الضابط المستبد والخرساء
البارت الرابع والثلاثون
بقلم تولا العسكري
فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم واني مالـح طيــب
اليتبده وي غيــري بـروحـي مالمـه
بيها اعــناد روحــي وي الهـوى من يفوت
اذا يثـكل علـّـي لو مــوت مــا شمه
الكاتبه تولا العسكري
حمزه :جبت افراح من الدكتوره دخلنه بالفرع مال بيتنه واشوف رفل ويمها واحد بالباب مال البيت لمن التفت
وطلع اخوها العار واني فارت روحي هذا شلون اله عين يجي لبيتي بعد كل الي صار شنو ناوي يموت نفسه هذيج المره فقد الكلى مالته هالمره شيفقد
وصلت يمهم نزلنا
رفل :هله بيك ابو حسن
حمزه :شنو شجاي يصير هنا هذا شكو جاي لبيتي
رفل :اهدأ ابو حسن تره مازن اصر يجيبني حتى يعتذر منك
حمزه: وبعد اله عين يجي ولبيتي هم
شنو متكدرين تجين انتي اشو بعد شارعين منا وياريت لو ضاله مطموره عند اهلج تسوين فضل عليه هذا الزباله مااريده يعتب الشارع مال بيتي مفهوم
مازن :بدون متسويها قصه سيادة الرائد حمزه انت اخذت حقك مني واني اخذت حقي منك يعني متصافين
بعدين انت هسه نسيبي زوج اختي
ومثل ميكولون النسيب قطعه من الكبد
لهذا ترحيبك ميليق بيك
حمزه: هي انت لاتحجي على الاصول يافاقد الغيره والتربيه ولك شناوي تفقد هالمره وبعدين اني لانسيبكم ولا اريدكم اختك اذا تريدها اخذها وياك وكفيني شركم ذبيتوها عليه ليكون مصدكين نفسكم
رفل :تره اني مرتك حالي حال مرتك الثانيه والي حقوق عليك مثل مرتك القديمه 😏
حمزه :عمت عينج انتي منو وتقارنين نفسج بأم حسن ولج مالج اي حقوق كله عقد سيد شوكت ماتخلص المده
ادفرج لبيت اهلج
مازن :يصير خير سيادة الرائد
حمزه :كلك عمرك 20 انت شعرفك بهيج حيل ومخططات
مازن :شنو تريد تسجني واسكتلك
حمزه :شوف اني تنازلت عنك بس لان فقدت كلتك بسببي انت سويت شي
لو ماالله ستر جان اني ومرتي جوه التراب كل هذا واني سكتتلك اكول جاهل ويصرف بطيش
والله بس المحك گبالي بعد انهي حياتك ومثل مكلت انت اخذت حقك واني اخذت حقي
افراح :بعد هاي العوسه دخل حمزه للبيت واني دخلت وراه لتفتت للباب شفت مازن ينطي لأخته شي بجيس وهي ضمته بسرعه وتتلفت
صراحه خفت منها اكيد عدها مصيبه
الله يستر منها
دخلت لجوه لكيت حمزه كاعد يدخن
حمزه : هاا يروحي بعد مااوصيح دير بالج واخذي العلاج فدوه موتنسينه
افراح :لاتخاف حبيبي مراح يصير على جهالك شي
حمزه :لايروحي والله انتي تهميني اكثر
لو يخيروني بينج وبين حسن واخوانه الي بطنج اختارج انتي ليش شنو هي حياتي وحياتهم بدونج هو منو الي يخلفلي هيج نعمه غيرج بفضل الله
افراح :الله يحفظك الي انت وجهالك
حمزه: ويحفظك الي ياغاليه
🧚🧚🧚🧚🧚
افراح :ثاني يوم حمزه راح لدوام
ضلينه بالبيت اني ورفل بس اشو احسها
متوتره وكل ساع تخابر على الارضي
عفتها ماادخلت بيها بس خايفه هاي متسكت خاف اجيب علينه مصيبه
دخيلك ياربي شوكت تخلص هالمده ونفتك منها
رحت بدلت لحسون ورضعته ونام
متعود يشرب ممه من فطمته لهسه
نزلت غسلت ملابس شويه واجت خالتي ام علي شكد فرحت بيها صار هواي مجايتنا
سلمت على خالتي وحضنتها
ام علي :هله بعد روحي هله ام حسن يمه اشلونج اشلون حسون
افراح :بعد گلبي خاله الحمد الله بخير
والله مشتاقيلج صار هواي
ام علي :بعد روحي يمه محتامه عليكم
جنت بالزياره والله يايمه هم رحت زرت الامام علي عليه السلام ومريت بالمگبره
تدرين هواي اعزاز بوادي السلام
افراح :الله يرحمهم
ام علي :اللهم امين
صدك يمه كالت سلوى اجه حمزه عليج يريدج تروحين يم افراح
افراح: اي والله حمزه يخاف عليه من رفل والله عنده سوالف هههه
ام علي :رحتي لدكتوره يمه
افراح :اي خاله مابشرتج جاا غير طلعت حامل بتوأم تلاثه
ام علي :اللهم صل على محمد وال محمد ،،بالمبارك يمه تفرحون بيهم
ان شاء الله
الحمد الله الله رزق حمزه الذريه بعد ماتربه وحيد
تعاي ياخيه ياام حمزه شوفي احفادج
افراح :الله يرحمها ،،
خاله يگولون الاموات يشوفون اهلهم
ام علي :اي يمه صح بس احنه مانشوفهم
اكلج يمه اشو البنيه ماهيه
افراح: ها خاله قصدج رفل
ام علي: ياا يمه رفل هي الهديه
افراح: اي خاله هي نفسها
ام علي :اي شو ماهيه ماشفتها
افراح :خاله شرانيه لسانها طويل وادور مشاكل
ام علي :مالج غرض بيها يمه لاتسويلج لو تسوي لبنيج شي
افراح: لا خاله مالي علاقه بيها حمزه موجود ويخاف عليه منها اني اخاف بس من يروح لدوام
ام علي :معليج بيها اني اذا صار عندي مجال امر عليج من يروح ابو حسن لدوام
افراح :ان شاء الله خاله
بعدين خالتي راحت وانطتني صوغه من الزياره جايبتها الي ولحمزه ولحسون
مر اسبوع واني بطني ثگلت الثامن صعب والجهال تلاثه كوه امشي
حتى حسن مااكدر اهتم بيه خطيه
حمزه مهتم بيه ومايخليني اشيله يگلي صعب عليج تهتمين بيه وتشيلينه
گام ياخذه يطلعه بالسياره وي اصدقائه
كنا كاعدين اني وحمزه شويه واجت رفل
رفل :ابو حسن انت تدري المده راح تخلص اني عندي طلب منك واترجاك توافق عليه
حمزه: گولي شنو الطلب
رفل:…
يتبع .....
الكاتبه تولا العسكري
أنت تقرأ
الضابط المستبد و الخرساء
ChickLitفتاة خرساء عانت معاناة اليمه بسبب الاستبداد وخسرت اخاها ظلما ويقوم بأنقاذها ضابط وتشاء الاقدار وتتغير حياتها لاتعرف ماذا يخبئ لها القدر
