ميارــٌ
رجعت للبيت ضايجة ومكتأبة ما اعرف تصرفت صح او خطأ 😑 بس الي اعرفة ضميري ما مرتاح احس انو زودتها بس شسوي هذا طبعي استحي واخجل ما عندي ميانه ولا بطبعي اجتماعية
رجعت مثل الروتين اليومي ملانه وفوكاها ضايجة لكيت محد موجود لن اني راجعة من وقت وامي دوامها ضهري وبابا كذالك بالشركة ساعة ٣ الضهر اله يرجع واخوي حسين ويه بابا واسر نايم
بدلت وكعدت افكر ب الي صار اليوم علما يجون اهلي وناكل اتندمت لن تسرعت بالكلام قررت اعتذر منه بس اشوفه بعدها اجو اهلي واكلنه بس اني افكر بالموضوع وكلش ضايجه حتى ماقريت كملت شغلي وصعدت نمت 🛏
مؤيد
رجعت لشقة ضايج وقافل بس مع ذالك عجبني تصرفها وكبرة بعيني حسيتها مؤدبه ومرباية صح بس مع ذالك وعدت نفسي ما اتقرب الها ولا احاجيها مرة لخ ما اشتهيت اكل نمت من الضوجه لحد ساعه ٩ باليل كعدت شبعان نوم وجوعان وهذا احمد السايب لسه ما راجع كمت طلعت كبه عدنه مجمده سخنتها وجاي كعدت اكل وراها لزمت الفون وكعدت اباوع على صور اليوم سويت زوم على صورتها واباوع الها گصيت الصورة من جهتها وحفضتها وحد لن هي واكفة بالطرف مال الصورة كلت خاف احمد يريد ارسلهم اله وخفت لا تنحفظ عنده احس بالمسؤلية تجاها
ميارــٌ
كعدت العصر غسلت ونزلت اجهز عشة ويه ماما بس بالي مشغول وافكر بالموضوع سألتني ماما شبيج كلت ماكو لن نمت صار نحول عندي وضوجه كملت ويه ماما ورحت توضيت صليت اجو بابا والولد اكلنه اخذت المواعين غسلتهن وانطيتهم الجاي شفتهم ما محتاجين شي بعد صعدت اقرا اول ما شفت الملازم احس صارت صورته مقابيلي احس بتأنيب الضمير اتجاهة فتحت مبايلي راسلت البنات جانت دينا وروان يشاقن ويسولفن على احداث اليوم بس اني ضاجية احس بس اريد اشغل نفسي وكالت الي روى انو نشرت صور الميلاد على الانستا مالتها وسوت تاكات النه دخلت اشوفهن شفت مسويه تاك ل مؤيد دخلت على حسابه جانن صورة تجنن وحده احلى من الخ هو واحمد ويه شباب لخ ما اعرفهم بالمستشفى وصور صيد وسفرات بريه وصور بالزي العربي راحت ايدي على فلو بالخطا اني مسمية حسابي باسمي وحاطه صورتي بسرعه اجاني موافق استحيت وارتبكت كلت هسى يفهمني خطا ما اعرف شنو اسوي واستحيت الغي المتابعة اجاني اشعار
_مرحبا 🙋♂️
اول شي اترددت اجاوب غلست بعدين دز
_ترى المفروض اني ازعل مو انتي ولو زعلان 🙍♂️ بس شنو نسوي ربونه اهلنا على الحمولة والتسامح
وراها دز
_؟؟؟؟؟؟؟؟؟
انو يستفهم ليش اقرا و ما اجاوب بعدها كلت هسى هو شايفني ليش استحي خلي اتشجع وارد عليه حتى يرتاح ضميري على موقف اليوم رديت عليه
_السلام عليكم اولا اعتذر منك على موقف اليوم اني ما قصدي شي بس جديات اني ما متعوده اكعد ويه رجال غريب لو اخذ ميانه ويا مو تربيتي ولا طبعي واذا اتريد اسال عني وشوف
رد عليه
_ بالعكس اني فخور بيج وبتربيتج والنعم منج ومن اخلاقج ونعم التربيه وعاشوا اهلج على هيج رباية
YOU ARE READING
وحدي أنا الغريبةُ
Romanceحكاية حب جميلة جداً ولكن هل ينجمعوا معاً؟؟؟؟ بسبب التقاليد وبعد المسافة ولكن القدر وما يشاء فله ألحصه الأكبر في لعب الأدوار وجمع الأقدار لنرى بطلتنا ميار إلى أين تصل مع بطلنا مؤيد
