Fucker Series #6: YLLER

CHAPTER 3

Matapos maisaayos si Yller sa loob ng sasakyan, madaling umupo si Hier upang magmaneho.

'Tangina, ano nang gagawin ko? Haist, Yller naman!'

Nang makauwi ay agad niyang tinawag ang isa sa mga tauhan nila sa bahay upang matulungan siya sa pagbuhat kay Yller.

'Ang bigat naman kasi'

"Dalhin natin siya sa guest room"

"Sige po"

Binuhat nila si Yller papunta sa nasabing kuwarto. Hindi maintindihan ng tauhan kung bakit nakabalot sa kumot ang natutulog na lalaking iyon, napangiwi ang tauhan nang maamoy ang alak sa katawan ni Yller.

'Lasing pala'

Maayos nilang dinala si Yller sa kuwartong iyon, agad na umalis ang tauhan at naiwan si Hier na palakad-lakad sa loob, iniisip kung ano ang magandang gawin.

'Paano kung magreklamo ang kabilang panig? Ni-rape nitong mokong na 'to ang babaeng iyon. Aishhh, kainis. Kailangang malaman ni tito ang ginawa mo Yller, kung ano man ang desisyon ng daddy mo... Bahala na.'

Inilabas ni Hier ang kaniyang cellphone at tinawagan ang ama ni Yller.

Nagising si Mr. Newz nang marinig ang pagtunog ng kaniyang cellphone. Napakunot ang noo niya dahil ang tumatawag ay si Hier, kaibigan ng kaniyang anak.

"Hello Hier?"

"Tito, may malaking problema."

"Ha? Ano ba ang problema mo?"

"Hindi ako ang may problema kundi ikaw. Mas gusto kong sabihin sayo ng personal, pumunta ka dito sa bahay. Tungkol kay Yller ang sasabihin ko."

Napabalikwas si Mr. Newz nang marinig ang kaniyang sinabi. Agad siyang kinabahan lalo pa't hindi umuwi sa bahay nila ang kaniyang anak.

"Sige, papunta na ako."

Nagmadali si Mr. Newz sa pag-aayos ng sarili, nagpalit din siya ng kaniyang damit upang mas maging presentable.

"Saan ka pupunta?"

"Sa bahay ng mga Dalli, may problema... Hindi ko alam kung ano."

Napatango si Mrs. Newz dahil alam nito na ang Dalli ay isa sa kliyente ng kaniyang mister.

Sikat na abogado si Mr. Newz, kung kaya't minsa'y umaalis ito ng alanganing oras lalo na kung may problema ang kaniyang mga kliyente.

"Sige, ingat."

Hinalikan ni Mr. Newz ang asawa bago umalis sa kuwarto. Nagmadali siyang sumakay sa kotse at nagmaneho. Sa tuwing ganito ang kaniyang nararamdaman, may masamang nangyari. Hindi pa pumapalya ang kaniyang pakiramdam.

Nang makarating sa bahay ng mga Dalli ay agad siyang sinalubong ni Hier.

"Nasaan na si Yller?"

"Nasa kuwarto, sumunod ka sa akin tito."

Hindi sila dumaan sa harap ng mansyon kundi sa likod nito. Ang mga magulang ni Hier ay mahimbing na natutulog at wala silang kaalam-alam na mayroon silang bisita sa oras na iyon.

Mula sa likuran na bahagi ng mansyon, dumaan sila sa isang mahabang pasilyo, kusina tuwing may handaan at sa malawak na sala. Umakyat sila sa pangalawang palapag ng mansyon, pumunta sila sa isang kuwarto. Doon nadatnan ni Mr. Newz na nakabalot sa puting kumot ang kaniyang anak.