ماخلاص ربنا عرفني إنه مش ليا ليه اشوفه تاني ؟!!!
ليه اتوجع تاني وأحن تاني ؟!!!
حلمية
_عشان قدرك كدا ياحنين
حنين
_طب ليه يحلمية ؟! ليه محبنيش أنا وانا اللي حبيته حب عمر مافي حد هيحبه قدي ؟!!!!
حلمية
_ ربنا بيبتلي الواحد باتبلاءات عشان يختبر بيه صبره عشان لما ينجح ف الاختبار يقوله ليك مكافئة وهعوضك عن الوجع اللي شفته
حنين ببكاء
_ مظنش ياحلمية إن الوجع دا هيختفي
حلميه بابتسامة
_بيتهيئلك ..بكره ييجي اليوم اللي هتقولي فيه اللهم إنك جبرت قلبي جبراً لم أحلم به يوماً فلك الحمد
حنين
_حفظتي الدعاء دا إمتى ؟!
حلمية
_على طول بردده...طب أحكيلك قصة ياحنين أقسى منك ومع ذلك ربنا عوضها
حنين
_إحكي جايز أخدها عبرة
حلمية
_جارتي سناء دي كانت بتحب واحد واتجوزته
حب ...عارفة حبك لسامر دا ولاييجي واحد من عشرة من حبها لفاروق جوزها.......جوزها كان شايلها من على الأرض شيل كدا وبيعملها كل اللي نفسها فيه ...بس هي ربنا مارادلهاش إنها تخلف
تعب معاها ووداها مستشفى ورفض يتجوز عليها
حنين
_طب ماهو حلو أهو اتجوزته ف الآخر واستحملها إيه المشكلة
حلمية
_ المشكلة إنه راح اتجوز عليها ف السر عشان ميجرحهاش
طبعاً هتقولي أمير وابن أُمرا
مرة ف مرة ياستي بدأ يمل من سناء مرة ف مرة ميرحش البيت لحد ماجبها على بلاطة وقلها إنه اتجوز ومش هيطلق مراته الجديدة لا ومش كدا وبس بقا يعايرها وبقا يحرجها قدام قرايبه وقرايبها
حنين
_ فاتطلقت سناء
حلميه
_بالضبط ...عارفه إيه اللي حصل بعدها ؟!
حنين
_ايه ؟
حلمية
_جوزها اكتشف إنه هو اللي مبيخلفش
وسناء اتجوزت واحد متدين ودلوقتي معاها آسر وسميه وبسم الله ماشاء الله متهنية مع جوزها وشايلها شيل ..شوفتي العوض
حنين بيأس
_بس أنا مجروحة أوي ياحلمية أنا كل ماشوفه اتجرح.... ببقا خارجة وحاطة حمل على قلبي إني مقابلهوش مع إني بتمنى
أنت تقرأ
عنيدة بين احضان الامبراطور
Mystery / Thrillerهي رواية مبتدئة أكيد مش هتتشهر أوي وهيكون فيها أخطاء كمان بس على الأقل لو حد بيقرئها ومستمر فيها ف كل جزء ينزل وكدا.... يقول رأيه 💙 وصفها : هو الإمبراطور الذي تركض ورائه الفتيات أقل مايقال عنه أنه وسيم حد الغرور ماذا سيفعل في تلك العنيدة التي عان...
