#مشوار العمر.. باللهجه العراقيه .احلام السعدي

البارت الرابع

مشوار العمر...

للكاتبه احلام السعدي...

مصممه الغلاف..-xlle8n

   هوايه يكولولي شوكت تنزلين..انشالله راح انزل..بس يصير التفاعل يصير هوايه...او تصويت تصير فوك الميه..

..............

ابرهيم......لعد منو  منذر...

باوعت عليه....انت من وين تعرف منذر...

ضحك....منو جاوبيني....

عضيت شفتي بتوتر.... رجائآ لاتسالني هالسؤال... مااكدر اجاوبك عليه...

ابراهيم.... اني مااتدخل بخصوصيتج... بس دااكولج منو هذا....

..... واني حسألك.. انت من وين تعرف منذر...

ابرهيم...هو ضابط.مووو...

.....اييي..شلون عرفت...

ابراهيم... يشتغل ويانه.. اني ويا مجموعه نشتغل ويه بعض..شافني من اخذتج بالسياره..وسالني كال دير بالك عليها... ومن سالته عن اهلج... كالي مااعرف... ومن سالته انت شتصير منها... ماجاوبني...

بلعت ريكي... يعني وياك يشتغل...

هز راسه بأيي...

هو ماحجه بعد... واني ماحجيت... ولا الي خلك احجي...

جتفت ايدي..محتاره وافكر بكلشي الي صارلي...

من رجعنه.... اول مافتنه من الباب...

لكينه دعاء وامها وام ابرهيم.... واكفين يم التنور...

مبين راح تخبز ام ابرهيم...

بسرعه باوعو عله ابرهيم... وباوعو عليه...

نضرت لدعاء..حلوه..يعني...

حسيتها كلش ضايجه مني.. من نضراتها.... وتباوع عاللبسي هوايه...

سلمت عليهن.. وفتت للغرفه مالتي...

كل اغراضي موجوده بالغرفه.... حلووو..

كمت اطلع واني الابتسامه شاكه حلكي...

كمت سبحت... ولبست بنطرون وفانيله كامله ردان..

طلعت...

شفتها داتخبز... ودايحجن ويه بعض...

من جيت كلهن سكتن.... ويباوعن عليه...

تقدمت شويه... وكلت الله يساعدجن...

ردلني.... شفت ابرهيم كاعد ياكل بخبزه مكسبه...

همه رجعو يحجون بموضوع ثاني... مبين جانو يحجون عليه... بس سكتو من شافوني....

باوعت عله ابرهيم.... واني مرتجيه عالباب..وجتفت ايدي...

غمزتله وبتسمت...

نزل راسه..وكال... استغفر الله... وياكل بالخبز..

كام....دايفوت...ماسويتله مجال..