#مشوار العمر.. باللهجه العراقيه .احلام السعدي

البارت الثامن.

مشوار العمر...

للكاتبه احلام السعدي..

.........

اصعب شي يوكع بي الانسان هو هذا الشي.

شلون مشفته من خله موبايله عالميز... شلون مشفته صورني...

اكو شي غلط... هو مراح عالهاي الزاويه... شلون صورني...

اكو هواي اسأله واريد اجوبتهن منعنده...

بس اني كمت ارجف من دايفتح الباب...

لزمته بعصبيه.... وطببته... للغرفه... اذا تحبني لاتطلع كدامه...

بتسم... افكر انشالله...

فات... نزع حذائه... وكعد عالسرير...

اني دمي دايغلي من ورا.... ونوب ابراهيم كسر الباب..

رحت خليت مي بوجهي ومي براسي... واخذت خاولي ويايه...

رحت ركض فتحتلهيا...

باوع عليه... وينج شجنتي تسوين...

.... جنت دااسبح شبيك..

باوع عليه... وسد الباب... شلونج..

حجاها بعصبيه....

لويت شفتي... الحمد لله... زينه...

كعد عالكرسي... ليش مانرجع للبيت احسن... مداامن عليج هنا...

..... مااكدر... رجائآ عوفني... خليني... تره امك مطايقتني.. ومرتك هم مطايقتني..

تأفأف.... شكلتي هسه... عالشغلتنه...

.... عفوا...

ابراهيم.... ليلى.. راح اكلج من الاخر...اريدج تفتهمين شنو يعني...

لويت شفتي... ومرتك مصالها شهر متزوجه... اني من حبيتك كتلك قبل لاتزوج دعاء... بس هسه... ماادري..

المشكله اني مااريد احجي اهناا... لان يسمعنه منذر..

فجآه طلع منذر... هااا ابراهيم انت اهنا..

من كال هيج...انصدم ابراهيم يباوع عليه وعليه ونوب عله لبسي وعله المنشفه... ويباوع عليه..

اني من الخوف والارتباك... رجليه متحملني... هسه شلون دايفكر بيه...

غمضت عيوني... وكعدت عالقنفه ولازمه شفتي بعصبيه....

ابراهيم... ليلى... شدايسوي منذر اهناا..

منذر... والله خطيبها وبكيفي بيها..

يباوع عليه منذر... ويخنزر عليه ويشوف عله موبايله...

والثاني يباوع عليه يريدني اجذب منذر بالي دايكوله...

موقفي كلش صعب...

شنو الي راح اسوي...

ماادري...

ابراهيم... ليلى...

كومني كل حيله..

كومته اذتني كلش... من كثر ملازمني بعصبيه... بعدته عني واني افرك ايدي...