وحدي أنا الغريبةُ

الجزء ١٠

ميار :-
نمت شوي حاولت اشتت تفكيري بس اريد يخلص الوقت كعدتني ماما ساعة ٤ العصر كوه كعدت مزعجة نومت الضهر بدلت ورتبت نفسي وطلعنه اول شي دخلنه زرنه دعيت من كل گلبي انو اذا بي خير وسعاده وراحت بالي الي يصير من نصيبي واذا لا كون الله يبعده كل البعد عني ويطلعه من گلبي قبل لا اتعلق بي طلعنه بعدها اجولنه واشترينه كم شغله ملابس وحلويات واني اشتريت بروش فضه مال صدريه حرف مؤيد همزين نفس حرف اسمي حتى ماما ماتنتبه ههههه 😂 وبعدها رحنه مطعم اكلنه واتناقشنه اني وماما رادت تعرف شنو بيه واني اكدت الها انو ما بيه شي بس مجرد ارهاق وتعب وضغوطات من الدراسه بس ردت احجي ويه مؤيد اله اكول ال امي بعدها رجعنه للبيت اخذت غراضي ودخلت لغرفتي بدلت وفتحت جهازي كنكت اول ما كنكت اجاني اشعارات من البنات ومن مؤيد ومن كروب الجامعة همزين مأجلين امتحان الاحد مالي خلكة ولا الي خلك اقرا اول شي راسلت مؤيد احس ده اشتاق اله

مؤيد:-
مرحبا شلونها الحلوه رجعتي بعدج
الو
مرحبا
معقوله كل هذا زياره
زين ليش مافاتحة نت
اول ما ترجعين اتصلي
شفت الرسائل ضحكت وفرحت حسيت شعور حلو واحد يفتقدك ويسأل كل عليك صح اهلي يخافون عليه ويهتمون بيه بس هذا شعور مختلف غير رديت عليه
مرحبا هسى رجعت اتاخرنه لان اليوم سبت وزياره وهوسه وبعدها طلعنه مطعم وافترينه واشتريت كم شغله وماما كعدت تحقق وياي علمود شنو بيه ومتغيره وكذا
شفته ما تتصل بالنت عفته ورجعت للبنات شفت حاجيات بالكروب على الامتحان وهم مثلي فرحانات وهم ناصبات عليه بالكروب رزلتهن وتركت الجهاز على الشحن بعدها رتبت غراضي وفتحت هديه مؤيد جانت كلش حلوه ونازكة فرحت من يمي ضميتها بين غراضي ونزلت شفته بابا وحسين كاعدين يباعون اخبار واسر نايم وماما مدري شنو تسوي بغرفتها رحت كلت الهم راح انام تصبحون على خير وصعدت جهزت ملابس لصبح دوام ورجعت شفت جهازي راد مؤيد عليه .
مؤيد :-
بعدما سديته من ميار ضليت افكر شوي بعدها نمت احس نفسي تعبان وما كاعد اشبع نوم كعدت ساعة ٥ متكسر كوه كمت سبحت وبدلت نزلت يم اهلي شفت عمامي عدنه ونسوانهم وبناتهم سلمت عليهم ورجعت للمطبخ شفت زهراء وبت عمي اياد هنة مقربات شو شافتني لا عمي كامت تضحك وتسلم وطفري يمي اني احسبها زعطوطه حالها حال خواتي بس هي مكبره روحها كوه كوه تريد تصير جبيره عفتها كلت لزهراء سوي جاي اليه واذا اكو كيك شي خلي ويا وطلعت للصاله يمهم بين سوالف بين ضحك بعد حلوه جمعت العائلة واشوف بت عمي وخواتي كاعدات كدامي يبسبسن ويباوعن ويضحكن اني ما خليت بالي كلن جهال عفت الموضوع بعدها طلعت مبايلي كلت خلي اشوف ميار دزيت رسالة ماكو نت عفت الجهاز اذن صلينه وعمامي بقوا للعشى احنه متعودين على العزايم وبيت واحد نعتبر نفسنه صارت ساعة ٧ اونص دزيت هم ماكو ضليت كل ربع ساعة ارسل الى ان اخر شي دزيت ساعة ٩ بعدين كلت هسى شنو تكول عليه ملكوف ما مصدك هههه عفتها ورجعت ويه عمامي  وابوي واخواني سوالف وضحك ونقاشات عن العشائر والفصول والطلايب وهكذا وشغلت عن مبايلي اصلا بعدين اجاني شعار باوعت ميار فرحت كومه بين عليه عمي عماد كال خيرك شو وجهك نفتح لازم خبر يفرح
ضحكت ها لا بس هذا احمد بعد تعرف سوالفه كله شقه وتحشيش  مهم كاتبه الي سلام وتشرح شوقت رجعت رديت عليها
كل الهلا والله قبل الله حمدالله على سلامتكم
ميار
شكرا 🙏 قبل الله اعمالك زرت ودعيت الك
مؤيد
دعيتي تكونين من نصيبي وان بيتي وحلالي
ميار
☺️☺️☺️
دعيت اذا كان اكو صالح وخير اصير واذا لا تنتهي
مؤيد
كل الخير وداعتج بس وافقي
ميار
ان شاء الله خير
مؤيد
شنو ماشنو صار شنو سويتوا شنو اشتريتوا وشبيها امج
ميار
ماسوينه شي زرنه وافترينه وسوكنه ورجعنه
اهلي خايفين عليه لان تمرضت ولان اني بهاي الفتره دايخة وقلقانه
مؤيد من شنو قلقانه وخايفة شوفي يبت الناس اذا خايفه مني وقلقانه ف اني اكول الج الله وكتبه ورسله يشهدون عليه انو اني نيتي خير وكل زين ورايدج على سنة الله ورسوله واني لا يوم سويت علاقات ولا يوم اتعلقت ببنيه ولا نضرت بنضره مو زينه على بنيه اني عندي عرض واخاف عليه وانت صرتي هم عرضي واخاف عليج لذلك من حجيت وياج وشفتج كدام احمد والبنات حتى يكونون شهودا على كلامي ومن ارجع هم نتفاهم بعد اكثر وان جنت اني اسبب ازعاج او مشاكل الج ويه اهلج فه حتى لو روحي بيج وما اكدر اتركج بس هم ادوس على نفسي واتركت وبعد ما تشوفيني ابد ابد