وحدي أنا الغريبةُ

جزء ١١

كعدت على صوت الاشعارات فتحت الجهاز شفت علياء دازه
مؤيد اني اريد اعترف الك لان ما اكدر اتحمل بعد ولا اتحمل اضم بداخلي مؤيد اني احبك ومن زمان احبك واني عمري ما حبيت مصطفى ولا ردته لذلك ما وافقت اول ما خطبني بس بعدين كلت اقلها اصير قريبه منك واشوفك حتى لو ما ارتبط بيك بس شوفتك كفايه بس جان اكبر خطأ بحياتي ارتباطي باخوك ظلمته وظلمت نفسي لا اني ما احبه ولا مفكره احبه بحياتي وبقيت اباوع الك واراقبك واهتم بغرامك وغرفتك جنت كل يوم ادخل الغرفتك اسم عطرك احسن ملابسك واتخيلك واظل بالساعات وكم مرة تدخل زينب لو زهراء واسوي نفسي اعزل بالكنتور وهم هم صغار ما منتبهات والطامه الكبرى الي خلتني افتقدك وبعد ما اتحمل هو روحتك لكربلاء صرت ما اكدر اكعد ابجي من اشتياقي الك والله اني مو مستهترة ولا قليلة ادب بس احبك كلش احبك واحبك من زمان من جنت طالب بالكليه جنت اني وياك بنفس الجامعة بس اني غير قسم وجنت اشوفك واراقبك وحافظتك اكثر من نفسك وكم مرة ومرة ردت اعترف الك بس خفت لا ترفضني او تتعرف عليه واتروح تكول ل بابا لذلك سكتت ولمن ابوك كال ل بابا نريد بنتك فرحت كولش عبالي الك بس من جابوا صورة حتى اشوف اذا يعجبني او لا شفتها طلع  مو انت مصطفى مباشرتا رفضت بدون سبب وبابا راد يعرف السبب لان اول وافقت وبعدها رفضت تحججت ردت بابا زعل عليه وبعد محاولات من اهلك حتى اوافق وافقت بس حتى اكون قريبه عليك واشوفك كلت شوفتك تكفيني بس بعد ما وافقت وان كولشي اتندمت لان عرفت نفسي ارتكبت اكبر خطا بحياتي لذلك اني اعتذر منك وراح انفصل عن مصطفى لان ما اكدر اظلمه وياي بعد ما يستاهل واني هم تعبت مع السلامه
مؤيد
ضليت اقرا ومصدوم من جهل اكول خطيه مالها ذنب ومن جهة اكول لا تستاهل خليها تنفصل عن مصطفى خاينه ضليت محتار واكل بروحي عبالك اخوي كاعد يشوفني اوف ربي هسى هاي وكتها شلون راح احلها رحمتك ربي حلها من يمك افكر بمصطفى شراح يصير بحاله يحب مرته ومتعلق بيها يارب حلها وانوب عدهم طفل اويلي ضليت فكرة تاخذني وفكره ترجعني وراسي كام يوجعني تعبت كلش ما عندي فكر بعد اوف اوف
كمت غسلت وبدلت واني بس افكر ودايخ بزماني انوب سويت جاي شربت شوي جاني اشعار سمعت صوت المبايل مافتحت الجهاز كلت خاف علياء دازه شي وارجع انقهر ضليت اشغل نفسي بشقه بين رتبت غراضي عزلت المسواك صارت ساعة ١٢ كعد البيك وجها بي ستين لطامه هههه يريد ياكل مباشرتا اول شي اشتريت ويا ورزلته بعدين سويت اله اكل واني ما اكلت احس نفسي مزوهر من وروى هذا الموضوع زين شلون ارجع هسى اهلي يشكون بالموضوع وما اريد اسوي مشكله وبنفس الوقت اخوي ما يستاهل يربي للعصر افكر حتى ميار نسيتها وما فاتح جهازي وما ادري بالدنيا احمد خابر روان وضلوا يحجون واني اسمع جهازي بس عبالك بي لغم ما اريد المسه للعصر فكرت اخابرها واكلها تنتظر لحد ما انزل واشوف شنو الحل اتصلت على زهراء اختي ماكدرت اتصل على امي ما بيه حيل السين والجيم خابرت زهراء وطلعت حجه علمود غراضي ناسي شي المهم مشت عليها اول ما كالت الو ودي اموت من الخجل من اخوي عبالك ده يشوفني مع انو ماعندي شي كلت الها سمعي يا بت الناس اني حاليا مصدوم وعايش بدوامه ما اكدر اطلع منها فه انتظري بتسوين اي شي احد ما ارجع واشوف حل لخاطر ابنج مو لخاطر واحد ها ومو معناها اني راضي على تصرفج هذا انتي لو كدامي اطمج بارضج فه اكعدي لخاطر ابنج ومصطفى مايستاهل خطيه يحبج ويموت عليج تمام سمعت كالت تمام واسمع زهراء يمها تكول شكو شبي وجهج اصفر ليش ترجفين كلت الها كولي علمود فلوسه ضايعة ويسال اذا شايفتهم وانتي استحيتي عبالج مفكر انتي ماخذتهم حتى لو يحجون عليه ولا مصطفى يسمع حسبي الله ونعم الوكيل بس اكول هيج يلى بالسلامه ما سديت الجهاز اريد اسمع شنو كالت لزهراء وهي هم ما سدته واسمع زهراء تسال بيها كالت الها علمود افلوس وكذا فه زهراء كالت يا شنو قابل انتي بواكه ليش يكول هيج اجوز مضيعهم بالشارع شي معليج لتوضجين فصلته اخذت ربع ساعة رجعت اتصلت حتى لتصير مشكله كلت لزهراء كولي لعلياء لكيتهم طايحات بالسياره كالت لعد شبيك اتهمت البنيه خطيه تخربطت من وراك سديته من يمها واني اكول ياريت على الفلوس اهون اوف بعدين فتحت الانستا لكيت ميار مراسله من صبح ولكيت اصدقائي هم راسلت اصدقائي اول شي حتى اراسل ميار براحتي  كملت راسلتها
السلام عليكم شلونج اخبارج شكو ماكو اعتذر منج لان ما رديت عليج بس جنت نايم وبعدها كعدت ارتب بغراضي 
انتظرت شوي اله ردت عليه
ميار -:
اهلا وسهلا الحمد الله اني بخير
انت شخبارك حمد الله على سلامتك
مؤيد
الله يسلمج غلاي اني الحمد الله بخير
ميار :-
باجر تداوم لا
مؤيد :- ترديني اداوم حتى ما اشوفج
ميار :-
هااا لا مو هيج قصدي بالعكس
مؤيد
ام بالعكس افهم تهمج شوفتي هههه
ميار
اتموت علما تخجلني
مؤيد
اروح فدوه لليخجل اني
ميار
براحتك بس حبيت اطمأن عليك
بالسلامه
مؤيد
بس تردين تشردين بسيطه ولو تعرفين وين راحتي بس على العموم بالسلامه نلتقي باجر والله كريم
سديته
شوي ارتاحيت من حجيت وياها احس احسن صرت
كمت شفت احمد بعده منطلق ويه روان غسلت وجهي وكعدت اباوع بالفيس شكو ماكو
———————————
ميار
بعد ما راسلت مؤيد وكال طالع شغلت نفسي بالبيت وبالبنات حجيت وياهم وماكو امتحان عدنه كويت ملابس رتبت غرفتي باوعت الساعة صارت ٥ العصر صعدت شفت مبايلي ماكو رساله من مؤيد دزيت
- هاي بشر وصلت لا
انتظرت ماكو رد
عفت الجهاز كلت اجوز ما واصل نزلت سويت عشى ويه ماما وانشغلت ساعة ٩ صعدت لغرفتي طبعا اني واخواني ثنينهم غرفنه فوك وماما وبابا غرفتهم جوه بيتنه جبير وحلوه خريطته وحديث هو بيت جدو وبابا جدده مهم شفت جهازي كلت خاف داز مؤيد شي هم ماكو دزيت مره لخ
وينك
الو
مؤيد
وصلت لا
بالي يمك مشغول عليك
شوي راسلت البنات ضليت احجي وياهم واخذنه الوقت لحد ساعة ١٠ هيج هم ماكو دزيت
مؤيد قلقت عليك بس طمني وصلت لا
الو
وينك
ترى ميصير هيج بالي يمك
وانوب سالت روان هم كالت ما اعرف شي عنهم ما مراسلها احمد هم قلقانه اوف ربي شكول عليك مؤيد زين اني حتى رقمه ماعندي تواصلي كله على الانستا ويا ربي دخيل اسمك طمني عليه يمكن صدك حبيته لان خوفي عليه وقلقي واشتياقي مو طبيعي اله اتعلقت بي احس كلش
ضليت لزمه الجهاز وكل شوي اراقب الانستا ادخل اشوف قرا رسائل لا وخلال هذا الوقت كلما ادخل الانستا ادز رساله اله  وحتى نوم طار من عيني واني حسبه تاخذني وحسبه ترجعني
اخر شي ساعة ١٢ دخلت اشوف متصل لا
شفت متصل واني راسلته
واطمأنيت عليه اله كدرت انام
بعدها كعدت صبح روتين معتاد هم راسلته ماكو كلت اكيد تعبان ونايم ما لحيت مثل البارحة استحت من تصرفي بس بعد ما عرفت اتصرف من خوفي وقلقي اوف للعصر راسلني وخجلني كالعاده وضليت افكر باجر ولقاء باجر وشنو البس محتاره 🤔 ومر اليوم روتين عادي كعدت من الصبح كلي نشاط وحيويه غسلت وبدلت وعدلت غرفتي واريد بس اروح لجامعة لبست هيج