حب ما بعد ضياع

البارت السادس عشر

احبك و ساضل احبك
واردد هذه الكمات في بالي
و عقلي و مخيلتي و في كل شي
انت الشخص الوحيد الذي
سمحت له ب اقتحام قلبي
احبك...
______
طبيت للبيت بعد ما اخذت ال الشهاده و الحمدالله نجحت و شفت ابويه وامي يسولفون واول ما اجيت سكتو

طبيت الغرفتي واني كلي فضول اريد اعرف بشنو يحجون

وكفت بره غرفتي و سمعت كلام بابا من كال

ابو ليال:نجم رجع طلب ايد ليال

ام ليال:ياا صاار كم مره يطلب البنيه و نرجع انكول اله ناهي عليه

ابو ليال:والله خبلني صاار هاي سادس مره يطلبه و ارجع اكول ال نفس الكلام ويرجع يكولي عمي حاول اتحله اني ارييد قربكم

ام ليال:وانته شسويت عله هل سالفه

ابو ليال:والله الف مره اكول الهم بس ما يقبلون وابويه هم ما يقبل يكلي سد الموضوع لا اغضب عليك ليوم الدين

واني حااير ما اعرف شنو اتصرف بين ابويه الي يريد يغضب عليه وبين بنتي الي اريده ترتاح بحياته

ام ليال:يله ان شاء الله خير وربك الي كاتبه ايصير و حاول تحجي ويه نجم لا يسوي سالفه واحنه في غنه عنه

طبيت للغرفه واني كلبي صاير طبل من الي سمعته

احس روحي طييير و ارييد اطيير من الفرحه يعنني ست مرات جايني يعني يحبني

ضليت اكمزز من الفرحه و ماعرف شنو اسوي

نمت عله الجربايه واباوع للسكف واني اتذكر نضراته وكلامه اوووف شكدد احبك

فتحت عيوني عليه و عله حبه وحنانه وكلشي بي

كاعد يحاارب علمودي علمود يحصلني و ياخذني

لازم اسوي شي لازمم يااربي ماريد يااسر

ماريد اذي نفسي ويه شخص ما احبه ولا اريده

لا اني الي راح اتقبله ولا اكدر اقدمله كل الحب الي يريده

طلعت كتبي وبديت اقرره  لان ما بقه شي عله الامتحانات اخير السنه واصير سنه ثانيه كليه قسم اداب انكليزي دخلنه سوه اني وجنات نفس القسم

سوتلي واهس ندخل سوه و نفس الكليه

مندمجه بل قرايه و دخلتلي جنات ترككض و جهه احممر

ليال:عززا شبيج ولج

جنات:وللج كلبي رااح يوكف

ليال:ولجج احجي شكوووو

جنات:مي مي اريد ميي

ليال:ايي يمعوده هسه

طلعت للمطبخ جبت اله كلاص مي ورحت للغرفه شفته صافنه