السلام عليكم ورحمة الله وبركاته شلونكم شخباركم ان شاءالله بخير اتمنه البارت السابق نال عجبابكم الاحداث القادمه حلوه ان شاءالله
___________________________________
بقلمي طيبه كوين ❤❤
بعد مرور اسبوعين
تالين: كعدت متاخره الساعه ١ وتقريبا اريد اكوم لحمام كوه كمت لحمام حطيت ايدي على الميز مال الجربايه كمت الوجع لي بجسمي مو طبيعي امشي ومجلبه بالحايط على كيف دخلت للحمام تباوعت بالمرايه مر اسبوعين من كعدت من الغيبوبه برغم
الجرح لي بخاصرتي مايوجعني بس اذ مشيت سريع او ادنك يأذيني و الوجع لي بجسمي مو طبيعي ماعرف ليش الجرح لي براسي راح وجعه وصرت احسن
بهواي كدام الكل اكول زينه واكدر اكوم بس ماكلتلهم على وجع جسمي مو طبيعي احس جسمي خدران ونحول وميت كوه اتحرت اجتي دكتور ايليا امس شافتني وطلبت منها تسويلي تحليل واخذت دم مني كالت حسويلج
تحليل وطلبت منها ماتكول لحد ضلت تحجي عليه كالت عمار رايحلها ومعاتبها لان ماكلتله بعدني اتعالج عدها بس اصريت عليها كلش يله اقنتعت وهسه اني متانيه اتصل منها طلعت من الحمام طبعا الكل بالمستشفى محد بالبيت بس اني ومرام كعدت
على الكرسي قريب من الشباج منتظره اتصال من دكتور ايليا اجتني رساله على الوتساب
دخلت عليها من دكتور ايليا مكتوب بيها
ايليا :تالين عذرني ماكدرت اتصل بيج عندي حاله كلش صعبه بصراحه حكولج شغله بس رجاءأ كولي لعمار لا تضمن عليه شي بصراحه تبين عندج سكر وهم مزمن ومرتفع كولش لا زم ديرين بالج على نفسج و حاول تقلين كلش من الحلاو الزيوت الرز ونتبهي لصحتج ولا تخلين
شي يضوجج وراح ادزلج علاج سكر بيد جيهان هسه هو بطريق دقايق ويمج كتله هاي شغله دزها لتالين مغلفتها على شكل هديه اعرف ماتريدين احد يعرف بس حاولي تشاركين اهمومج ويه عمار هو اقرب شخص الج يله عمري ديري بالج على نفسج
تالين : كتبتلها شكرا دكتوره تعبتج غلقت مبايلي واني ماعرف اوصف لبيه صرت ماعرف شنو الاريده وشنو لي ماريده صرت ما اهتم بنفسي ليش صرت
هيج هم يجي يوم وارجع تالين بت عمر ١٢سنه تالين البشوشه لي الكل يحسدها على ضحكتها كمت وكفت كبال المرايه عدت شعري كوه امش اوف شنزلني
الدرج نزلت خطوه خطوه على كيف احسن صارلي يوم انزل ندك الجرس كلت المرام هذا جيهان اني حفتح الباب فتحت لباب لكيت جيهان سلمت عليه واخذت منا العلبه وطلع كال عنده شغل ومستعجل
اخذت العلبه تباوعت لدرج احسه اطول من حياتي شيصعدني واذا اضل جوه الكل شويه ويجون وضل ايلين فتحي العلبه خلي اشوفها لاحسن اصعد اوف شيصعدني اله شويه بجيت رجعت كعدت بغرفه
الكعده فتحت العلبه شفت العلاج ضلت صافنه وضحكت ايي ياتالين ضغط وصار بيج وسكر وصار بيج وربو وصار بيج وكلهن مزمنات وخطيرات كل ما اكول ان شاءالله هانت تطلعلي شغله ثانيه هاي
