#مشوار العمر.. باللهجه العراقيه .احلام السعدي

.. البارت الثالث...

مشوار العمر

للكاتبه احلام السعدي...

مصممه الغلاف..-xlle8n

...................

.........
كصرت الشر....ورجعت عالبيت...ماعندي غير هذا البيت ملجأيي...

من شافتني فاديه.....شو رجعتي...

ماحجيت وياها....ورحت لغرفتي....من اعصب اكوم اتجاهل الناس الي يمي....

كعدت عالسرير....شويه وكمت...

فتحت الكنتور..بس لبستين  عندي...وهيه مال اللبنيه الي عمرها ١٥ سنه....والثانيه الي جيت بيها...

واني جنت لابسه مال البنيه...وهيه ضعيفه....واني شويه متروسه...وطويله...وهيه قصيره...فاكيد الفستان مايجي عليه...

اني للمره الثانيه اكول لبسي شويه استر....بس ماعندي غير هذن اللبستين...

ضليت ساعه بالغرفه...

ندكت الباب....

صحت ادخل...

ماعبالي يجي ابراهيم...

بس فات عليه..

عدلت لبسي وعدلت نفسي....

ابراهيم....امي سولفتلي كلشي الي صار....وطيحت حضها لفاديه....انتي منه وبينه...ومثل ميكولون السوريين...صدر البيت الج والعتبه النه..

بتسمت...لا عادي...بس اريد اروح يم صديقاتي...

ابراهيم....كتلج هذا البيت الج..بين ماادورلج عالبيت اهلج...

كمت....وكفت كباله....انت شنو تريد مني بالضبط...كلي..ليش اني الوحيده الي مخليني بهذا بيتك...ليش كلي...

باوع عليه...وبلع ريكه...ودار وجهه....لا بس حسيت اني سبب مصيبتكم هاي...

..رفعت حاجبي..وليش بس اني الوحيده الي خليتها ببيتك...كلي...

نضر اليه...ماكو شي كتلج..وخليتج اهنا بس علمود الضباط الي ويايه....كتلهم هاي البنيه تقربلي..وشفت نضراتهم الج...لهذا احسن حل تبقين بالبيت...

تنهدت...ليش ماتكول الحقيقه....

عقد حواجبه....هااا...

تقربت منه اكثر....انت معجب بيه...

دفعني....شنو انتي ماتخجلين..اني رجال واخجل...شلون ماتخجلين انتي...

خليت فكي عالجتافه.....معجب بيه....من نضراتك وعيونك...

بعدني عنه....انتي تريدين تجيبين اخرتي....اني حروح...كلامج هوايه الماسخ...

من راح بتسمت...يربي...حيجنني...احبه..دعاء هاي يادعاء...اني مو ليلى اذا اخلي هذا الزواج يتم عالخير....

والله لجننه ولااخلي يحبني غصب عنه...

فتحت الباب...وطلعت...باوعت عليه يصب مي بالكلاص..