السلام عليكم شلونكم شخباركم ان شاءالله بخير اعذروني على التاخير جنت داخله فتره جدا صعبه امتحانات سادس نوب طلعت دور ثاني نوب دوام بالجامعه وصار عندي حاله وفاة جدو وصارت الاوضاع صعبه وبالشت الامتحانات وصارلي اسبوع من كملت وراح احاول اختم القصه الكم بالعطله هاي ❤❤
________________________________
يزن :وهسه هي نايمه
ايلين :يي نايمه 🥺 يزن انته لا تكول لبابا اكيد هي ما كايلتله واذا عرف راح ينقهر ويعصب على عمتو لان ماكلتله
يزن :طبعا ايلين مستحيل اكوله وانتي انسي الموضوع وروحي نامي
ايلين :تمام يله اصبحون على خير
كنان ويزن:وانتي من اهل الخير
ايلين :رحت لغرفتي تمددت وافكر بعمتو وشنو لي خلاهه توصل لهاي المرحله لازم اكو شي اني انتبهت من كعدت من الغيبوبه الكل يصرف بغرابه مثل يعرفون شي وضامينه وهل شي اله علاقه بعمتي متاكده لازم اعرف كولشي همه ماراح يحجولي بس اعرف منو لي راح يحجيلي ماكو غير جود اكدر اعرف منو كولشي ضليت افكر وضليت شايله هم عمتو وشنو لي خلاهه توصل لهاي المرحله الصعبه ولازم اساعد عمتو تتخلص من هاي المحنه الصعبه واوعدج عمتو راح اسوي لاكدر عليه علمود تتحسنين
ضلت افكر بعمتو ماحسيت بنفسي غير استسلمت لنوم
بعد مرور ٨ساعات
ايلين :كعدت الساعه تسعه الصبح كمت رحت لحمام سبحت ولبست ملابسي وطلعت رحت لغرفه الطعام الكيت الكول كاعد على طاولت الفطور ماعدا عمتو تالين وبابا
ايلين :صباح الخير جميعا
الكل :صباح الانوار
عمار :صباح الخير
الكل:صباح الانوار
مراد :بابا تره لي جاي يصير غير عادل
الكل :بستغراب
عمار:خير مراد شنو لي غير عادل
مراد :انته انطيت اجازه يومين للكول واني امس جان عندي دوام واليوم هم عندي بس ماداومت لان يرحون سفره وتعرفني ما احب سفرات الاطفال
ايلين :يا عيني وشنو انته جبير انته هم طفل حالك حالهم
مراد :واني ما حاجي وياج انتي بابا لا بس صدوك انتي حشريه حشره نفسج بكولشي لافضل الج لا تحشرين نفسج اوكي ما اعيد الكلام مرتين
ايلين :لا بله خاف ما ترضى استاذ مراد عشتو
عمار :كافي ما اريد تتناكرون كدامي مره ثانيه اوكي
ايلين ومراد :اوكي
ايلين : كملنه فطور كمنه كلنه كعدنه بغرفة الضيوف اجتي مرام جابت كهوه متعودين نشرب كهوه وره الافطور ضلينه نسولف شي عادي بما انو اليوم ريست وباجر نرجع انداوم بالمستشفى ما حسينه بالوقت صارت الساعه ١١ونص
جود :خالو شنو رئيك نسوي بليل شي حفله بما انو اليوم اخر يوم بالاجازه وتكون الحفله عائليه بيناتنه بس نعزم بعض الاصدقاء المقربين فقط
ايلين :يي والله خوش فكره
الكل :يي والله خوش فكره
وتين : يي والله نغير جو بالحفله والله جود صاير تفكر
جود بضحكه :شي اكيد بس غير اني ما احجي
عمار :ماله داعي الحفله تردون انتم سوو اجواء بينكم
هايا :حبي شنو رئيك نسوي هيج كعده عائليه بينه مشاوي بالحديقه
عمار :تمام
جود :شي اكيد تمام غير رئي حبيبت الكلب شلون مو تمام
عمار :جود انته يمته تبطل سوالفك كلهن مابيهن حظ
جود :خالو اني اريد اتزوج طاكني الجفاف ذوله لي يمك بلا حساس
عمار :اختار وازوجك
زيد :عليمن نعتب على رامي اذا انته اضرب منه
رامي :لا جود ويه حق خالو عمار اني هم اريد اتزوج بس مايقبلون يكلولي بعدك اصغير
الكل 🤣🤣
عمار :يي حبيبي بعدك اصغير من تتخرج من الجامعه تعجبك ابنيه ونزوجك
رامي :اوف بعد هواي شلون اتحمل
الكل :🤣🤣🤣
