الضابط المستبد و الخرساء

البارت 48

الضابط المستبد والخرساء

البارت الثامن والأربعون

بقلم تولا العسكري

رادوني اعوفك وتعاندو وياي
واني من اعاند حيل اعجبك
جبت ابره وفحم تعرف شسويت
على كصتي وشم خطيت ما اعوفك
الكاتبه تولا العسكري
افراح :رجعنا لبيت تفاجأنا الباب مفتوح على الرغم محد يدخل لبيتنا بدون منكون موجودين بس مفتاح واحد عند خالتي ام علي
دخلنا للبيت لكينه الاستقبال مفتوح
لكينه سلوى تبجي وإيثار حلكها كله دم وتبجي
حمزه: خير خويه شنو الصاير منو مسوي بأختج هيج
سلوى: خويه اعذرنا دخلنا للبيت بلا اذن بس علي كال روحن لبيت حمزه
وهسه هو يجي ،،هذا ابوي رفض زواج
ايثار مدري منو لاعب بعقله اول بدايه جان موافق بس تالي اخواني لاعبين بعقله واكيد هاي سوالف نسوانهم فأجه يريد ياخذها وماقبلت وضربها وهسه خليناهم هو وعلي بالبيت
افراح بحزن :الله اكبر شيردون من البنيه
والله حرام عليهم
سلوى :الله ينتقم منهم ومن نسوانهم ماشفنا منهم خير
حمزه :لاتهتمين خويه اني احلها خليهم عليه وميكون خاطركم الا طيب
سلوى: تسلم بعد اختك
حمزه :بعد معرفت بأفراح حامل صدك حسيت بالذنب لان هي بعدها صغيره وعدها 4 جهال وين تلحك عليهم والحمل صعب اني صح فرحت بالطفل بس حسيتها ضايجه وكسرت كلبي لمن بجت تكلي انت ما اهمك اني يهمك بس اخلفلك اطفال ،
قهرتني كلش ،،وصلتهم للبيت وتفاجأنا بمرت علي واختها ومبينه اختها ضاربينها سولفتلنه السالفه فكتلها اني اتكفل بالموضوع لازم اسويلهم كرصة اذن اهليهم ينذلون ذله مابعدها ذله
عفتهن وطلعت لبيت خالتي ام علي اشوف شنو السالفه واجيب الجهال لان البنات جايات يركضن لان اهلهن هادين عليهن بقت خالتي يمهن رحت جبت جهالي وجهال علي من بيت خالتي لكيت علي كاعد والجهال تتباجه
علي :هاا ابو حسن اجيت اجيكم واجيب الجهال
حمزه: لايخوي اني اخذهم بشر شصار مصار
علي :والله هذا عمي لايجي طول ولايجي عرض تعبني هو او ولده متحاربين وي هالبنات
حمزه: ماعليك عوفهم عليه اني اسويلهم كرصة اذن
علي: اي والله يخوي اني سلوى مرتي محد يكدر يتعرضلها بس هاي المسكينه ايثار تمرمرت عدهم
حمزه:ان شاء الله خير
بعدين رجعت اني وعلي والجهال لكينا الكل گاعدين وخالتي گاعده بالاستقبال
ام علي :هاا يمه اجيتو هله بيكم بشرو شصار
علي :هله بيج يمه مصار شي تعاركو وراحو كتلهم ماترجع وياكم وراح ازوجها غصبا عليكم لهذا صارت هوسه وراحو
ام علي :اصخام بوجههم
ام علي: يمه حمزه جيبهم هذوله هنا شلعو كلبكم وهاي هم امهم مشلوع گلبها من وره الركضه ماتنتبه على روحها وانت يمه تعال احجي وياك على صفحه
حمزه: كولي خاله
ام علي :يمه انت هم لاتزعل منها هي ضايجه لان خلفتها فوكه فوكه وتعبت يايمه الحمل والولاده ياخذن حيل المره يبعد خالتك هي ماطايره وبعدها زغيره اصبر عليها لمن ترتاح وتخلفلك شكد ماتريد نعمه من الله عندك 4 اطفال وهذا الخامس بالدرب نعمه يايمه خل البت ترتاح
حمزه بحزن وعصبيه: هاي هيه خاله بس هذا بعد ماكو خليها على راحتها
هسه هي نايمه
ام علي :لا يمه خلت فراشات لبيت علي وايثار وصعدت لغرفتها تنتضر الجهال
حمزه: راح ادزها لأهلها ترتاح لان هاي الفتره وضعها مو تمام ومتكدر تهتم بنفسها وبجهالها
ام علي :اي يمه على اقل امها واخياتها هناك يديرن بالهن عليها
حمزه :راح اصعد نرجوسه نامت
ام علي :اي يمه اخذها
افراح :بعد مارجعت من الدكتوره وصار الي صار وي اخت سلوى خالتي بقت يمهم واني رحت فرشتلهم بالاستقبال
وسلوى واختها وخالتي بالغرفه الثانيه
رادو يروحون بس ماخلاهم حمزه لهذا نامو يمنه صعدت لغرفتي بعد ملحت عليه خالتي لان مريضه والبنات راحن للغرفه يرتاحن ضلت بس خالتي بالاستقبال ،،حضرت مميات وملابس الجهال علمود اول ميجون انومهم اخذت علاجي تمددت على الجربايه جنت كلش تعبانه مابيه حيل رأستا محسيت بنفسي من نمت محسيت الا على ايد على خدي اني نومي خفيف عرفته حمزه مادرتله ولافتحت عيوني
حمزه: فروحه حبيبتي اشلون صرتي
افراح: الحمد الله بس شويه وخر عني اريد انام
حمزه: والله ادري بيج زعلانه بس والله ماجان قصدي الفرحه خربت كل شي
افراح بحزن ودموع: وخر عني مالك علاقه بيه يا ابن الناس اريد ارتاح شنو حرام هو اني شنو شفت من حياتي بعد مصار 3 سنوات الي مزوجه 3عمليات بيه وعندي 4اطفال وحامل بعمر 18 حمزه حس بيه تعبت والله تعبت اني مو كتلك مااريد اطفال ضليت تغلط عليه
واني من خوفي لاتزعل حتى ماافكر بنفسي احبل بالاربعين طفل وره طفل
حمزه: يابعد اهلي انتي كل هذا بكلبج عليه تعاي لحضني حبيبتي لاتبجين يا عيوني انتي بعد ماكو اطفال هذوله نعمه
والخامس بالطريق كافي ماكو شي يسوى تنزلين دموعج ادري بيج تعبانه ومتلحكين لهذا راح ادزج لأهلج ترتاحين هناك
افراح :شنوو منو كلك اروح لالا مااروح
وانت وين اضل ومنو يهتم بيك
حمزه: ههه لاتخافين عليه ادبر روحي
تره اني اعجبج هم اعرف اطبخ واغسل ملابس مو بس انتي
افراح: هههه لامااروح والله ماارتاح الا بيتي بس اذا تريد راحتي خابر على ابوي خل يجيبلي وحده من البنات ادير بالها عليه بس هذا الشهر مادام ماعدهن مدرسه
حمزه:صار تدللين ام حسن
افراح :حمزه زحمه انت يمي وخالتي وعلي جوه يم الجهال وحدهم شيكولون علينه عيب
حمزه'اي والله نسيت روحي هنا عود جبت نرجوسه واجيت يمج
يله حبي راح انزل ارتاحي انتي واني راح اخابر عمي ابو اكرم
افراح :ان شاء
حمزه: نزلت لكيت خالتي منومه الجهال
ام علي :هاا يمه شلونها مريتك
حمزه: الحمد الله زينه
ام علي :يله يمه شيل فريخاتك يم امهم ينامون
حمزه: صار خاله
صعدت الجهال يم امهم ونزلت
خابرت عمي ابو اكرم على وحده من البنات وحجيتله وضع افراح
خطيه گال باجر نجيكم كلنه ونخلي وحده من البنات يمها
افراح: مر اليوم عادي اني تعبانه حتى عشه ماكدرت اسوي حمزه راح جاب جاهز لان ماالحك وتعبانه زحمه عندنه بيت خالتي ام علي جاب حمزه الاكل وجهزته
اكلنه وشربو جاي وكل واحد راح نام لان تعبانين بس الحمد الله حمزه طلب اجازه 3 ايام لان اني لوحدي ومريضه مااكدر وكال خابرت اهلج باجر يجون ،،فرحت كلش
ثاني يوم اجو كلهم حتى اخواني والي تفاجأت بيه بيبيتي وعمو عماد وياهم
صارلي حيل من شفت جمعتهم
الحمد الله اقتنع عمو يجي يشوف ايثار
ويحجون سوه قبل كل شي وصدفه انو هي عدنه
وحسنين جاي يشوف زنوبه
اني كعدت من الصبح سويتلهم غدا حمزه راد يجيب جاهز لان اني تعبانه بس ماخليته اني طبخت
ايثار خطيه تبجي تكول اشلون اشوف عمج بهذا وجهي
كتلها حجاله حمزه وعلي على وضعج
وهو مقتنع بيج بدون ميشوفج عمي مو مراهق ويهتم لهيج سوالف عمي انسان مثقف او واعي لاتخافين مدام امرج صار بيد علي خلص راح تنحل
ايثار:ان شاء الله
افراح : تغدينه وشربنا جاي بعدين اجه حمزه كال
حمزه: خلي ايثار تجي علي يكول خل تشوف عماد ويشوفها ويتفقون
افراح :اكلك حمزه خاف ابوها واخوانها يتعرضون لعمي
حمزه :لاتخافين راح اتصرف وياهم غصبا عليهم يوافقون
افراح :هاا بكيفك الي تشوفه
شويه وطلعت ايثار لبست عبايه ورحنا اني وياها دخلنه سلمت وكعدت يم علي بعدين حمزه كال خل نعوفهم لوحدهم
كلنه طلعنه ضلت بس هيه وعمي

يتبع ......
الكاتبه تولا العسكري