تمردت علي شرقيته

البارت الرابع (الجزء الثاني)

من الصعب جدا ان تجد شخص يفهم افعالك الغير منطقية الناتجة عن حروبك الداخلية✨

دخلت بلقيس من باب المنزل بهدوء تفكر فيما تريده منها والدتها وتفكر ايضا في هذا الرجل الذي قابلته فهو قد اثار غضبها بشدة، دخلت وجدت امها تجلس في الصالة هي واخوانها الاثنين  بهدوء.

بلقيس بهدوء علي غير عادتها: سلام عليكم.

ردت وفاء بكل برود ولكن بنبرة حادة في نفس الوقت: ما لسة بدري كنتي تعالي علي الفجر كدا

بلقيس بهدوء: اولا انا كنت راجعة بدري في معادي بس طلعوا عليا شوية شباب وعملت معاهم الصح ودة اللي اخرني

مؤمن بخضة:اييييه طب حصلك حاجة انتي كويسة.

بلقيس بحنان نادرا ما يظهر:  متخفش يا حبيبي انا كويسة

سيف بهدوء:  طب متصلتيش ليه بيا مش كل حاجة ينفع تبقي فيها لوحدك

بقليس:  الموضوع مكنش مستاهل يعني خلصت منهم علي طول

وفاء وهي تنظر لهم وبداخلها غضب يكفي العالم لبلقيس:  ها خلصتوا ولا لسة؟  قولتيلي بقي ان في شباب طلعوا عليكي ثم اكملت بحده:  واخرتهااا يا بلقيس اخرت اللي انتي بتعمليه دا اييه

بلقيس ببرود:  ايه اللي انا عملته؟

وفاء بصراخ وجنون: لااااا ولااااا حاجة خاالص انتي بس عمالي فيها بطل وعايشة جو الرجولة اووي لبسك وشكلك وطريقة كلاااامك حتي اللعبة اللي بتلعبيها ورجعالي الساعة  5. 12 بليل ودلوقتي عملالي فيها بلطجية وبتضربيلي شباب في الشااارع انتيييي اييييييه

بلقيس بألم داخلي ولكن تكلمت ببرود:  انا مبعملش حاجة لا غلط ولا حرام مش عشان زي بنات اليومين دول مبلبسش محزق وملزق ولا حاطة كيلو بودرة في وشي ولا ان كل طموحاتي في الحياة هي الجواز  وافضل قاعدة في البيت مستنية عريس الغافلة يبقي اسمي كدا راجل وعايشة دور البلطجة بالعكس انتي المفروض تفتخري بيا.

كان مؤمن وسيف يشعرون بتألمها ولكن من يقدر علي الوقوف امام والدتهم.

وفاء بسخرية: انتي لما تدخلي كله في بعضة كدا انا مش هاخد بالي صح ايه اللي جاب اني افتخر بيكي ولا لا في اللي بقولهولك انا مقولتش متتمرنيش بس اختاري حاجة تناسب انك بنت افهميييي بقي انتتتي بنت يعني تعيشي زيهم مش كل لبسك ترينجات زي الصبيان يا اما  بنطلون وتيشيرت اسود كلامك يبقي رقيق صوتك يبقي واطي واولهم تبطلي برودك في التعامل مع الناس ومعانا احنا شخصيا

كانت تستمع لها وتشعر بسكاكين تنغرز في قلبها تريد الصراخ والبكاء ولكن كبريائها يمنعها من ذلك فهي قد عاهدت نفسها في الماضي انها لن تبكي امام احد حتي لو كان امام اقرب الاشخاص اليها