دخلت غرفتي واله اتفاجئ بوحدة حضنتني دفعتها واني متفاجئ من الجسارة ومستغرب بنفس الوقت واشوفها مرة اخوي من كدما مصدوم احس الساني ثكل وما عرفت شنو احجي بس الي كدرت عليه ضربتها راجدي بحيث افتر وجها بكل قوتي ضربتها ودفعتها برة الغرفة واني احس شعر جسمي واكف هم متفاجئ 😳 وهم من الجسارة مالتها مرةً اخوي يعني تحرم عليه احسبها اختي اني واعزها ماكو عقل بقى براسي هاي لزم اعرف منها ليش سوة هيج بس مو هسى لن ما اكدر حتى افكر دخلت سبحت واني مصدوم احس حيلي ميت كانو اخوي شافني لو عرف شنو صار زين شلون اباوع بوجها ها نسيت اكول هاي تصير مرة اخوي مصطفى بس هو مزوج بينه وعنده ولد 👦 مرته اسمها علياء مات علما اخذها لن جانت رافضه ابوها يشتغل عند ابوي شايفها مرة جايه ويه ابوها ومنعجب بيها بعدين ما اعرف شنو صار وافقت عليه وتزوجها بس هي هادئة ودائما احسها بغير عالم و ما مهتمة بمصطفى بس من اني بالبيت وين ما اكعد اشوفها تجي بس اني ما منتبه احس عادي ما مفكر غير شي وشنو اريد اكول ال امي لو للبنات اشوفها هي تركض اسوي تغسل ملابسي تنضف غرفتي بس اني حاسبها حالها حال زهراء وزينب ما بالي اي فكرة 💡 لذلك منصدم واخوي يموت عليها بس يتمنى رضاها ضليت فكرة تاخذني وفكرة ترجعني لحد ما نمت لن ميت تعب ما بيه اشيل جسمي
ميار—
كعدت صبح جسمي مكسر احس وتعبانه بس احس اكو شي مرتاح 😅 بعدني ما كمت من افراشي شفت مبايلي وكعدت أتأمل بصفحة مال مؤيد وفرحانة بس بنفس الوقت خايفة ومترددة لن اول مرة امر بهيج شي بحياتي احس عقلي مشوش 🤷♂️ عقلي يكول لا وگلبي اي خايفة هماتين لن ما اريد أأذي اهلي مايستاهلون اجيب كلام موزين الهم واني افكر ومندمجة دخلت عليه امي جايه تطمأن عليه
ام ميار —
صباح الخير 🌞 شلونها ميورة اليوم
- الحمد الله احسن بس احس جسمي مكسر
- الحمدلله والشكر خوفتينة عليج ماماتي ابوج قلقان عليج واخوج يلى كومي غسلي وصحصحي وتعالي اكلي ويانه حتى تاخذين علاجج والعصر نطلع نفتر شوي ونروح نتعشى بمطعم
- اوك ماما هسى شوي وانزل
كمت غسلت وصحصحت بدلت ملابسي نزلت لكيت بابا وماما كاعدين والولد هماتين منتضريني صبحت عليهم وتحمدوا الي بسلامه كعدنه ناكل بهدوء احنه من ناكل محد يحجي خلصت ردت اكوم اساعد ماما ماقبلت كالت روحي ارتاحي صعدت لغرفتي سديت الباب وكعدت افكر بعدين كلت خلي اشوف البنات احسن يفكرن وياي بدل ما ابقى وحدي محتارة 🤷🏼♀️ فتحت الكروب وياليتني مافتحت ههههه لكيت روان ودينا خابصات الكروب ويسولفون ويحللن وحدهن باقيات ليل كله يحجن ومغبشات من صبح يلغن 🤣 دزيت
مرحبا 🙋♀️
روان- ها وينج ولج
دينا- عوبة شلون صرتي
روان- ولج دوينة يمكن 🤔 ماتت
دينا- لا ولج لتموت قبل لتحجي النه شنو صار البارحة
ميار- موت الي لفجن غبرات بسيطة اني اعلمج راح اغلق الجهاز وانام وانتن ابقن موتن من الفضول
YOU ARE READING
وحدي أنا الغريبةُ
Romanceحكاية حب جميلة جداً ولكن هل ينجمعوا معاً؟؟؟؟ بسبب التقاليد وبعد المسافة ولكن القدر وما يشاء فله ألحصه الأكبر في لعب الأدوار وجمع الأقدار لنرى بطلتنا ميار إلى أين تصل مع بطلنا مؤيد
