وحدي أنا الغريبةُ

جزء ٦

مؤيد
صبح الصبح ومثل العادة احمد بيگ مايكعد اله بسطل ماي ما اعرف ليش هلكد ينام كعدت سبحت صليت وبدلت هيج لبست

وحضرت ريوگ والاخ نايم جبت ماي مثلج 🌨 ذبيته على راسه اله كعد مثل الخبل يهمش بايده 🤣 كعدنه تريكنة ونزلنة للمستشفى والاخ احمد طريق كله يخابر بست روان ويتغزل طوش راسي ها احمد هم عنده سيارة للي يكول مو عندهم معرض سيارات ليش لزك بسيارتك بس ما يجي بيها يعوفها بالا لعمارة  لكونه نروح سوة ونجي سوه مايحتاج سيارتين هو مشاويرنا كلها سويه تقريب .
ضليت افكر بميار بالطريق مهم وصلنا واستلمنه شغلنه ونشغلنة نروت على الردهات وعلاجات وكذا روتين العادي بس اني بعدني افكر بميار وأريد فرصة او حجة حتى التقي بيها بس ما اريد احجي كدام احمد خاف يضل ينصب واني مالي خلك ولا اريد اعرض البنية لحجي لو شي واني ما اعرف شعوري تجاها ولا شعورها تجاهي كلت انتضر واشوف الوضع ...

ميار
كعدت صبح او اني كلي نشاط وكاعدة قبل بوقت والي واهس سبحت وصليت بدلت  لبست هيج

نزلت اسوي ريوك ويه ماما واني الابتسامة على وجهي مدري شبيه مستخفة وافكر بمؤيد ماما انتبهت عليه كالت
خير سالمين اشوفج مبتسمة ونشيطه خو ماكو شي
- لعد شنو ماما ترديني ابجي 🤣 حرام واحد يضحك شوي
- بطلي هاي سوالف وكولي شبيج كول يوم نسحل بيج متصحين
- لا ماما ماكو شي بس البارحة جاوبت زين بالامتحان وفرحت ونفسيتي زينة

-ان شاء الله على طول تجاوبين وهيج تنشطين وتصحصحين ويانة 😒😒

اكلنه بسرعة واجه الخط رحت لدوام واني ماكو شي بالي غير مويد وشكله كلامه دينا وروان يحجن مو يمهن اصلا وصلنة القسم دخلنه بلشت محاظرة الاستاذ دخل يشرح واني صافنة ما صحيت اله على ضربة دينا بخاصرتي الاستاذ يسالني واني ما منتبهة كمت وكفت واني محرجة وخجلانة رجع سالني الاستاذ واني كلشي مافهمت ولا عرفت شنو اجاوب وهاي اول مرة يصير هيج وياي موقف ما اتمناه لعدوي حاولت روان تغششني الاستاذ رزلها ورزلني كعدت واني ميته قهر والدمعة بطرف عيني بس ردت تخلص المحاظرة واطلع وانوب ضليت الوم بنفسي لن بس افكر بي وضيعت عليه المحاظرة وترزلت وهاي اول مرة بحياتي يصير هيج موقف وياي خلصت المحاظرة واني انطلقت ركضت طلعت والبنات وراي يصيحن وصلت الحديقة واني بلشت ابجي البنات خافو عبالهم صاير وياي شي لن شافوني منهارة بجي وهم شافوني من صبح بس اصفن احتارن شنو يسون الي حتى احجي واني بس ابجي واناشغ روان اتصل عليها احمد فه سمع صوتي ابجي وسالها حجت اله الموقف وانو ماتعرف شنو صاير وياي سدته  من يمه اشو فد هيج ربع ساعة مدري نص ساعة بعدني ابجي والبنات جابو ماي الي وعصير كاعدين بالحديقة اسمع روان تكول ل احمد احنه بكذا مكان ثواني واشوف احمد و مؤيد فوك راسي واشوف نضرات الخوف بعيونه وبس يسال البنات شنو صاير وياي انوب اني شفته زدت انهضمت ههههه 🤣 كعد على رجليه قرفص كدامي ويسال بيه شبيج منو وياج شنو صاير البنات حجوا موقف الاستاذ الهم بس هم ما اقتنع لن مو سبب هيج يصير بيه واني ابجي هم من الفشلة هم من الموقف وهم لن افكر بي وانوب انحرجت منه شوي شوي بديت اسكت كومني البنات رحت غسلت وعدلت حجابي واني خشمي صاير طماطية وجهي احمر طلعنه شفناهم منتظرينه وبعده اشوفة قلقان عليه ومحتار رحنه للكافتريا طلبوا عصير واني انشغ كوه شربت شوي جبرني البنات وبدوا يسالون كلت الهم ماصاير شي بس لن الاستاذ فشلني واني ما متعوده واحد يرزلني وانحرجت البنات ضحكو عليه وحتى احمد وبده احمد ينصب ويشاقة حتى يخفف الجو ويرفه عني واشوف مؤيد بعده روحة لايبه وضايج وجها معفوس وصافن عليه انحرجت بزايد .