#مشوار العمر.. باللهجه العراقيه .احلام السعدي

البارت السابع

للكاتبه احلام السعدي ...

قصه مشوار العمر ...

...........

فات ابراهيم...

بلعت ريكي ...وسديته بسرعه...

ابراهيم...المن داتخابرين...

هزيت راسي بلا....ماكو احد ..

اخذه غصب....افتحي الرمز...

لزمت موبايلي....انت شعليك...وشلك علاقه...

ابراهيم....اذا ماتفتحين الموبايل مايصير خير والله ..

جتفت ايدي اباوع عليه...واني كتلك ماافتحه..

شهكت بسرعه من لزم شعري حيل...

لزمت ايده ...ابراهيم شبيك ..تخبلت..

ابراهيم..اي تخبلت...

اخذ الموبايل  مني بعصبيه...افتحي..

لزمت الموبايل  دااريد اخذه حته افتح الرمز...

عاط عليه....افتحي بأيدي ..

فتحته ...وكعدت عالسرير ...

احس حلكي جف ..

وايديه ورجليه يرجفن.

اوي شكو بيها ...والله عبالك مسويه جريمه ..

ضليت اباوع عليه ...وكلبي قابضني ..

شكد ردت اهدي نفسي ماكدرت ..

ابد ماخفت من رجال  بس هيج خوفه بسيطه..

بس ابراهيم مااعرف اخاف هوايه من يمه ..

عض شفته بعصبيه ...منو نطاج رقمه ..

باوع عليه وهو مخنزر..

بلعت ريكي ...ماكو احد ..

لزمني من ايدي بعصبيه ...شهكت ..

كومني ...منو نطاج الصخام الرقم ..

هزيت راسي ماكو احد اني اخذته...

غمض عيونه يتمالك نفسه ..

شفت موبايلي خلا بجيبه ..

ابراهيم...ماكو بعد موبايل..

دايطلع...لزمت ايديه بعصبيه..انت مو بكيفك..انت شكو.ليش تريد توكف قسمتي..

ابراهيم...هيج بكيفي عندج مانع..

....اي عندي مانع ..اني كتله موافقه ..

ابراهيم...واني اطرده منا ...واخليج محبوسه بالغرفه ..

صدك عصبت...ابراهيم...شنو تريد مني ...كول ..

ابراهيم ...هز جتافه...مااريد شي..

.....انت تريدني مووو ...كلي..

سكت ماحجه شي...

.....جاوب ..ليش سكت...واذا تضل ساكت ..يعني اي تريدني...