هايا اليوم لازم اروح لبغداد حاجيت جود واتفقت ويا وكتله مايگل لعمار وهم مابلغت مراد بجيتنا اله كلت اسويها اله مفاجئه وهو متغير كلش من راح لهسه من اخابره بنهار بدوام وبليل يتحجج لو نايم لو يدرس حاسه اكو شي ضامه عليه عمار والشباب مشو لدوام بس اني وجود ضلينا اخذت الاغراض لي جهزتهن لمراد وطلعنا اني وجود اليوم مراد عندا اوف اكيد بشقه واخذتله ريوك وياي اكيد هامل نفسه ماحسيت بالوقت من وصلنا
جود: هذا المبنا لي بيها الشقه اول مادخلين بطابق الاول اول باب
هايا: تمام حنزل وانته نزل الاغراض وراي
جود: تمام
هايا: نزلت دخلت لجوه هاي اول شقه دكيت الجرس ماكو اجه جود شايل الاغراض دكيت شو ماكو
جود: خاف طالعين اليوم عطله وخاف حبو يغيرون جو
هايا: لا ما اعتقد ضليت الح بجرس سمعت صوت انفتح الباب طلع ولد بكد مراد تقريبا
مرحبا ابني مراد موجود
صديق مراد: مراحب خاله لا والله مراد طالع بشغل
جود وهايا: 😯😯
هايا: شغل يا شغل وشنو يشتغل
صديق مراد: العفو خاله انتي شنو اصيرين من مراد
هايا: اني أمه
صديق مراد: شنو يبو حجيت بكلبي مراد نبهني خاف احد يزوره من اهله ما اگول يشتغل هسه فلتتها شلون اصلحها تفضلي خاله هسه اتصل مراد يجي
جود: انصدمت من عرفت مراد يشتغل وليش يشتغل دخلنا جوه الشقه جبيره گعدنا بالصاله برغم شباب اله شقتهم مرتبه ونظيفه بين مرتبين ضيفنا عصير وضلينا نص ساعه كاعدين خالتي ضايجه كلش ماشربت حتى الماي وره شويه سمعنا الباب انفتح شفت مراد دخل خالتي طفرت راحتله
هايا: مراد حبيبي وين جنت وشغلج جاي تشتغل ليش انته محتاج شي اني امك لا ضم عليه شي شوف شكلك ضعفان وتعبان وجهك حار اكيد الشمس ضربتك
مراد: اهدي ماما مابيه شي واني اشتغل جوه مو بره علمود الشمس تضربي وثاني شي ماما مابيه شي واذا اشتغلت اريد اعتمد على نفسي واني اشتغل بس بليل بس اليوم اوف عندي لهيج طلعت اشتغل بالنهار وتعالي خلي نكعد ونحجي
هايا: تمام كعدت مراد عمري عوف شغلك وركز على دراستك وانته باجر عكبه تتخرج واشتغل واعتمد على نفسك وابوك ماجاي يقصر وياك
جود: حبيبي مراد اعرف تريد تعتمد على نفسك بس بعدك اصغير عمرك كله ١٨ سنه وبعدك اول مرحله على الاقل اكبر شويه واعتمد على نفسك وخالو عمار اجرلك شقه وكعدك بيها يريدك تدرس وتجيب معدلات زينه
مراد: ماما جود اعرف لي دتحجونا صح وكلامكم كله صح واعرف كولش زين بابا ما مقصر وياي بس اني اريد اعتمد على نفسي واني كبرت مالازم اضل معتمد على بابا والشغل لي داشتغله بسيط مطعم وعلى راحتي بس اقدم الاكل واشتغل بليل مرات بالعطله اشتغل بنهار وفلوس الشغل جاي اصرفهن على دوامي اما الفلوس لي انطانياها بابا بعدهن على حطتهن
هايا: ليش يمه مو امجد اخوك هم جان مثلك يدرس وابوك يصرف عليه من اتخرج وداوم اعتمد على نفسه وكذالك ايلين بله نگول ايلين بنيه وضل تعتمد على ابوها بس امجد من تخرج يله بلش يعتمد على نفسا وانته هم اتخرج واعتمد على نفسك لان الشغل مو سهل بالنهار دوام وبليل تشتغل جسمك يريد راحه هيج تتمرض
