعد ان انتهت كارولين من  القداس الذى يقام فى الكنيسة استأذنت من والدتها ومرات عمها والدة مينا وذهبت للعمل.. اثناء طريقها  قامت بالاتصال على صديقتها اميرة ليأتيها الرد خلال ثوانى قائلة:  اى يا زفتة فينك مش قولتى هتيجى 9 اتأخرتى لى كل دا د. خالد هيولع فيكى.. الحالة بنت الاستاذ لؤى نقلناها اوضه عادية بس عايزين ننقلها دم ومش لاقيين فصيلتها فى بنك الدم اخلصى يلا تعالى .. قالت هذه الكلمات اميرة وهى ترتجف خوفا على هذه الطفلة..
كارولين:  اسفة والله اهوه جاية قدامى نص ساعة  وابقا عندك يلاسلام..
اميرة:  سلام يا حبيبتى..
بعد ان انتهت من مكالمة اميرة اغلقت الهاتف واستقلت تاكسى بعد اوصلها المستشفى  ثم اخذت تركض حتى وصلت الى غرفة تلك الطفلة ووجدت الطبيب واميرة راقدة بجوارها ينقلوا منها  الدم الى صغيرتنا  حيث ان فصيلتها نفس فصيلة الصغيرة...
كارولين بلهفة :  صباح الخير يا دكتور هو فيه اى.. اميرة نايمة لى كدا..
خالد:  بتتبرع بالدم دورنا ملقيناش بعد ما انتى قفلتى عملت تحليل الفصيلة وطلع هى هى فصيلة فضة (اسم الطفلة زى ما قولت  فى البارت الاول اوعوا تكونوا نسيتوا هزعل هااا 😹🤍 )  ف قالت هتتبرع..
كارولين:  يا حبيبتى يا اميرة..  طيب هى نايمه لى..
وهنام لى يا متخلفة انتى ع اساس انى تعبانه اووى يعنى دا شوية دم..  نطقت بهذه الكلمات اميرة ثم قالت بحزن...  انتى عارفة انى مش بحب اشوف اطفال صغيره تعبانه..
جرت عليها كارولين واحتضنتها قائلة:  يا روحى انتى ربنا ان شاءالله هيشفيها وتبقا كويسه..
خالد محاولا تلطيف الجو:  انتى يا انسه كارو مش فاضين جهزى 50 مل محلول ملح عشان  تديهم لفضه بعد نقل الدم..
كارولين بجديه: حاضر يا دكتور..
فعلت كارولين كما طلب الطبيب وبعد عدة دقائق انتهت اميرة من التبرع  اخذتها كارولين ووضعتها على اقرب مقعد واتت لها بالعصائر..
ثم اتجهت الى الصغيرة مساعدة للطبيب وضبطت معدل الدم الداخل فى شريان الصغيرة..
طلب خالد من كارولين الاهتمام بالصغير والجلوس جوارها حتى تنتهى من نقل الدم..
خرج خالد من الغرفة متجها الى مكتبه وبعد قليل من الوقت وجد طرق على باب المكتب قائلا بصوت مرتفع نسبيا :  ادخل...
فُتح الباب ليجد ان الطارق هو لؤى قائلا:  السلام عليكم ازيك يا دكتور.
خالد: وعليكم السلام ورحمة وبركاته  اهلا وسهلا اتفضل..
لؤى:  كنت عايز اطمن ع فضة يا دكتور هى عاملة اى دلوقتى..
خالد:  والله مخبيش عليك يابنى بنتك زى ما قولتلك ان حالتها مش سهله دا غير ان عندها نزيف داخلى ان قدرنا نوقفه اثناء العمليه واحتجنا دم ونقلنالها لحد ما عوضنا الل خسرته وطلعت من العمليات ودخلناها العناية بعد ما حالتها استقرت نقلناها العناية الصغرى  ( العناية الصغرى دى بتبقا زى العناية الكبرى بس امكانياتها  الل بنحتاجها للمريض فقط ومسموح للأب والام دخولها عكس العناية الكبرى  ) واحتاجت دم تانى  والانسه اميرة هى الل اتبرعتلها لاننا ملقناش متبرع الل
حضرتك..... اظن فاهم قصدى..
لؤى بندم:  انا بجد اسف.. طمنى يا دكتور بنتى كويسه دلوقتى اقدر اشوفها..
خالد: اه طبعا تقدر تشوفها هندهلك حد من الممرضين يجهزك عشان تدخلهاا..
لؤى:  شكرا جدا لحضرتك..
خالد:  لا شكر ع واجب يا ابنى.. هندهلك عمر..
رفع سماعة هاتف المكتب مهاتفا: عمر تعالى عايزك..
بعد قليل جاء عمر قائلا:  تحت امرك يا دكتور اتفضل..
خالد:  تاخد استاذ لؤى تجهزه وتدخله العناية  الصغرى للمريضة فضة لؤى العمرى..
عمر:  حاضر اتفضل معايا يا استاذ لؤى
******
#بقلمى _ ايمان منسى
****""""""
ذهب لؤى مع عمر وتم تجهيزه ثم دخل غرفة العمليات ليصدم مما رآه قائلا:  انتى!!؟
لترد عليه محاولة تهدئة اعصابها:  نعم افندم جاى تمد ايدك عليها تانى ولا تفتحلها دماغهاا..
(نعم يا سادة من سواه سليطة اللسان كما اطلق عليها هذا اللقب..هى كارولين يا جدعان مفيش غيرها 😹😹)
نظر ناحية تلك التى تنظر الى الارض خجلا منه قائلا:  بت انتى بقولك اى ااااا....
قاطعته قائلة:  بت لما تبتك يا راجل انت،،، لا بقولك اى.. احنا هنا فى مستشفى محترمه وناسها محترمين يا تحترم نفسك يا تغور من هنا..
لؤى وهو على وشك الفتاك بهاا:  هو انتى بتكلمينى لى كدا انتى عارفة بتكلمى مين.. انا لؤى العمرى مدير لبنك***" يعنى تكلمنى بأدب..
كارولين متظاهره الخوف :  يمى يمى يمى خاف يا عيد حصلنا القرف يا استاذ المدير...
لؤى كاد ان يتكلم لتقاطعة تلك الجميلة قائلة:  يووووه  بس بقا انت وهى صدعتونى.. كارو. لو سمحتى خلاصة.. و حضرتك يا استاذ لؤى مينفعش شغل العيال الل بتعملوه دا.....  رمقها بنظره كادت ان تخترقها كالرصاصة.. قائلة بخوف من نظرته معدله كلامها:  احم قصدى ان دى عناية مش هينفع ال. اااا.. الكلام والمشجارة فيهاا.. حضرتك كنت محتاج حاجه..
لؤى ببعض الخجل :  احم كنت عايزة اتأسفلك ع الل حصل منى امبارح وكمان حابب اشكرك انك اتبرعتى لبنتى. بدمك....
اميرة:  لا مفيش حاجه يا فندم حصل خير ومتشكرنيش ع حاجة دا واجبى واتفضل بنت حضرتك اهييه واحنا هنقف بعيد عشان بس نتابع كيس الدم..
لؤى:  شكرا..
جلس على المقعد المقابل لفراش الصغيرة قائلا بدموع مقبلا يدها وجبينها :  فضة حبيبتى وقلب بابا قومى يا عمرى وانا هجبلك حقك منها وحق نومتك دى قومى يلا عشان انتى وحشتينى وخفى بسرعة...
كل هذا تحت انظار كارولين التى فتحت فمهاا من هول الصدمه اذا هل هذا هو المتعرجف المغرور كما اطلقت عليه تراه يبكى واميرة التى ادمعت عينيها بل بالفعل سقطت دموعها تأثرا بهذا الموقف ودعت الله كثيرا ان يشفي تلك الطفلة..
مرت 10 دقائق وهما فى هذه الحالة..
لم ينتبه لؤى  عندما سقطت دموعه بعدما ادرك ما هو حوله قام سريعا بمسح دموعه.. متجها الى اميرة قائلا : ممكن لو سمحتى تخلى بالك منها وانا بعتذر منك مرة تانيه..
اميرة بابتسامه وبعض الخجل:  دا شغل يا استاذ لؤى انا بأدى واجبى وان شاء الله تخف وتقوم بالسلامه..
كارولين متدخله:  احم لو خلصنا فقرة الاعتذار والتنيح اتفضل من غير مطرود..
لؤى بإستغراب :  انتى يا بنتى ازاى كدا.. انا عندى صحاب كتير مسيحيين مشوفتش فى طولة لسانك..
كارولين بردح :  نعم نعم يا دلعدى قصدك اى انى مش محترمه ولا مش محترمه..
لؤى:  يا ستى انا الل مش محترم انى عرفتك اصلا. معرفش انتى دماغك دى متركبة ازاى انا عندى واحد صحبى  مسيحى عايش فى ايطاليا  بيحكيلى ع واحدة بيحبها بالظبط ف نفس مواصفتك لدرجة شكيت انها انتى .....
كارولين بتوتر فهى تعلم ان مينا يحبها لكن ظنت انه يتكلم عليه قائلة  : بب...بب.. بقولك اى  مش خلصت الزيارة اتفضل مع السلامة..
لؤى:  انا كدا كدا ماشى يا ستار يارب..
ثم وجه كلامه ل أميرة قائلا:  بالله تخلى بالك هاا.
وكان يقصد ابنته..
اميرة:  ف عنيا والله متشلش هم..
لؤى:  الف شكر متشكرا جدا ل زوق حضرتك مش زى ناس..  وكان ينظر حينها لكارولين..
كادت ان ترد لكن سبقها هو:  يلا سلام عليكم.. وغادر سريعا..
بعد ان خرج قالت:  اى البنى ادم دا اعوذ بالله.
اميرة بضحك:  خلى بالك انتى اتماديتى اووى معاه بصراحه واحنا مش عايزين مشاكل..
كارولين بغضب طفولى :  ما هو الل مستفز طيب..
اميرة بضحك على هيئتها الطفولية :  خلاص متزعليش يلا نشوف القمر دى كيس الدم قرب يخلص بعد شوية انتى شيليه وانا هنزل اشوف مديرة مدرسة التمريض كانت عايزينى انا وانتى هنزل اشوفها انا وانتى اقعدى مع فضة..
كارولين:  ماشى يا حبيبتى.. خدى بالك من نفسك.
اميرة:  حاضر يا حبى يلا سلام..
كارولين : سلام يا حبيبتى..
.~~~~~~~~~~~~~~~~~~~~~~~
ذهبت اميرة الى مديرة مدرسة التمريض التى توجد فى نفس المستشفى لكن فى ركن بعيد عن المستشفى..  وصلت الى المدرسة ثم سألت على مكان مكتب المديرة لتدلها احدى الطالبات... ثم ذهبت الى مكتب المديرة وطرقت الباب ثم اذنت لها بالدخول قائلة:  السلام عليكم يا مس احلام قالولى ان حضرتك عايزينى انا وكارولين فى حاجه ولا اى..
احلام:  وعليكم السلام ورحمة الله وبركاته... اتفضلى يا اميرة.. الحقيقة انا كنت عايزاكم ف........................
********""**************×********
عند لؤى...
بعد ان خرج من المستشفى وركب سيارته وادارها لينطلق بها الى مقر عمله..
اثناء طريقه للعمل وجد هاتفه يرن بمكالمه من رقم ايطالى  ليجيب ع الهاتف:  تشاو..
ليجيب الطرف الاخر:  تشاو ورحمه الله وبركاته  .. عامل اى يا اخطبوط وحشني والله ووحشنى قعدتى معاك..
لؤى و قد علم من المتصل:  مينا حبيبى... يا راجل  وحشنى والله عامل اى واخبارك وهاا مش نااوى تنزل بقا وتخطب بنت عمك الل قارفنى بيها كل شوية بحبها بحبها.
مينا بضحك : هانت يا كبير وهنزل قريب.. طمنى انت اخبارك واخبار فضة ومراتك عاملين اى...
لؤى بحزن وغضب:  بنتى محجوزة فى المستشفى والسبب امها..
مينا بصدمه:  اييه امتى الكلام دا وازاى وحصل اى..
لؤى:  سرد له كل ما حدث ليجيبه قائلا:  يا ستار يارب ازاى جالها قلب تعمل كدا حسبي الله ونعم الوكيل فيهاا ربنا هيجبلكم حقك منها قريب..
لؤى:  ان شاءالله....  ثم غير الموضوع قائلا:  انما ياض يا مينا شوفت ممرضة اسمها كارولين انما اى لسانها دا عايز القطع والله نفس موصفات بنت عمك لدرجة شكيت انها هى..
مينا بصدمه:  انت قولت اسمها اى؟
لؤى باستغراب:  كارولين هى ممرضة فى المستشفى وماسكة حالة بنتى هى و واحدة اسمها اميرة..
مينا:  يخرب بيتك دا هى دى بنت عمى يا بنى..
لؤى:  اعوذ بالله انا قولت كدا بارضو روح يا عم رلنا يعينك.. دل لسانها وحده 20 متر..
مينا بضحك وحزن فهو اشتاق لها كثيرا:  بس هى توافق عليا وبعدها الل يحصل يحصل..
لؤى مطمئنا صديقه:  خير ان شاءالله تفائل خير فى ربنا وبإذنه تكون من نصيبك....
مينا:  ان شاءالله يا صحبى...  اسيبك انا بقا معلش صدعتك..  هقفل وهكمل شغلى عشان خلاص هنزل قريب ف هصفى كل حاجه هناا..
لؤى:  ماشى يا صحبى ربنا معاك …
مينا:  يلا سلام عليكم
لؤى: وعليكم السلام ورحمة الله وبركاته
............................
بعد ان اغلق المكالمة..  تأتيه مكالمة اخرى من صديقه معتز يقول:  ابشر يا عم...********
لؤى بفرحة : كدا حلو اوووى انا جايلك بسرعه سلام..
اغلق معه ثم غير مسار طريقة ذاهبا الى ****

*************************************

ايوة يلا سلام انا كمان البارت خلص 😹😹😹😹😹😹😹😹
خالو وخالتو انتوا وهى يلا كومنت برأيكم
ومتنسوش النجمه تدوسوا عليها هى وكدا ☆  عشان تظهر كدا ★ تعملوا متابعة عشان يوصلكوا گل روياتى الل هكتبها ان شاءالله ومتنسوش النجمه والكومنت  هاا ادينى بقول  عشان مزعلش وان زعلت هزعلكوا وان زعلتكوا هتعيطوا 🔪🔪🔪🔪🔪🔪🔪🔪🔪🔪🔪☠️☠️☠️☠️☠️☠️😹😘😘☺️
☆☆☆
#رواية _ الاميرة👑👑
#بقلمى _ ايمان منسي ♥🌺
# متنسوش _ رأيكم يهمني 👑🤍