Fucker Series #6: YLLER

CHAPTER 7

Nang makabalik siya sa kanyang puwesto ay binigyan siya ng kaniyang guro ng inumin at makakain.  Tahimik na kumain si Nikolai, samantalang si Yller ay nakatingin lang sa kanya.

Lumingon si Nikolai sa kinaroroonan ni Yller at nagtama ang kanilang mata.  Kitang-kita ni Yller kung paano siya kindatan ni Nikolai at ang pagtaas ng sulok ng labi nito, tila'y himahamon siya ng asaran.  Hindi mapigilan ni Yller na mapairap sa inasal ng bubwit na bata samantalang si Nikolai ay napahagikgik sa ginawa ng abogadong iyon.

"Nikolai"

"Hmm?"

Lumingon si Nikolai nang tawagin siya ng kaniyang guro.

"Lets go"

Tumango siya at naglakad papaalis sa kanilang puwesto.

Natapos ang patimpalak ay dumiretso si Nikolai papasok sa sasakyan.  Nang makaupo ay sumandal siya at pumikit. Naramdaman niyang umandar na ang kaniyang sinasakyan ngunit ilang sandali ay narinig niyang nagsisiiyakan ang mga kapwa niya mag-aaral.

Dumilat si Nikolai at nakita niyang yakap ng mga guro ang mga bata at nagbigla siya nang yakapin din siya ng kaniyang guro.

"Maam, what happened?"

"The break of this vehicle is broken"

Nabigla si Nikolai at bago pa man siya makapagsalita ay nakarinig siya ng malakas na tunog kasabay ng pag-untog niya sa bintana ng sasakyan at tuluyan siyang nawalan ng malay.

Habang papunta sa isang kliyente si Yller ay nakita niya ang isang sasakyan na nakatagilid. Yupi ang unahan nito at rinig niya ang paghingi ng saklolo ng mga tao sa loob. Agad siyang tumawag ng pulis upang humingi ng tulong. Nabigla siya nang makitang tumatagas ang gasolina mula sa sasakyan. Mabilis siyang umaksyon, dali-dali niyang binuksan ang pintuan at nakita niya ang mga guro na naghihingalo at ilang mga bata na nawalan ng malay, may iba na humahagulgol nang iyak habang tinatawag ang kanilang ina. Nakita niya ang drayber at napailing siya dahil wala na itong buhay.

Ang una niyang kinuha ay ang mga bata. Nang maialis niya ang mga bata ay nagpatulong siya sa mga motorista at iba pang taong nakapaligid upang ayusin ang pusisyon ng sasakyan. Nagtulong-tulong sila upang mailabas ang lahat mg mga nakasakay sa sasakyan. Matapos nilang mailabas ang mga bata ay nagsidatingan ang mga pulis upang imbestigahan ang nangyari.

"Attorney"

"Sgt. Fierro"

Ngumiti sila bilang pagbati sa isa't isa. Doo'y inumpisahang isalaysay ni Yller ang nangyari. Matapos silang mag-usap ay dumating ang isang pulis. Sumaludo ito kay Sgt. Fierro bago nagsalita.

"Sir, hindi po kasya sa ambulansya ang mga biktima."

Lumingon si Yller sa mga nasugatan at doo'y nakita niya si Nikolai na nakahiga at walang malay, duguan ang mukha nito, ibang-iba sa mapang-asar na bata kanina. Parang may kung anong tumusok sa kaniyang dibdib.

"Ako na ang bahala sa batang iyon."

Hindi pa man nakasagot si Sgt. Fierro ay dali-daling lumakad si Yller sa kinaroroonan ni Nikolai. Binuhat niya ito papasok sa kaniyang kotse at madali niyang pinatakbo papunta sa Jones Hospital.

Tinawagan niya si Blue upang ipahanda ang personal niyang kuwarto gayun din ang pagiging VIP patient ni Nikolai.

******