حب ما بعد ضياع

البارت الثاني والعشرون

بدء حبك يمشي في قلبي
وبدائت تاخذ مجراهئ
علئ قلبي و كياني
_______________

مره الايام و بديت الاحظ شغلات واضحه عله فهد

نضراته اليه من يشوفني و توتره و كلامه وكلشي بي جان يوحي انو هوه يحبني

بس كلبي جان مسدود و ميريد اي شخص ماريد ارجع انكسر مره الاخ و اتعب و اتاذه

و بنفس الوقت ماعرف شسوي و مرات افكر و اكول اذا اجه اعترف شنو اكول شنو اسوي

صح هوه خوش ولد و مبين ثكيل و رزن بس ما نعرف داخل الانسان شنو

وابسط مثال احمد جان ابن خالتي و ما اتخيلت هيج يسوي بس سوه و عافني و راح

و هذا الغريب شراح يسوي اذا الي من لحمي و دمي عافني و راح

كاعده بل حديقه و شفته من بعيد كاعد يشتغل و الي عرفته هاي الايام انو هوه مهندس و كاعد يشرف علئ بعض الشغلات بل كليه حته يبنون

اخذت دفتري و فتحت الصفحه الاخيره منه و لزمت القلم

بديت اباع عليه و علئ الاذكره ارسمه و ايدي بدت تاخذ مجراها بل رسم من دون ما احس

رجعت باوعت عليه شفته باوعلي و اجه ب اتجاهي

كبل سديت الدفتر و رفعت راسي شفت واكف يمي

فهد:هلا ريفان شلونج

ريفان:الحمدالله زينه

فهد:شكو ماكو شلونج بل كليه

ريفان:الحمدالله زينه انته شلونك

فهد:الحمدالله زين

ريفان:صدك شوكت اتخلصون بناء

فهد:والله بعد ما بقه شي و انخلص

ريفان:الله يساعدك شلون هيج متحمل بل حر

فهد:بعد شيوي غير شغلي و بنفس الوقت احبه

ريفان:صدك يا كليه درست انته

فهد:والله اني مو هناا جنت ميافر قبل..

_استااذ تعال بسرعه

فهد:يله اني استرخص

ريفان:يله اني هم حروح للمحاضره

كمت من مكاني و هوه شفته ابتعد شويه و اني رحت للمحاضره

طبيت للقاعه و بده الدكتور يشرح

_يله طلاب هذا كتبو ب دفاتركم لان مهم و خلصو و تكدرون تطلعون.

باوعت دفتري ماكو نسيته هناك

شفت الدكتور طلع كمت طلعت وراه و رجعت ال مكاني شفته موجود الحمدالله

مره الساعات و رجعت للبيت

و كبل رحت غسلت و نمت من للتعب