الضابط المستبد و الخرساء

البارت 37

الضابط المستبد والخرساء

البارت السابع والثلاثون

بقلم تولا العسكري

*****
تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم
الكاتبه تولا العسكري
حمزه :بعد مجبت افراح للمستشفى اليوم موعد عمليتها واني كلش خايف عليها لان هي حامل ب 3 وبنيتها ضعيفه لان عدها عمليات اثنين عملية الكبد وعملية الحادث
گلبي يوجعني عليها وخصوصا من من وصتني على الجهال وعلى حسن كوه
صبرت نفسي الله يگومها الي بالسلامه
جنت كاعد ومتوتر وابوها خطيه الخوف مبين عليه
تأخرت عمليتها منا لمن گلبي خلص
شويه وطلعت زوجة عمي وائل دكتوره رغد
كتلها هاا دكتوره بشريني افراح اشلونها
الدكتوره :لا الحمد الله وضعها تمام
والاطفال شويه تعبانين بس راح يدخلوهم خدج لمن يتراقب وضعهم 48 ساعه ونطلعهم
حمزه: دكتوره افراح خو ماصارت عدها مضاعفات انتي تعرفين عدها عمليات اثنين
الدكتوره :لالتخاف صحتها تمام
الحمد الله بس تحتاج مراعاة
ابو اكرم :ان شاء الله دكتوره نخليها بعيونه
الدكتوره :يله الحمد اله على سلامتها
راح اطلعها لغرفه ومن تصحى تكدرون تشوفوها
وانت ابو حسن روح انطيهم المعلومات وشوف جهالك وسميهم علمود البيانات مالتهم
حمزه: ان شاء الله راح اشوفهم واسجل البيانات وارجع
ابو اكرم :توكل على الله وليدي
حمزه : رحت للخدج دلوني على الجهال ،،كلولي هاي البنيه وهذوله الولد البنيه ناعمه وصغيره عيونها عليه
والولد واحد منهم ماخذ عافية اخوانه وزنه اكثر من اخوانه ماخذ عافيتهم
والولد الثاني تعبان وضعيف كلش باقي بس جلد وعظم ويفتح بحلكه مبين عليه التعب هو الوحيد عيونه خضر على امه
اجتني الممرضه كالت هاي الاستمارات امليها شنو اسمائهم
حمزه:الولد واحد سميته حسين و واحد سميته علي والبنيه سميتها نرجس
كملت الاوراق ورجعت لكيت ابو اكرم وام اكرم بالباب واكفين ميخلون احد يدخل
ضلينه بصالة الانتضار تقريبا 6 ساعات
وبعدين كالت الممرضه افراح كعدت
بس هم مخلونه نشوفها لم تفحصها الدكتوره
شويه واجت دكتورتها فحصتها وطلعت
الدكتوره: المريضه تعدت مرحلتها الحرجه وصحتها تمام تكدرون تشوفوها
والاطفال جيبوهم الامهم ترضعهم ورجعوهم للخدج منا لمن تطلع امهم
خرجوهم وياها
حمزه :مشكوره دكتوره
الدكتوره :عفوا الحمد الله على سلامتها مره ثانيه
حمزه :راحت الدكتوره واني رحت لعمي ابو اكرم وخالتي ام اكرم وخالتي ام علي ينتضرون بالممر
رحت كتلهم افراح كعدت وسمحولنه ندخللها
رحنا دخلنه عليها لكيناها نايمه
والوجه اصفر رحت يمها بستها من راسها بعدين اجه ابوها وباسها وامها وخالتي ام علي كعدن يمها ضلينه يمها بحدود نص ساعه وبعدين فتحت عيونها
كمت بسرعه يمها لزمت ايدها وبسها وكتلها الحمد الله على السلامه ام حسون
افراح بتعب والم :الله يسلمك
ابو اكرم :اشلونج بابا خو ممتأذيه
افراح :الحمد الله بابا بس احس بنطني مفتوحه وراح توكع امعائي
ام اكرم :سوده بوجهي يمه جا غير شكو بطنج وطلعو 3 اطفال تعدا الشر يمه بعد روحي هسه تصير زينه
ام علي :شلونج يمه فروحع الحمد الله على سلامتح علخيز والبركه يمه يتربون بعزكم
افراح :الله يخليج خاله رحم الله والديج
حمزه: هاا فروحه شبيج متأذيه اروح اصيح الدكتوره شو وجهج اصفر
ام علي :لاتخاف يمه جاغير جانت بعمليه مو شويه
حمزه: خاله شو تعبانه كلش
ام علي :اي يمه جاا هي لعب غير طلعو منها 3 جهال خلها ترتاح
افراح :حمزه
حمزه: هايابه عيوني انتي گولي
افراح :جهالي مابيهم شي وينهم جيبهم الي اشوفهم
حمزه: الحمد الله يروحي مابيهم شي
هسه راح اروح اكلهم يجيبونهم لان كالو لازم ترضعينهم
افراح :حمزه والولد الي كالت عليه الدكتوره صحته تعبانه خو مصار عليه شي
حمزه: لا الحمد الله مستقر وضعه يحتاج كم يوم ويرجع مثل اخوانه
يله يابا ارتاحي راح اروح اجيبهم واجي
خاله منو تروح وياي منجن
ام علي :اني اروح وياك يمه خلي ام اكرم تبدل لفروحه وتعدلها
حمزه: يله خاله امشينه
رحت للخدج اخذنا الجهال البنيه اني شلتها وخالتي شالت علوش قهرني تعبان بعده والممرضه شالت حسين ا
،،،،،
افراح :من دخلوني للعمليات لما صحيت حسيت نفسي بحلم كأنو واكعه من جبل
كعدت لكيت الممرضه والدكتوره
فحصتني الدكتوره بعدين
ومحسيت على نفسي ونمت لان جنت تعبانه
مر وقت فزيت من النوم لكيت حمزه وامي وابوي وخالتي ام علي
اجاني حمزه لزم ايدي وباساني وامي وابوي وخالتي تحمدولي بالسلامه
بس اني كل فكري بجهالي معقوله صار بيهم شي لو زينين وينهم ليش ماكو
بعدين سألت حمزه
كال راح اروح اجيبهم واخذ خالتي ام علي وياه
ابويه طلع يجيب اكل وعلاج
وامي بدلتلي ملابسي لان جنت بملابس العمليه وكلهن دم واني ميته من ريحتهن
شويه واجه حمزه هو وخالتي وممرضه كل واحد شايل طفل
غير حسيت ملكت الدنيا فرحانه بيهم كلش
اجه حمزه يضحك وفرحان
حمزه :وهاي نرجوسه اجت لأمها
افراح بأبتسامه: حمزه هاي بتي سميتها نرجس
حمزه: اي يروحي نرجس هاي مدللة ابوها وانتي انتهى دورج
افراح :هههه تره اغار
حمزه :محد ياخذ مكانج ام حسون
افراح بوستها شكد حلوه وناعمه وطالعه على حمزه عيونها وساع وسود ومكحله من الله وحنطاويه
بعدين كام حمزه جاب الطفل من الممرضه وخلاه بحضني وكال
حمزه :وهذا علوش الي خوفنه عليه شوفي طالع عليج عيونه خضر
افراح بدموع: ياروحي ياماما تعبان الله يحفظك الي علوشي
خليته على گلبي بعدين اخذه حمزه نومه يم اخته وجاب الطفل الثالث من خالتي ام علي
حمزه: وهذا حسين ماخذ عافية اخوانه
هتلي لاعب جوله ابطن امه
افراح: ههه حمزه شبيك وياه طالع يشبه حسن هم نفسه بي عافيه وعنده خدود
حمزه: ولج طاك كلبي على حسون
يابويه شوكت اطلعين خطيه هسه اكيد مفتقدتج وهو متعود يطلع وياي
افراح: سوده عليه ياحسون ماما
'''''''''
رضعت الجهال بس حليبي ميكفيلهم
لهذا اجت الدكتوره كالت اخذي هاي النوعيه من الحليب لحديثي الولاده
ومن اطلعين للبيت بعد 10 ايام اخذيهم لدكتور اختصاص اطفال خل يكتبلج على حليب واستمري عليه
راح حمزه اشتره ممات 3 وحليب
ورجع امي كامت سوتلهن ممات
لان مشبعو
ابويه جاب الاكل والعلاج ورجع بوس الجهال وفرحان بيهم
حمزه: عمي شنو القصه ليش رحت اني ردت اروح اجيب العلاج والاكل
ابو اكرم: مصار شي وليدي قبل لتكون مرتك وام اطفالك هي بنتي
حمزه: والنعم منك عمي رحم الله والديك
ابو اكرم :الله يحفظكم وليدي،
افراح :مر يومين واني بالمستشفى بس علمود علوش تأخرنه لان لازم 48 ساعه يله يخرجونه
بعد يومين طلعت للبيت
اني واطفالي
حمزه فرحان بيهم راح جاب خرفان ذبحهم فدا على عددهم
وعزم اصدقائه واخواني وبيت خالتي ام علي وخالد واهله
علوش حالته احسن ضليت ارضعه اكثر من اخوانه من صدري ومن الممه حتى تصير بي عافيه ويتحسن
من رجعت للبيت رفل مالكيناها رايحه لأهلها
كلت بلكي راحت وبعد ماترجع
بس مع الاسف تجري الرياح بما لاتشتهي السفن ماجنت المصيبه الي راح اجيبها وتجي

يتبع......
الكاتبه تولا العسكري