اسلام عليكم ورحمة الله وبركاته شلونكم شخباركم أنشالله بخير اتمنه دتستمتعون بقراءة القصه بنات اعرف زعلانات مني لان داتأخر بنشر بس ضروفي كولش صعبه ولهسه الوضع متئزم بس داحاول اكتب بس أنشالله اكتب وما اقطع عليكم اهم شي اريد تفاعل فدوه احبجن كوووومه 🎀💓💓💓🎀😘😙💋🎀💓💓💓🎀😘😙💋
ـــــــــــــــــــــــــــــــــــــــــــــــــــــــــــــ
بقلمي طيبه كوين ❤❤
ــــــــــــــــــــــــــــــــــــــــــــــــــــــــــــــ
ايلين:ماسمعت كلامهم وطلعت اني معصبه ومتحلفه لبو المولده اني اعلمه اشوف يزن وزيد وكنان يركضون وراي واني ما اهتميت شويه قربت يم اركن صحت باعله صوتي يمكن حتى الجيران كعدت صحت جبببببببببباااااررررر اااااااااااااببببببببوووووو
ااااااااااااالللللللمووووووووللللددده
نسر:جنه كنه كعدين ملتمين حتى الشيخ كاعد ويانه انحاول انسيه همه انكطعت الكهرباء اتأخرت المولده دزيت واحد من الحراس يشوفوا ليش ما شغل ويكله يكول الشيخ ليش ما شغلت المولده وراهه بشويه اجه كال مايصلح المولد اله ينطونه افلوسه وفوكهه هو لي معطلهه كلهه تكول عنه غبي بس هو موغبي بي حاله نفسيه يخلي هيج يصرف انصدم بموات عائلته بحريق وصار هيج احنه كنه نحترمه ونحبه مرات يتعبنه بتصرفاته بس هو كلبه طيب ونقدر حالته النفسيه رحت كلت الشيخ
نسر:شيخ مايقبل يصلح المولد اله ينطو افلوسه
الشيخ:دزله احد كله اني انطي الفلوس بس خلي يشغل المولده
نسر:بعدني اريد احجي وسمعنه صايح بره وكنه طلعنه حتى الشيخ ماقبل يريد يطلع سنده احمد وطلع نبهت على النسون ما يتخطن الباب وطلعت اشوف ايلين واكفه يم ركن طبعا الركن قريب كلش علينه اول ما اطلع من البيت اشوفه شفت ايلين اصيح على ابوو المولده واصيح بسم جبار منو تقصد ما اعرف ماعدنه هيج شخص اسمه انتبهت لبسهه لو شطت احس النار كامت تطلع من عيوني عصرت ايدي حيل من العصبيه ردت اروح بتجاهه والزمهه وكسرهه تكسر على هذا البس احمد انتبهلي كمشني من ايدي
احمد: انتبهت لنسر شفته شلون معصب وراح ينفجر شفته يريد يروح بتجاه ايلين كمشته من ايده
احمد:نسر هدي شويه ماكوو شي ينحل بعصبيه وثاني شي انته من تروح وتفرض نفسك وصيطرتك عليه بهاي السهوله ما تكدر لان ماراح تتقبلك وهيه متربيه بين الاجانب ولبسهه وتصرفاته وحته شخصيته مثل الاجانب
نسر:بس ما اكدر اوكف واشوفه هيج الابسه بين الناس وكلهه تتفرج عليه
احمد:هدي نسر انته لازم تتحمل
نسر:راح احاول كلت راح احول بس احس روحي 🔥 راح انفجر من العصبيه
ايلين:صحت باعلى صوتي طلع واحد من المولده فكيت حلكي من جماله شنوو من اعيون شايل يخبلن وجسمه رياضي وجان اكو اثر حرق بخده الايسر بس عيبه الوحيد هوه قزم
جاسم:انتي ليش اصيحين
ايلين بعصبيه:وين ججججباااااارررر
جاسم:يا جبار ماكوو احد بهذا الاسم
ايلين:انته تتستغبيني احجي على ابو المولده جبار
جاسم:اني ابو المولده واسمي جاسم مو جبار
ايلين:انته اذن ابو المولده حجيت بكلبي يمكن يزن غلط بسمه كلتلي انته ابو المولده
جاسم:ايي اني ليش رايده شي
ايلين بعصبيه:ايييي رايده ادنيت يمه وهو قزم كمشته من كفشته وكعته بالكاع وكتله شوف جبار مدري جاسم المهم اذا ما صلححح المولده بعشر دقائق موتك يصير على ايدي
جاسم:ما اصلح المولده اذا ماينطوني افلوسي
ايلين:اذا هيج اشاهد على روحك كمشته من كفشته نتفتهه اله شلعت رموشه كتلته كتله يله صلح المولده لو هذا شعرك اشلعه الك كله اجه
وياي جود وكتنا كتله تسوا عمره يزن وزيد وكنان يصيحون يردون يوخرونه ما يكدرون واني مستمتعه بكتل الدعبله ههههههه
🤣🤣🤣🤣 يلا اشغل المولده لو تريد تنكتل اكثر يلا اعلن رايات الستسلام
جاسم: اني استسلم راح اصلح هسه المولده
ايلين:هاا شفتوو شلون خليته يتراجع ويصلح المولده
كنان:ليش هو انتي خليتي شي باوالد صاحي شوفي شلون شلعتي شعر المسكين
ايلين:هاي الطريقه استعملهه وي امثاله هو بين مجنون يله صلح المولده
جاسم:حاضر انتي وحده قاسيه ماعندج قلب اني عطلت مولدتي علمود اخذ افلوسي بس انتي خربيتي خطتي انتي وحده قاسيه اني زاعلتج
ايلين:كافي ادراما اني اعرف هذا النوع من الدراما لان مستعمله هاي الطريقه علمود اضحك على ذوله الهبلان
زيد:هبلان ايلييين موعيب تحجين هيج علينه لاتسين اني خالج
ايلين:اي يله كافي خال على نفسك مو عليه
جاسم:شوفي شلون شلعتي شعري وسويتي بحوجبي اني بعد ما العب وياج زاعلتج اني ما العب وي الي كلبهم قاسي
ايلين:ايي مو احنه جنه نلعب غمضان الجيجو وزاعلتني يله خابر احد يصلح المولده بساع
جاسم:بس افلوس المولده انتي ادفعينهه
ايلين:وليش عيني اني ادفع افلوس المولده هيه
بسمي واني ما اعرف
جاسم:اني ردت افلوسي من العالم علمود اصلحهه وانتي ترديني اصلحهه لهيج اريد افلوس
ايلين:اوك اهم شي اصلحهه شكد تريد
جاسم: خليني افكر
ايلين:هو شنوو وتفكر كتلك اخترع الذره ومادري
جاسم:انطيني ٤٠٠ الف
ايلين:اوك اهم شي اريد اصلح المولده بس بشرط انطيك الفلوس بس ما تعيدهه مره ثانيه وتكطع المولده اوك
جاسم:اوك
ايلين:يله صلح المولده راح اضل واكفه على راسك منه لمن اصلحهه واني احجي ويا اجه وجه البومه مزعل بصراحه اني اول ما شفته ما حبيته
مزعل:اسلام عليكم
الكل وعليكم السلام
ايلين:بكلبي لاهله بيك
مزعل:جاسم انته ماراح اتبطل تصرفاتك هاي وتخلي الوادم اضوج منك انته ما تعقل شكم مره كتلك لا تكطع المولده اذا ماينطوك الفلوس تعال كلي واني اطيك
جاسم:وانته شعليك بكيفي لا تتدخل اوك اسوي الاريده وانته اول مره هيج تحجي من اصلن انته ابخل شخص بدنيا هسه طلعت شخص حنون
مزعل بعصبيه:انته مجنون لو صاحي اعلمك منووو البخيييل
ايلين:انصدمت من سمعت مزعل من كال عنه مجنون لهيج هو جان يحجه بجنون اني نقهرت عليه كلش رديت على مزعل شوف مايصير تحجي عليه هيج حتى اذا مجنون مايحقلك تحجي عليه هيج
مزعل:حتى اذا مجنون مايصيرر يكطع المولده على العالم يجي ويكلي واني انطي الفلوس هاي اخر مره المره الثانيه اشتكي عليك
ايلين:اول شي انته كلت اني ادفع الفلوس اذن لحضه رحت ادنيت يم جاسم همستله شكد تطلب الناس كالي 400 كتله اوك رحت يم مزعل كتله انته كلت اني احل المشكله وادفع الفلوس وهو كالي اكوو ناس حتى شهرين ما مطين ويطلبهه مليون يله راوينه ادفع المليون
مزعل بصدمه:شنوو مليون ضليت اتلعثم كدامهم حجيت بكلبي عبالي المبلغ 200 او 300 ما توقعت هيج
ايلين:شفته شلون كام يتلعثم كدامي اني فهمت من كلام جاسم هو واحد بخيل لهيج خليت المبلغ كولش جبير علمود ابين لهل المنطقه هذا مزعل شكد بخيل كتله هاا مزعل شبيك كول من البدايه ما ادفع وثانيا المبلغ 400 مو مليون اني كلت هيج المبلغ علمود تبين انته شكد بخيل
وثانياا انته كلت هو مجنون وباقانون المجنون ما عليه حشم معقوله انته شيخ ومسؤال وماتعرف هذا القانون لعد انته شتعرف لازم هم ياخذون منك المسؤاليه لان ماتعرف قوانينهه واهم شي مابلغ اصغير ما دفعته للناس كتله هيج واشوف نضراته الي نضرات كراهيه وحقد اتباوع اشوف نص المنطقه ملتمه على المولده وكلهه تضحك عليه وبين عليهم الفرح بهزيمته بين الكل يكرهه تباوعت المزعل ركع رجله باكاع حيل ومشه وبين عليه العصبيه اني ضحكت عليه لان اول ما شفته ما ارتاحيتله بين عليه مو راحه وراه شي واكيد اني راح اعرف اذا مو اليوم باجر
جاسم:ياااي يااا واخير شفت مزعل مهزوم ومعصب شكرا الج لان رديتي عليه اني هسه صاحبتج وراح العب وياج غمضان الجيجوو
ايلين:ضحكت على كلامه اوك بس اوعدني ماتعطل المولده مره ثانيه اوك يا جبار
جاسم:اوك بس اني اسمي جاسم مو جبار
ايلين:بس اني اشوف جبار يلوكلك اكثر لهيح راح اصيحلك جبار
جاسم: لا صحيلي جاسم
ايلين:لا جبار
جود:هسه مو كفي جبار جاسم اني حموت اريد انام يله خلي نرجع لبيت اهم شي حترجع المولده
يزن:يله ايلين خلي نرجع
ايلين:اوك يله جبار باي
جاسم بعصبيه:اني مو جبار جاسم
ايلين:باي رجعنه لبيت واني فرحنه واخيرا كدرت اهزم مزعل وره ما اجينه بربع ساعه اجت المولده رحت الغرفتي تمددت على الجربايه باجر ورانه شغل انروح للقريه
ـــــــــــــــــــــــــــــــــــــــــــــــــــــــــــــــ
بقلمي طيبه كوين ❤❤
ـــــــــــــــــــــــــــــــــــــــــــــــــــــــــــــــ
اتمنه البارت عجبكم انشاالله ماعاد اتاخر عليكم بتنزيل كول يوم او يومين انزل بارت او ثنين واذا اتاخرت اكثر من هيج راح يكون صاير ويايه شي وانشالله ما يصير شي وانكمل باقصه لان القصه كولش مطوله اهم شي اريد تفاعل بلييييززز اريد تعليقات هواي وتصويت فدوه بنات تعليقات هواي احبجن كوووومه
واعتذر على الاخطا الملائيه والبارت طولته
الكم ١٣٠٠ كلمه
😘😙💋🎀💓💓💓🎀💞😍😘💞😘😍☺😍😘😘😳❤❣️💝💕😘😙💋😘😙💋🎀💓💓💓🎀
