الضابط المستبد و الخرساء

البارت 45

الضابط المستبد والخرساء

البارت الخامس والأربعون

بقلم تولا العسكري

عرفتلهة .. وكمت ما ازاعل اليرحون
و لا عالباب أظل متاني ليلية
من شفت الحلم ينوخذ مو عاللون
بعد بطلت أظم أحلام وردية
الناس أختلفت و ظهرك أتجي وين
أذا ما تلكة حايط تكعد بفية
لهسة و ما عرف عايش وياهم ليش
و يذوب الثلج بس ينجوي شوية
حتة جروحي من عدهم خذتهن شوك
أبد ما حسستهم بيهة منية
من سئلوني صح كالوا أطوك أجروح ؟؟
لا .. كتل للشماتة أنطوني عيدية
شايف من تجيك الطعنة من أحباب
هيجي جروحك تحس بيهة روحية
أتصور تبتدي تشتاك للجتال
أذا جف التطعنك بيهة حنية
المهم عاذرهم .. وكل البقن سهلات
أنة الجرف اليسامح روج شاطية
حتة من أنجرح .. ما دام همة بخير
آنة بخير يعني وكلشي ما بية
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
الكاتبه تولا العسكري
افراح :من سمعت صوت حمزه وكف الدم بشرايني اريد اكوم مااكدر كلت جهالي صار بواحد منهم شي
كوه كمت من الحمام رحت واشوف حسون شايله حمزه او وجهه كله دم
اني متت بلحضتها اريد احجي مااكدر
كوه نطقت
حمزه ابني شبي هاا شبي شنو هذا الدم عليك الله فدوه اروحلك جاوبني
حمزه :اسكتي لاتخوفين الطفل ماكو شي ان شاء الله صاعد يزحف على الدرج وطايح على راسه روحي البسي عبايتج
خل ناخذه للمستشفى راح يموت من النزيف
افراح :اي
رحت لبست حجابي وعبايتي ونزلت اخذت الجهال خليتهم بالسياره حمزع كال نوديهم لخالتي ام علي
صعدت بالسياره واخذت حسون عمت ياروحي يايمه سوده بوجهي الدم تارس ملابسه خليت ايدي على جرحه وحمزه اخذانه لبيت خالتي ام علي مالكينه احد عدهم بس سلوى انطاها حمزه الجهال ورحنه للمستشفى
تلكونه الممرضين اخذو حسون اجاه الدكتور واحنه بالممر نفتر واني متت بجي شويه وطلع الدكتور
حمزه: بشر دكتور خو ابني مابي شي
الدكتور: الحمد الله الجرح مو عميق بعد بقى بس اشعه حتى نتأكد خاف اكو كسور
حمزه: ان شاء الله دكتور
نكدر هسه نشوفه
الدكتور: اي تكدرون الحمد الله على سلامته
حمزه: الله يسلمك دكتور
افراح :دخلنه على حسون سوده عليه وجهه اصفر ويبجي من راسه يأذي
حضنته واسكت بي بس يبجي وحمزه يبوس بي
حمزه: هاا يبعد ابوك شبيك بعد كلبي
راسك يوجعك شبيدي عليك بابا ياريت الالم بيه ولابيك
افراح :شويه واخذو حسون للأشعه
والحمد الله كال الدكتور ماكو كسور
كال تدكدرون اطلعونه
شالاه حمزه وطلعنه رحنا للبيت شلت حسون ودخلته سبحته بس مخليت الماي يلامس الجرح وبدلتله ملابسه وانطيته علاج ونام
حمزه راح يجيب الجهال من خالتي ام علي شويه تأخر رحت كملت الملابس الي عفتهن وسويت عشا شويه ودخل حمزه شايل نرجوسه وعلوش ودخلت خالتي ام علي وياه شايله حسين
ام علي :يبوو يمه عين صابتكم
عيون ماتصلي على النبي يايمه ياحمزه
ما ارتاحيت يايمه يوميه مصيبه الله يكفيكم الشر
افراح :هله بيج خاله
ام علي :هله بيج يمه شلونج يايمه يافروحه من تكومين تشتغلين بالبيت حطيلج شي كدام الدرج يمه ابنيج كبر وصار حرك (يعني يتحرك ويمشي)
افراح :ان شاء الله خاله بعد مااتيهه
😔
بعدين كمت حضرت العشا وتعشينه ا اني وحمزه وخالتي صبيتلهم جاي وراح حمزه يوصل خالتي لان تعبانه جانت بالنجف
اني رحت شلت الجهال بدلتلهم ورضعتهم ونامو رحت بدلت
شويه واجه حمزه بدل ونمنا
مرت 5 ايام روتين عادي
ابويه اتصل علينه اليوم وكال ان شاء الله الجمعه خطوبة حسنين اني فرحت
وحمزه گاله على حسون سوه فلك بينه
كال اشلون ماكتولي
كاله حمزه عمي والله طاب وضل يلعب ويركض مابي شي الحمد الله
اني كلت لحمزه كلهم يجون النه قبل الخطبه بيوم كال ابويه ان شاء الله نجي باجر وعكبه الخطبه
ثاني يوم صدك اجو اهلي وتونسنه سوه بس اكرام وزينب مااجن كالت امي باجر يجن كل وحده وي زوجها
وعمامي وجدادي كلهم باجر يجون الصبح
حمزه اتفق وي ابوي كال باجر نذبح ذبايح غدا للمشيه لعمامي
ثاني يوم الصبح الكل اجو
عمامي كلهم وجدو ابو عماد وجدو ابو حسين وبيبيتي ام عماد وعماتي
والبنات اكرام وزينب اجن وي ازواجهن وعمو عماد اجه شكد فرحت بيهم
رحت سلمت عليهم لان محد غريب كلهم عمامي
وحمزه اخذلهم الجهال ومكيفين بيهم
جدو ابو عماد يكول انتي طالعه على اهل ابوج تخلفين توم مثل امج وعماتج
شفت عمو عماد سلمت عليه كتله اشلونك عمو شخبارك
عماد: كل الهلا بيج بعد عمج انتي شخبارج
كتله الحمد الله عمو
بعدين صفنت بيني وبين كلت ليش عمو عماد ميزوج صار عمره 45 هم حقه يشوف حياته بلكي يحصل طفل طفلين اله بهاي الدنيا كلت خل افاتح بيبي ام عماد بالموضوع بلكي تلح عليه وهو مناقصه شي اشو دكتور جامعي ومثقف وشخصيه بعدين طلعت
رحت رضعت الجهال وذبيتهم على امي
شويه واجت خالتي ام علي وسلوى وعلي
كعدنه شويه واجه خالد وزوجته وامه
صارت اللمه حلوه
ابويه وحمزه جابو طباخ والذبايح وسوو الغده
واحنه رتبنا كل شي بعدين صبو الغده والكل تغدو
وصبينالهم جاي اني والبنات
ورحنا جهزنه انفسنا حتى ب 4 متصير هوسه
حضرت ملابس حمزه وملابس الجهال
وحضرت فستاني الي اشتراه الي حمزه
لونه كريمي كولش حلو مستور لان حمزه شويه متشدد بالحلال والحرام حتى يم النسوان يكلي لاتنزعين حجابج
وصراحه تعودت على طبعه
صارت الساعه ب 3 بدلت لجهال ونزلتهم يم امي وصعدت لكيت حمزه
بالغرفه اخذ ملابسه وراح يسبح هو متعود يسبح ويجي للغرفه بالشورت بس بس اليوم البيت مليان عيب والحمام جوه وغرفتنا فوك لهذا اخذ ملابسه وياه يبدل بالحمام
اني رحت بدلت وخليت مكياج مرتب
ولبست حجابي
شويه ودخل حمزه مبدل يريد يمشط
شافني وكال
حمزه: اللهم صل على محمد وال محمد
هاي الحلوه مريتي
افراح: هاا ابو حسن يعني اني بس اليوم حلوه يوميه مو حلوه
حمزه:ولج وروح العزيزه النامت جوه التراب يشوفة عيونج وجهج اول متكعدين من الصبح تردلي روحي
لاتتوقعين فد يوم يتغير حبي ومعزتي الج
ام حسون اني مسجل بأسمج لتخافين
افراح: هههه انت منين اجيب هالحجي الحلو
حمزه: هههه من اشوف عيونج الساني بعد ميلزم يضل يطلق رومانسيه
افراح: هههه يله تخلي ننزل لانتأخر زحمه
حمزه: يله يابه ننزل
افراح :نزلنه ولكينا الكل جاهزين
حمزه شال حسون واني شلت نرجوسه بقى علوش عد خاله احسان وحسين عند امي
كلمن طلع بسيارته
خالد اخذ عائلته وعلي ابن خالتي ام علي اخذ عائلته وحمزه اخذاني واخذ عمتي فاتن
وحسنين اخذ امي وابوي وخواتي الصغار
ايلاف واطياف
وعمو عماد اخذ جدو ابو عماد واخوي احسان وجدو ابو حسين
ايوب اخذ بيبيتي ام عماد واكرام
وزينب راحت وي زوجها هي وعمتي ام
ليث
رحنا لبيت ابو زينب استقبلونه هو وانسابته ودخلنه احنه جوه

يتبع......
الكاتبه تولا العسكري