الحب مش بالشخص الحب بالاوقات الصعبة اللى بيبقي معاك فيها ..لما يطبلك وقت خوفك ويقلك انت جميل بعيوبك عشان مش مستحمل انك تكون زعلان بسبب حد قالك عيب فيك
لما يجيلك الحب ويدق بابك هتعرف ان دا الوقت المناسب وان اللى قبله ليه مكملش او حتى اللى مجاش ليه مجاش ...عشان كل دا ليه وقته ووقته عمره مايسبقه ابدا 💛
___________________
(وايه يعني مابينا بلاد ، كفاية قلوبنا بتقرب ، ومهما البعد طال او زاد لبعض من الحياة بنهرب )
كان يجلس فى مكتبه : كل شئ زفت ..كل شئ زفت انا مش طااايق نفسي
وقف ثم شد شعره بيده فى غضب ووقف يتطلع الى النافذه
حسام : تلات سنين وانا بحاول اصبر نفسي واقول هتحبك ٣ سنين كل يوم بشوفها بتكبر قدام عيني وانا عاجز قدامها
مش قادر اشتغل ..شاغلة تفكيري شاغلة حياتى ..مبقعدش يومي من غير مافكر فيكي شايفك فى كل مكان بتقفى بتبسمي بفتكر اول يوم جيت فيه القصر ياريييتنى ماشفتك ياشيخة يارتني ماشفتك
دخلت السكرتيرة لتقول : هشام الخالدى بره يفندم
حسام : قوليله يدخل
دخل هشام ليقول : اخ حسام ...واقف كدا ليه !
التف وقال : ازيك يهشام اقعد
جلس هشام ليقول : ها ياسيدي اخبارك !
حسام : والنبي لو عندك كلمة قولها يهشام لانى مصدع
هشام : لا مفيش بس كنت عاوز منك خدمة
حسام : لو فى ايدي اعملها هعملها قولى !
هشام : دلوقتي انا ياسيدي عاوز انقل الفرع اللى فى تركيا
حسام : طب وانا دخلى ايه بالموضوع
هشام : مش انت المدير التانى للشركة مع ادم واكيد انت هتوافق
حسام : هو ادم رفض !
هشام : لا بس انت صاحبي فقلتلك الاول
حسام : تمام ياهشام انا همضيلك على طلبك دا
هشام وهو يحضنه : توب الرجولة معمول عمولة على قد اسمك
حسام : بره الله يهديك ياهشام
خرج هشام بينما هو امسك راسه : صداااااااع
__________________________________
طب ويفيد بايه بقي القرف دا ....عاوزا اعرف لما احنا نقدم برنامج اطفال ليه نلبس مريلة ناقص نحط بزازة فى بوقنا
ضحكت علياء صديقه ياسمين : يخربيتك والله
ياسمين : اسكتي ياشيخة هو مخروب اصلا
علياء : ايه بقي اللى هيحصل؟!
ياسمين :انا اعرف ياختى وبعدين دول مش بيدربونا دول بيهزقونا كدا منهم لله
علياء : شششش للدكتور يسمع
ياسمين : وهو ملبسش معانا مريلة ليه ولا هو مش جواته طفل
علياء : ههههه والله عندك حق
ياسمين : استغفر الله العظيم مايظهر بقي ولا العيال كالوه دا ولا ايه
ظهر شاب فقال : حاليا بقي ودا لاهم الانسه اللى كانا بتتكلم بره
نظرت له ياسمين ثم قالت : انت متعرفش انا ابقي بنت مين !
الدكتور : لا ويلا بره
خرجت وهى تقول : خد المريلة دى البسها انت
الدكتور بغضب : اعتبري نفسك شلتى المادة
ياسمين بغضب :وياتري شلت المريلة معاها !!!
ضحكوا الموجودين بينما هو قال : طول مانا فى الكليه هتفضلى شايلة المادة
ياسمين :عادى اشيل فى الدنيا احسن ماشيل فى الاخرة
_______________________________
دخلت مكتبه بعدما وصلت الشركة
كان يجلس ويشرح للجميع الصفقة الجديدة
ياسمين :بااابا انت لازم تحولى م الكليه دى الدكتور قل ادبه عليا
زين بغضب :ياسمين اطلعى بره ولما اخلص هشوف ايه الى حصل
ياسمين :بس يبابا !!
زين : ياسمين انا قلت ايه ؟؟؟؟
ياسمين :اووف حاضر يبابا اما نشوف
خرجت وبعد نصف ساعة انتهى الاجتماع
دخلت ياسمين :دلوقتي اللى حصل ( حكت له ماحدث ).
زين :انتى الى قليلة الادب وكان لازم تعتذري انتى اللى غطلتى فيه وانا لو منه ارفدك م الكليه نفسها ..لما يكون واحد قد والدك وتهزقي فيه كدا وبعدين انا مش موافق اجى معاكى الكليه واسحب الامر دا ابدا !!
(دخل ادم الى غرفة زين )
ياسمين بعدم انتباه لادم الذى دخل لانها لم تلاحظه :كبير ايه يبابا والله العظيم دا شاب وبعدين يبابا عشان خاطري وافق والنبي انت لو موافقتش انا كدا اتدمرت والله
ادم وقد اعتقد انها تتناقش فى حكايه عريس : هو فيه ايه انا مش موافق طبعا !!!
ياسمين : وانت ليه توافق او متوافقش
زين : ياااسمين ...ادم ابن عمتك وطالما قال مش موافق يبقي انا كمان مش موافق
ياسمين : بس انا كدا خلاص ضعت وهو عمل كدا عشان كان اتقدملى ورفضت
ادم : عمل ايه !
ياسمين : استغفر الله العظيم ....شيلنى المادة
ادم :انتوا كنتوا بتتكلموا على شيل مادة مش حاجة تانيه
ياسمين باستغراب : حاجة ايه ؟!
ادم :احم ..لا مفيش
ياسمين :ها يبابا
زين : خدها يا ادم انت انا مفياش دماغ
ادم :طب تعالى واشرحيلى فى العربيه
ياسمين : حاضر
__________________________
عشان غبيه والله ...عشان غبيه رايحالوا الشركة يقول عليكي ايه دلوقتي ...طب ايه الحجة !!!!
دخلت فوجدت شاب يقترب مبتسما
قمر : احم ...لو سمحت مكتب ...مكتب زين الشناوى فين !
الشاب باستغراب : مرة واحدة بتسألى على مكتبه انتى تقربيله ايه ؟
قمر :انا ابقي بنت اخوه
عصام :بجد والله يا اهلا وسهلا ( مد يده للمصافحة )
هو فيييه ايه
جاء صوت من جانبهم فنظرت
قمر بارتباك : ازيك با استاذ حسام
نظر حسام لعصام بغضب فمشي هو بينما وقف حسام : جايه الشركة ليه !
قمر : عادى !
حسام :عااادى انتى مش عارفة ان مفيش هنا ستات غير السكرتيرة وكمان ناوين نغيرها تبقي راجل
قمر : مش فاهمه قصدك ايه !
حسام :قصدي ان متجيش هنا تانى ...وايه اللبس الى انتى لابساه دا
نظرت وجدته رداء عادى : ايه المشكلة فى لبسي ¿
حسام : قولى ايه اللى مش مشكلة دا كله وحش وضيق ...يلا روحى
قمر :بس...بس انا ..
حسام : بقلك ايه يقمر اقسم بالله لو حد شافك م الموظفين تانى لمقلكيش انتى هيتعمل فيكي ايه وهو كمان يلاااا
خرجت من الشركة بينما هو كان يغلى غيرة وغضبا من اي شخص فكر ان ينظر لها
__________________________
طب انتى بتعيطي على ايه دلوقتي ؟!
= على كل حاجة ....على احلامى اللى ضاعت على المواقف الى عملت نفسي فيها مش واخده بالى وهى دمرتنى حرفيا ...على كل حاجة ...على الصحاب اللى طلعوا فشنك وملهمش لازمة ...على اهلى اللى مش قادرة احكى معاهم باي حاجة وهما المفروض يبقوا هما السند ....على كل حاجة والله ....انا تعبت انا مش قوية ...انا مش البنت اللى مش هاممها حاجة ...انا مهتمه بالتفاصيل طول الوقت بس مش ببين ...انا مجروحة وعاوزة اموت نفسي ....والله معدت قادرة والله استحمل....هفضل استحمل لحد امتى ...بدعى ربنا وبيأجل دعوتى انا واثقه انه ليه حكمة ...بس مش قادرة استحمل وجعى...انا مش قوية ...انا مشتتة وضايعة ....لسه بعقل طفله لحد دلوقتي ..بتخاف م الضلمة وم البشر ...وبتخاف لو ضاعت علبة لالوان لمتعرفش تلون ....انا عمري ماكنت البنت القويه الى ظاهرلكوا دى ابدا والله انا .....انا اضعف واحدة هتشوفها ...واحدة فضلت طول عمرها تقسي ع الكل عشان متبانش ضعيفة والناس تشفق عليها او تستهون بحزنها ...انا مش قوية
طب ليه ...ليه احلامنا اللى بنحلمها بتروح لناس تانيه قادرين يحققوها من غير امانى ....ليه دايما القدر معاندنا وواقف ضدنا ....طب انا ...انا عمري ماتمنيت حاجة غير حاجة وحيدة وضاعت منى ...طب ليه ؟!!!
ليه الحاجة الوحيدة اللى اتمنتها وكانت هتلهيني عن عذابي وحياتى ضاعت ومتحققتش !!!
طب دا عقاب ....مانا قرئت قبل كدا ان ربنا بيعطي العاصي فما بالك بالمقبل عليه ...طب دا خير ...بس اللى انا اتمنيته احسن من الى جالى
( بكت بشده بينما هو كان يسمعها ...يسمعها فقط ...
لان الانسان يحتاج لمن يسمعه وليس لمن يعطيه الحلول )
هتعرفوا من دى بعدين ...متقلقوش ...هى انا مش بذكر اسم ليها لانها هتبان بعدين وهيبان قصتها ايه 🌼❤
______
ايه رايكم
أنت تقرأ
عنيدة بين احضان الامبراطور
Mystery / Thrillerهي رواية مبتدئة أكيد مش هتتشهر أوي وهيكون فيها أخطاء كمان بس على الأقل لو حد بيقرئها ومستمر فيها ف كل جزء ينزل وكدا.... يقول رأيه 💙 وصفها : هو الإمبراطور الذي تركض ورائه الفتيات أقل مايقال عنه أنه وسيم حد الغرور ماذا سيفعل في تلك العنيدة التي عان...
