#مشوار العمر.. باللهجه العراقيه .احلام السعدي

البارت ٩

مر تقريبا شهر واني محبوسه بالشقه...

لاطلعه ولاطبه... قافل الباب عليه..

يجي قليل عليه...ومرات يجي يبات..

ومرات يريد ياخذني بالغصب...

بس يستغفر الله ويسكت...

فات للحمام....واني اعرف يطول هوايه بالحمام.. مو شلون مجان يعني كلش كلش يطول...

كلما يفوت اكول هذا خاف بي شي..

طلع طبيعته هيج يطول بالسبح..

دورت عالتلفونه... مالكيته...

دورت بملابسه.... واخيرا لكيته...

لزمته  لكيت بي رمز... اهووووو... هذا هم نمط..

وخرت وجهي.. بحيث ماطلع شي منه... وضليت ادوس بي الان فتح صدك....

ماطولت وفتح..

لكيت بي صور للحايط الي ورايه..

مسحت الصور...

حافضه رقم ابراهيم... وشلون مااحفضه... اصلا كلش مميز رقمه وحلو كلش...

بي ٢ هوايه لهذا رقم مميز...

دست اتصال .. وخليته عالاذاني...

بين مايرن... اني اتلفت خاف منذر موجود...

اتلفت يم الحمام... واني ضامه نفسي وره زاويه يم التلفزيون... بحيث ينشاف شويه من باب الحمام...

فتحه... بتسمت...

صاح... الوو...

بلعت ريكي هذا صوته...

..... ابراهيم اسمعني قبل لاتسد الموبايل.... هو ستفزني وصورني وقبلت بي... لهذا سوه هيج.. وهو الي فات لشقتي والله ماادري بي...

ابراهيم... انتي منووو...ومنو الي استفزج..احجيلي علكيفج شويه... شويه...

....... اني ليلى..ماعندي وكت ... اني محبوسه بشقه تعال اخذني عليك الله... يم ساحه مشهوره اسمها......

ابراهيم....ليلى..

سمعته كام يركض.... وين انتي...

.... اي ليلى...

حجه بنبره كلش حتقرني بيها واني نجرحت.... فهميني شنو السالفه مافتهمت شي...

...... بس تعال بشقه.بطابق الاول ... يم سوق... موجوده يم اسواق ال..... بلون الابيض ملونيهها... لاتدك عله هذا الجهاز.. لان مو مالتي مال منذر. .. دير بالك...

دايريد يحجي... قفلته ورجعته واني اعضعض بأصابيعي... ياربي... انشالله مايعرفني..

جفلت واني اشوف ايد ورايه...

منذر... خبرتي موووو... عرفتج داتلوبين عله هذا الشي...

رجفه سرت بكل جسمي... ياربي.... والله دااسمع صوت الدوش الحمام... وشفته دخل...