عشق: مر اسبوع ماكو شي جديد وضعي نفس ما هو ماكو تحسن جسمي كلش يوجعني گوه أكوم وگوه اگعد ميته تعب زيد يساعدني ودائما يحالون يحجي وياي واصده گلبي متاذي منا جرحني كلش مستحيل اگدر انسه كلامه لي مثل السم شايله بگلبي عليه من اگعد الصبح الگه نفسي بحظنه ولي يشوفنا هيج يگول انيالهم على هذا الحب وعرفته هو ينتظرني اغفه
وياخذني لحظنه كلش تعبانه وضايجه الكل جانو قاسين وياي وشايلين عليه ومستحيل انسه زواجي لي محد وكف وياي وكلهم عافوني وخلوني بهذا اليوم مثل التايهه حتى اخوي جيهان لي جنت معتمده عليه شال بگلبه عليه وماحجه وياي لفتره طويله ومن عرفو مرضي وشنو السبب لي خلاني ارفض هذا الزواج الكل جان مقهور عليه ويحاولون يگعدون يمي
ويحجون بس جنت صاده الكل ومن يجون يمي اگوم كلهم كسرو گلبي وتاكدرت بنفسي محد يسند احد انته سند نفسك لا تتوقع من اللبشر شي الابشر غداره شگد احتاجيت امي بهل فتره جانت كلش صعبه تمنيت الموت بالحظتها شكد جنت محتاجه احد اشكيله واحجيله الحمل لي شايلته الحمل جبير عليه جيهان جان يجي يمي بس جنت اصده ما اريد شفقه من احد لي اتهموني بالأنانيه والغرور وسوني بله احساس مستحيل اسامحهم بسهوله مستحيل انسه هاي
الفتره شگد عانيت بيها زيد دائما يساعدني ويستغل الفرصه يتقرب مني گمت رحت لحمام اريد اسبح سبحت وريد اخذ المنشفه تعبت گوه اتحرك احس نفسي ثگيله گوه امشي اخذت المنشفه واتعرث وگعن الغراض بالگاع ماحسيت غير بدفعت الباب ودخل عليه زيد عباله اني وگعت ضل صافن
عليه غطيت نفسي بالمنشفه وشفته توتر وگوه متحمل اجاني كمشني من ايدي ريد يساعدني اني اتباوعله صفح گوه متحمله فشلتني شلون شافني هيج اكيد انتبهلي شكد فشلانه من نفسي
شفت ميامين دخلت تريد زيد وشافتنا سوا
بالحمام نوب زيد عوزه بس يحظني وهي شهگت وخلت اديها على خدها وراحت ركض عرفت راحت تفضحنا كدام الكل ساعدني گعدت على التخت جابلي ملابسه كتله اطلع شفته صدك طلع بدلت وارتاحيت شويه ونزلت گوه اتحرك زيد مايقبل انزل واني عناد بيه ضليت انزل وما اقبل يساعدني والا اقبل احد يساعدني غير بس هايا ومرات مراد يساعدني او اسيل گوه گعدت ميته تعب وزيد كل شويه يباوعلي
عود خايف عليه وما منطيته اهميه شفت الكل اجو كعدو ضلو يسالفون ويشاقون ويضحكون واني بغير عالم ما اعرف وين وشنوو مصيري الدنيا كل يوم ضاربتني ماعرف شنوو مصيري ما اگدر اضحك واجامل احد واني احسن شايله جبل على صدري اريد اصيح وابجي بس ماكدر
احس ماكو احساس خايفه شي يوم افقد الشغف بالدنيا صرت مالي واهس لكلشي نفسيتي تعبت واني تعبت انتبه لجيهان وزيد دومهم يباوعولي لان اصفن هواي بس اثنينهم ما اهتملهم اثنينهم اذوني واكثر شي تاذيت من جيهان ما توقعت شي يوم يوگف ضدي شفت ميامين اجت تركض وگعدت بحظن جدها طبعا هي محبوبه من الكل
ميامين: جدو انته مو كتلي من تسبحين عيب يشوفج احد
