منطقة _13

البارت الأول

#منطقه_13

مريم السعدي

#بارت١

ﺳﻠﻤﺎﻥ --- ﺳﻠﻤﺎﻥ -- ﺳﻠﻤﺎﻥ ﻭﻭﺟﻌﻪ ﻛﻮﻣﻢ
ﻫﺎ ﺑﻮﻳﻪ
ﻛﻮﻡ . ﻭﻭﺟﻌﻪ ﺍﺑﻮﻱ ﻛﻮﻡ ﻭﻱ ﺍﺧﻮﺗﻚ ﻋﻠﻰ ﺑﺎﺏ ﺍﻟﻠﻪ
ﺻﺎﺭ ﺑﻮﻳﻪ ﻛﺎﻳﻢ
ﻳﻠﻪ ﺭﺍﺟﺢ ﻳﻠﻪ ﻣﺤﻤﺪ ﻛﻮﻡ ﻭﻳﺎﻱ
ﺻﺒﺎﺡ ﻋﺮﺍﻗﻲ . ﺧﺎﻟﺺ ﺧﺎﻟﻄﺖ ﻋﺒﻖ ﺭﺍﺋﺤﻪ ﺍﻟﺸﺎﻱ ﺍﻟﺠﺪﻳﺪ ﺍﻟﻠﺬﻱ ﺗﻐﻠﻴﻪ ﺍﻣﻲ ﻋﻠﻰ ﻧﺎﺭ ﻛﺪﻓﻰﺀ ﺣﻨﺎﻧﻬﺎ ﻣﻊ ﺭﺍﺋﺤﻪ ﺍﻟﺘﺮﺍﺏ ﺍﻟﻤﺒﺘﻞ ﺑﻤﺎﺀ ﺍﻟﻤﻄﺮ . ﻭﺻﻮﺕ ﻗﺮﺁﻥ ﺍﻣﻲ ﺍﻟﻬﺎﺩﻱ ﺑﺎﻳﺎﺕ ﺍﻟﻘﺼﻴﺮﻩ ﻳﻄﺮﺏ ﻣﺴﺎﻣﻌﻲ .
ﻫﺎ ﻳﻤﻪ ﺻﺒﺎﺡ ﺍﻟﺨﻴﺮ
ﻫﻠﻪ ﻳﻮﻡ . ﻳﻠﻪ ﺗﻌﺎﻝ ﺗﺮﺑﻊ ﺗﺮﻳﻚ ﺗﻜﻌﺪ ﻳﻢ ﺍﻟﺠﻮﻟﻪ ﺗﺪﻓﻴﻚ
ﻻ ﻳﻤﻪ ﻣﺮﺗﺎﺡ
ﺭﺍﺍﺍﺟﺢ
ﺍﻱ ﺍﻳﻲ ﺟﻴﻴﺖ ﺟﺘﻲ ﺍﺗﻐﻮﺳﻞ
ﻳﻤﻪ ﻣﺤﻤﺪ ﻣﺮﺍﺿﻲ ﻳﺼﺤﻪ ﺗﻌﺒﻨﻲ
ﻋﻮﻓﻪ ﻳﻤﻪ ﻫﺬﺍ ﻣﻤﺘﻌﺎﻓﻲ ﺧﻠﻲ ﺍﻟﻴﻮﻡ ﻳﺮﺗﺎﺡ
ﻛﻠﺸﻲ ﻣﺎﺑﻲ ﺷﻮ ﻣﻦ ﻣﻴﻄﻠﻊ ﻟﻠﺸﻐﻞ ﻳﻜﻀﻴﻬﺎ ﺗﺪﺑﺞ ﺑﺎﻟﻔﺮﻉ ﻳﺎﻫﻮﺍﻟﻔﺎﺕ ﻭﺗﺤﺮﺵ ﺑﻲ . ﻋﺎﻳﻖ ﻣﺤﺪ ﻳﻜﺪﺭﻟﻪ
ﻣﻴﺨﺎﻟﻒ ﻳﻤﻪ ﺧﻄﻴﻪ
ﻛﻴﻔﺞ ﻭﻣﺪﻳﺖ ﺍﻳﺪﻱ
ﺷﺤﻼﺗﻬﺎ ﺍﻟﺼﺒﺢ ﺑﻴﺾ ﻭﻃﻤﺎﻃﺎ ﻭﺍﺑﻮﻳﻪ ﻳﺎﻛﻞ ﺩﺑﺲ ﻭﺭﺍﺷﻲ ﻛﺎﻋﺪ ﻋﻠﻰ ﺭﺣﻞ ﻭﺛﺎﻧﻲ ﺍﻟﻠﺦ ﻭﻻﺑﺲ ﺣﺰﺍﻡ ﺍﻟﻔﺘﻖ ﻭﻋﻴﻮﻧﻬﺎ ﺗﺠﺪﺡ ﻏﻀﺐ ﻭﻳﺒﺎﻭﻉ ﻟﺮﺍﺟﺢ ﻭﻳﺒﺎﻭﻋﻠﻲ .
ﻭﺍﺣﻨﺎ ﻣﻤﺴﻮﻳﻦ ﺷﻲ ﻭﻧﺘﺮﺍﺟﻒ ﻟﺪﺭﺟﻪ ﺍﺧﺎﻑ ﺍﺳﺎﻟﻪ ﺷﺒﻴﻚ ﻳﺎﺑﻪ . ﻛﻤﻠﻨﺎ ﺍﻛﻠﻨﺎ ﻭﺭﺍﺟﺢ ﺣﺎﻓﻪ ﺍﻟﺨﺒﺮ ﺩﻭﻳﺮﻩ ﻣﻴﺎﻛﻠﻪ ﻭﻋﺎﻁ ﺑﻲ ﺍﺑﻮﻳﻪ ﻓﺰﺯﻧﻲ ﻭﺍﻧﻜﻠﺐ ﺍﺳﺘﻜﺎﻥ ﺍﻟﺠﺎﻱ ﻋﻠﻰ ﺭﺟﻠﻲ ﻫﻮ ﻣﻨﺎ ﻳﺮﻛﺺ ﺍﻻﺳﺘﻜﺎﻥ ﻛﻌﺪﺗﻪ ﻣﻤﻀﺒﻄﻪ ﻭﻱ ﺍﻟﻤﺎﻋﻮﻥ ﻻﻥ ﻛﺰﺍﺯﻩ ﻣﻮ ﺍﺻﻠﻲ . ﻭﺍﻟﺨﺎﺷﻮﻛﻪ ﻓﺎﻓﻮﻥ
ﻧﺘﺮ ﺍﺑﻮﻳﻪ
ﻭﻟﻚ ﺭﺍﺍﺍﺟﺢ ﻃﺎﻳﺢ ﺍﻟﺼﺒﻎ ﺗﺎﻟﻴﻬﺎ ﻭﻳﺎﻙ ﻫﺎﻟﺴﻮﻟﻪ ﺍﻟﻜﺸﺮﻩ ﻫﺎﻱ ﺷﻨﻮ ﺣﻮﺍﻑ ﺍﻟﺨﺒﺰﻩ ﺑﺎﺟﺮ ﺍﻟﻠﻪ ﻳﻌﻤﻲ ﻋﻴﻮﻧﻚ
ﺷﺒﻌﺖ ﻳﺎﺑﻪ ﻛﻤﻠﺖ ﻛﺮﺻﺘﻲ
ﺍﻛﻞ ﻫﺎﺍﺍﻱ ﺍﻟﻨﻮﻭﺏ ﻳﻠﻠﻠﻪ
ﺍﻱ ﻳﺎﺑﻪ ﺻﺎﺭ
ﻭﺿﻞ ﻳﻌﻠﺲ ﺑﻴﻬﺎ ﻭﺣﺪﻫﺎ ﻭﺍﻧﻲ ﺗﺒﺎﻭﻉ ﻣﻦ ﺣﻮﻩ ﻋﻴﻨﻬﺎ ﻋﻠﻴﻪ ﺑﻘﻠﻖ ﺻﺒﺖ ﺍﺳﺘﻜﺎﻥ ﻟﺦ ﻭﺗﺒﺎﻭﻉ ﻟﺤﻠﻜﻪ
ﻫﻤﺴﺖ
ﺍﻛﻠﻬﺎ ﻳﻤﻪ ﻭﻓﻮﻛﻬﺎ ﺟﺎﻱ ﺣﺘﻰ ﺗﻨﺰﻝ
ﺍﺧﺬ ﺍﻻﺳﺘﻜﺎﻥ ﺍﻟﺜﺎﻧﻲ ﻭﻳﺒﺎﻭﻉ ﻟﻌﻴﻦ ﺍﺑﻮﻳﻪ ﺭﺍﺿﻲ ﻟﻮ ﻻ
ﺳﻠﻤﺎﻥ ﻛﻤﻠﺖ
ﺍﻱ ﻳﺎﺑﻪ
ﻛﻮﻡ ﺑﺴﻊ ﻋﻠﻰ ﺭﺍﺿﻲ ﺧﻠﻲ ﻳﻨﻔﺦ ﺗﺎﻳﺮ ﺍﻟﺒﺎﻳﺴﻜﻞ ﺑﻨﺠﺮ
ﺍﻱ ﻳﺎﺑﻪ
ﻭﻛﻤﺖ ﻃﻠﻌﺖ ﻭﺍﻧﻲ ﺍﺣﻚ ﺑﺮﺍﺳﻲ ﺍﻟﺼﺒﻎ ﺑﻌﺪﻩ ﻣﺠﻠﺐ ﺑﺸﻌﺮﻱ ﺻﺎﺭﺕ ﺑﻴﻪ ﺳﻮﻟﻪ ﺍﻣﺸﻲ ﻭﺍﻛﺸﺮ ﺑﺎﻃﺮﺍﻑ ﺷﻌﺮﻱ ﺍﻟﺼﺎﻳﺮ ﺑﻴﻬﺎ ﺻﺒﻎ ﻧﻔﺨﺖ ﺍﻟﺘﺎﻳﺮ ﻭﺭﺟﻌﺖ ﻟﻠﺒﻴﺖ
ﺷﻔﺖ ﺭﺍﺟﺢ ﻳﻨﺘﻀﺮﻧﻲ ﻭﺑﻴﺪﻩ ﺍﻟﻤﺎﻟﺞ . ﻭﺍﻟﻌﺮﺑﺎﻧﻪ ﻭﻃﺎﺳﻪ ﺍﻟﻌﻤﺎﻟﻪ ﺑﺒﻄﻨﻬﺎ ﻭﺍﻟﺠﻔﻮﻑ ﺑﺎﻭﻋﺘﻠﻪ ﻛﺎﻝ
ﺍﻟﻴﻮﻡ ﺍﻟﺠﻮﻑ ﺍﻟﻲ ﺍﻟﺒﺎﺭﺣﻪ ﺍﻧﺖ ﻟﺒﺴﺘﻬﻢ
ﺍﻱ ﺻﺢ ﺍﻟﻚ ﺩﻣﺸﻲ ﺍﻃﻠﻊ ﻛﺒﺎﻟﻲ ﺍﺫﺏ ﺍﻟﺒﺎﻳﺴﻜﻞ ﻭﺍﺭﺟﻌﻠﻚ
ﺍﻭﻙ
ﻟﺘﻮﻛﻒ ﻭﻱ . ﻫﺬﺍ ﺍﻟﻜﻼﻭﺟﻲ ﺍﻟﺴﺨﺘﺠﻲ . ﻭﺑﻌﺪﻳﻦ ﺗﺘﻤﺎﻟﺨﻮﻥ ﻭﺗﻠﻤﻮﻥ ﺍﻟﻌﺎﻟﻢ ﻭﺗﺼﻴﺮ ﺑﺎﻟﻤﻮﺍﻟﺞ
ﻻ ﺧﻠﻲ ﻳﻮﻟﻲ.بيج قصص عراقيه حقيقيه من واقعنا.روعه الطائي
ﺫﺑﻴﺖ ﺍﻟﺒﺎﻳﺴﻜﻞ ﻭﻟﺤﻜﺖ ﺍﺧﻮﻳﻪ ﻓﺮﻋﻨﺎ ﻣﻦ ﺍﻟﺼﺒﺢ ﺻﻮﺕ ﺍﻟﺠﻠﻒ ﺑﻲ ﻣﺎﻝ ﻃﺮﺍﻣﻲ ﻛﻠﻤﻦ ﻃﺮﻣﺘﻪ ﻫﻠﻜﺪﺍﺗﻬﺎ ﻭﺍﻟﻤﻲ ﻳﺠﺮﻱ ﻣﻦ ﺟﻮﻩ ﺑﻴﺒﺎﻥ ﺍﻟﺒﻴﻮﺕ ﺍﻟﺼﻐﻴﺮﻩ ﺑﻨﺺ ﺍﻟﺪﺭﺑﻮﻧﻪ ﺍﻟﻤﺠﺮﻱ ﻛﺎﺹ ﺍﻟﺸﺎﺭﻉ ﺑﺎﻟﻨﺺ ﻋﻠﻰ ﻃﻮﻟﻪ ﻭﺍﻟﻤﻲ ﻣﺨﺒﻮﻁ ﻗﺎﺻﺮ ﻋﻠﻰ ﺗﺎﻳﺖ ﻭﻋﻠﻰ ﻏﻔﻠﻪ ﺗﺠﻴﻚ ﺭﻭﺟﻪ ﺩﻫﻠﻪ ﺭﻳﺤﺘﻬﺎ ﺗﺬﺑﺢ
ﺍﻟﻄﺮﺷﻲ ﺧﺮﺑﺎﻥ ﻋﺪ ﺑﻴﺖ ﺍﺑﻮ ﻣﺤﻤﺪ ﺍﺑﻮ ﺍﻟﻄﺮﺷﻲ
ﻭﺻﻠﺖ ﺭﺍﺱ ﺍﻟﻔﺮﻉ ﻭﻛﻔﻨﺎ ﺑﺎﻟﻤﺴﻄﺮ ﺍﻗﻞ ﺍﻟﺮﺑﻊ ﺳﺎﻋﻪ ﻭﺍﺧﺬﻭﻧﺎ ﻟﺒﻴﺖ ﻧﺒﻨﻲ ﻭﺻﻌﺪﻧﺎ ﺑﺎﻟﺴﻴﺎﺭﻩ .
ﺷﺘﺎﺀ ﺳﻨﻪ ١٩٨٥ ﻫﺎﻳﻪ
ﻟﻲ ﻣﻦ ﺍﻟﻌﻤﺮ ٢٨ ﻋﺎﻡ
ﻏﻴﺮ ﻣﺘﺰﻭﺝ
ﻭﺍﺳﻜﻦ ﺑﻤﻨﻄﻘﻪ ﻣﻦ ﻣﻨﺎﻃﻖ ﺑﻐﺪﺍﺩ ﺍﻟﻔﻘﻴﺮﻩ
ﺳﻠﻤﺎﻥ . ﺭﻏﻢ ﺍﻧﻲ ﻟﻢ ﺍﺳﻠﻢ ﻣﻦ ﺣﻀﻲ ﺍﻟﻨﺤﺲ
ﺍﺭﻏﻤﺖ ﻋﻠﻰ ﺗﺮﻙ ﺩﺭﺍﺳﺘﻲ ﻻﻋﻴﻦ ﻭﺍﻟﺪﻱ ﺍﻟﻠﺬﻱ ﻳﻌﻤﻞ ﺑﺎﻋﻤﺎﻝ ﺍﻟﺰﺭﺍﻋﻪ ﻭﺍﻟﻔﻼﺣﻪ ﻭﺍﻟﺒﺴﺘﻨﻪ ﻓﻲ ﻣﻨﺎﻃﻖ ﺑﻐﺪﺍﺩ ﺫﺍﺕ ﺍﻟﻄﺎﺑﻊ ﺍﻟﺮﺍﻗﻲ
ﻳﺠﻮﻝ ﺑﺪﺭﺍﺟﺘﻪ . ﺷﻮﺍﺭﻋﻬﺎ ﺳﺎﻋﺎﺕ ﻛﻲ ﻳﺼﻞ ﻟﻮﺟﻬﺘﻪ ﻻﺟﻞ ﻟﻘﻤﻪ ﺍﻟﻌﻴﺶ ﻭﺍﻧﺎ ﺑﺪﻭﺭﻱ ﻣﻊ ﺍﺧﻮﺗﻲ ﻧﺴﺎﻋﺪﻩ
---
ﻣﺎﻓﺪ ﻳﻮﻡ ﺟﺮﺑﺖ ﺍﻟﺘﻜﺘﺒﻮﻥ ﻋﻨﻪ ﻟﻮ ﺍﻟﻠﻲ ﺍﺳﻤﻌﻪ ﻣﻦ ﺟﻤﺎﻋﺘﻲ ﻣﻦ ﻧﺒﻨﻲ ﻛﻠﻤﻦ ﻳﻐﺮﺩ ﻣﻦ ﺻﻔﺤﻪ ﻭﺍﻧﻲ ﻭﺭﺍﺟﺢ ﺻﺎﻓﻨﻴﻦ ﻧﻀﺤﻚ ﺍﻟﻠﻲ ﻳﻜﻮﻝ
ﻛﻤﺰﺗﻠﻬﺎ ﺍﻟﺒﺎﺭﺣﻪ ﺑﺎﻟﺴﻄﺢ
ﻭﺍﻟﻠﻲ ﻃﺎﻳﺮ ﺑﺨﻄﻮﺑﺘﻪ ﻭﺑﺲ ﻳﺘﺒﺴﻦ ﻭﻏﻴﺮﺗﻪ ﻣﺘﺴﻤﺤﻠﻪ ﻳﺤﺠﻲ
ﻭﺍﻟﻠﻲ ﺑﺲ ﻳﺘﺼﻔﻦ ﺑﻌﻼﺝ ﺍﻣﻪ ﻭﻟﻜﻤﻪ ﺟﻬﺎﻟﻪ ﺷﻮﻥ ﺣﻴﻮﻓﺮﻫﺎ
ﻛﻠﻤﻦ ﻳﺒﺠﻲ ﻋﻠﻰ ﻟﻴﻼﻩ
ﻣﺤﻤﺪ ﺍﺧﻮﻳﻪ
ﻣﺪﻟﻞ ﺍﻣﻲ ﻳﺘﻤﺮﺽ ﺍﻟﺼﺒﺢ ﻭﺍﻟﻀﻬﺮ ﻳﺼﻴﺮ ﻗﺮﺩ ﻋﻤﺮﻩ ١٥ ﺳﻨﻪ ﻭﺍﺭﺑﻊ ﺳﻨﻴﻦ ﺭﺍﺳﺐ ﺑﺎﻟﺨﺎﻣﺲ ﺗﺎﻟﻲ ﺑﻄﻠﻨﺎﻩ ﻳﺸﺘﻐﻞ ﻭﻳﺎﻧﺎ
ﺍﺣﺴﻦ
ﺑﺲ ﻟﻜﺎﻟﻬﺎ ﺧﻮﺵ ﺩﺭﺏ ﻳﻮﻣﻴﻪ ﻭﺻﺎﺡ ﻛﻠﺒﻲ ﺑﻄﻨﻲ ﺭﺟﻠﻲ ﻭﻳﺼﺮﺥ ﻭﺍﻣﻲ ﻣﺘﺘﺤﻤﻞ ﺣﺘﻰ ﺍﺑﻮﻳﻪ ﻳﺴﻜﺖ ﻣﻦ ﻳﻤﻪ ﻭﺍﺣﻨﺎ ﻋﺎﻳﻔﻴﻪ ﻋﻠﻰ ﺑﻌﺪﻩ ﺻﻐﻴﺮ ﺧﻠﻲ ﺑﺎﺟﺮ ﻳﻜﺒﺮ ﻭﻳﺠﺮ ﻋﺪﻝ
ﻛﻤﻠﻨﺎ ﺑﻨﺎﺀ ﺍﻟﺒﻴﺖ ﻭﻃﻠﻌﻨﺎ ﻛﻠﻤﻦ ﻟﺒﻴﺘﻪ ﺻﻌﺪﻧﺎ ﻧﻔﺮﺍﺕ ﻭﺭﺟﻌﻨﺎ ﻟﻤﻨﻄﻘﺘﻨﺎ ﺍﻳﺪﻱ ﻛﻠﻬﺎ ﺍﺳﻤﻨﺖ ﺍﻟﺒﺮﺩ ﻓﻄﺮ ﺟﻠﺪﻫﺎ ﻭﺗﺪﻣﺖ ﻭﺗﺤﺮﻙ ﺑﺲ ﺗﻌﻠﻤﻨﺎ ﻭﺻﻠﺖ ﻟﻠﺒﻴﺖ ﻭﻏﺴﻠﺘﻬﺎ ﻣﻲ ﺣﺎﺭ ﻭﺍﻣﻲ ﺗﻔﺮﻛﻬﺎ ﺗﻔﻄﺮﺕ ﻭﺍﻟﺪﻡ ﻳﺠﺮﻱ ﻭﺍﻧﻲ ﻛﻞ ﺍﻻﺣﺴﻪ ﺣﻜﻪ ﺩﻫﻨﺘﻬﺎ ﺍﻟﺤﺠﻴﻪ ﺩﻫﻦ ﺣﺮ ﻭﻣﻠﺢ . ﻭﺣﺎﺭﺕ ﺑﻴﻪ ﻳﻢ ﺍﻟﺼﻮﺑﻪ ﺩﻓﻴﺖ ﻭﺭﺟﻠﻲ ﺍﻟﻮﻛﻒ ﺑﻴﻬﺎ ﺍﻟﺪﻡ ﻣﺸﻪ ﻭﺗﺪﻓﻪ ﻳﻢ ﺍﻟﺠﻮﻟﻪ ﻛﻤﺖ ﺍﻏﻔﻲ ﻣﻦ ﺍﻟﺨﻤﺴﻪ ﺍﻟﻔﺠﺮ ﻟﻠﺨﻤﺴﻪ ﺍﻟﻌﺼﺮ ﺍﻏﻤﺾ ﻭﺍﻓﺘﺢ ﻭﺍﻣﻲ ﺗﺪﻫﻦ ﺍﻳﺪﻱ ﺍﻧﺘﻀﺮ ﺍﺧﻮﻳﻪ ﻳﻜﻤﻞ ﺳﺒﺢ ﺩﺍﻓﻮﺕ ﺗﻤﺪﺩﺕ ﻭﺻﺤﺖ
ﺭﺍﺟﺤﺤﺢ ﻟﺘﺨﻠﺺ ﺍﻟﻤﻲ ﺑﺎﻟﺠﺪﺭ ﻃﺎﻳﺢ ﺍﻟﺼﺒﻎ
ﺍﻳﻴﻴﻲ ﻓﻬﻤﻨﺎ
ﻳﻤﻪ ﺗﺎﺭﺳﺘﻪ ﺍﻟﺠﺪﺭ ﻟﻮ ﻧﺼﻪ
ﻻ ﻳﻤﻪ ﺗﺎﺭﺳﺘﻪ ﻭﺍﻻﻟﺒﺮﻳﻤﺰ ﻳﺸﺘﻐﻞ ﻋﻠﻰ ﻋﻴﻦ ﺍﻟﺼﻐﻴﺮﻩ ﻫﺴﻪ ﻳﻄﻠﻊ ﺍﺧﻮﻙ ﻭﺍﺳﺒﺢ ﺗﺪﻓﻲ ﺭﻭﺣﻚ
ﺧﻮﺵ ﻧﺰﻋﺖ ﻗﻤﻴﺼﻲ ﻣﻠﻴﺎﻥ ﺟﺺ ﺟﺴﻤﻲ ﺍﻛﻠﻨﻲ ﻭﻃﻠﻊ ﺭﺍﺟﺢ ﻭﻳﻔﺮﻙ ﺑﺮﺍﺳﻪ
ﻳﻤﻪ ﺭﺍﺡ ﺍﻟﺼﺒﻎ
ﺍﻱ ﻳﻮﻡ ﺭﺍﺡ ﺗﻌﺎﻝ ﺍﺩﻫﻦ ﺍﻳﺪﻙ
ﺭﺍﺟﺢ - ﺩﺻﺒﻴﻠﻲ ﺍﻭﻝ ﺍﻧﺨﺮﻃﺖ
ﺳﻠﻤﺎﻥ - ﻃﺒﻴﺖ ﺳﺒﺤﺖ ﺍﺣﺲ ﺭﻭﺣﻲ ﺣﻮﻛﻊ ﻣﻦ ﺩﻓﻮ ﺍﻟﻤﻲ ﻛﻤﻠﺖ ﻭﻃﻠﻌﺖ ﻋﺪﻝ ﻟﻔﺮﺍﺷﻲ ﻧﻤﺖ
ﻳﻤﻪ ﻣﻴﺼﻠﻠﻠﺢ ﺗﻨﺎﻡ ﻫﺴﻪ ﻛﻮﻡ ﻭﻛﺖ ﻭﺫﺍﻥ
ﻳﻤﻪ ﺩﺧﻠﻴﻨﻲ ﺣﺘﻰ ﺍﻟﻠﻪ ﻳﻌﺬﺭﻧﻲ ﻭﺭﻭﺡ ﺍﺑﻮﺝ
ﻻ ﻳﻮﻡ ﻣﺰﻳﻦ ﻭﺟﻬﻚ ﻳﺼﻴﺮ ﺍﺻﻔﺮ
ﻫﺴﻪ ﻋﻠﺴﺎﺱ ﻫﻮ ﺍﺣﻤﺮ ﻫﻮ ﻣﻄﻜﻊ ﻣﺎﻝ ﺷﻤﺲ،بيج قصص عراقيه حقيقيه من واقعنا.روعه الطائي
ﺷﺒﻲ ﺟﻨﻪ ﻭﺭﺩ ﻧﻮﺭ ﻣﺤﻤﺪ ﺑﻮﺟﻬﻚ ﻳﻮﻡ
ﺍﺑﺘﺴﻤﺖ ﻭﻛﻤﺖ ﺍﻏﻔﻲ ﺧﻠﻴﺖ ﺍﻳﺪﻱ ﺟﻮﻩ ﺧﺪﻱ ﻭﻏﻔﻴﺖ ﺣﺴﻴﺖ ﻋﻠﻰ ﺍﺑﻮﻳﻪ . ﻳﻨﺰﻝ ﺍﻟﻤﺴﻮﺍﻙ ﻣﻦ ﺳﻠﻪ ﺍﻟﺒﺎﻳﺴﻜﻞ ﻭﻳﺤﺠﻲ ﻻﻣﻲ ﻋﻠﻰ ﺍﺳﻌﺎﺭ ﺍﻟﻤﻮﺍﺩ ﺍﻟﻴﻮﻡ
ﻫﺎﻱ ﻟﻜﻴﺘﻪ ﻛﻮﺗﺮﻩ ﻛﺘﻠﻪ ﺟﻴﺐ ﺍﻟﺨﻤﺲ ﻛﻴﻠﻮﺍﺕ ﻋﻠﻰ ﻛﺬﺍ ﺳﻌﺮ
ﻭﺍﻧﻲ ﺗﻜﻮﻝ ﻳﺎ ﺯﻳﻦ ﺑﻼﺵ ﺍﻟﺤﻤﺪ ﻟﻠﻪ
ﻛﻤﻠﺖ ﻧﻮﻣﺘﻲ ﺍﻟﻐﺪﺍ ﺍﻻﻛﻠﻨﺎﻩ ﺑﻴﺖ ﺍﻟﺒﻴﺖ ﺍﻟﺒﻨﻴﻨﺎﻩ ﺟﺎﻥ ﻛﻠﺶ ﻃﻴﺐ ﻭﺍﻛﻠﺖ ﻫﻮﺍﻱ ﻛﻤﻠﺖ ﻧﻮﻣﺘﻲ ﺭﺟﻌﺖ ﺣﺴﻴﺖ ﻋﻠﻰ ﺍﻣﻲ ﺗﻄﻔﻲ ﺍﻟﺼﻮﺑﻪ ﻋﻼﺀ ﺍﻟﺪﻳﻦ ﻭﺗﻔﻮﺕ ﻟﻜﺒﺘﻬﺎ ﻛﻤﻠﺖ ﻟﻨﻮﻣﺘﻲ ﺑﺪﻓﻮ ﺍﻟﺒﻄﺎﻧﻴﻪ ﺭﻏﻢ ﺍﻧﻬﺎ ﺗﺠﻜﺠﻚ ﻣﺎﻝ ﺟﻴﺶ ﺑﺲ ﺧﺮﺏ ﻋﺮﺍﺿﻬﺎ ﺷﻜﺪ ﺗﺪﻓﻲ ﻏﻔﻴﺖ ﺑﺮﺍﺣﻪ ﻭﺍﺷﻮﻑ ﺭﻭﺣﻲ ﺑﻄﻴﻒ ﺍﺩﻓﻰ ﻣﻦ ﺑﻄﺎﻧﻴﺘﻲ
ﺑﻨﻴﻪ ﺗﺨﺒﻞ ﺳﻤﻴﺮﻩ ﻭﻣﺮﺑﺮﺑﻪ ﺗﻘﺮﺑﺖ ﻣﻨﻲ ﻋﻠﻰ ﻧﻮﻣﺘﻲ ﺗﺒﺘﺴﻢ ﻭﻧﺰﻟﺖ ﻛﺼﻴﺒﺘﻬﺎ ﺻﻔﺢ ﻛﺎﻟﺖ
ﺍﻧﺖ ﺳﻠﻤﺎﻥ
ﻭﺍﻧﻲ ﺳﺮﺳﺮﺣﺖ ﺭﺣﺖ ﺍﺿﺤﻚ ﻭﺍﻳﺪﻱ ﻋﻠﻰ ﻭﺿﻌﻬﺎ ﺟﻮﻩ ﺧﺪﻱ ﺍﻱ ﺍﻧﻲ
ﻭﺗﻠﻤﺴﺖ ﺧﺪﻱ ﺑﺪﻓﻮ ﺍﻱ ﻫﺎ ﻏﻤﻀﺖ ﻭﻓﺰﻳﺖ ﻋﻠﻰ ﺻﻮﺕ ﺍﺑﻮﻳﻪ
ﺳﻠﻤﺎﻥ
ﻓﺰﻳﺖ ﺍﻛﻤﺰ ﻣﻦ ﻓﺮﺍﺷﻲ ﻭﺍﺩﻭﺭ ﺩﺍﻳﺮ ﻣﺪﺍﻳﺮﻱ ﺍﺣﺲ ﺍﻟﺒﻨﻴﻪ ﻣﻮﺟﻮﺩﻩ ﻭﺍﺑﻮﻳﻪ ﺣﻴﺸﻮﻓﻬﺎ ﻣﻠﻜﻴﺖ ﻏﻴﺮ ﺍﺑﻮﻳﻪ ﻋﺎﻛﺪ ﺍﻟﺤﺎﺟﺐ ﻳﺒﺎﻭﻋﻠﻲ ﻭﻳﻠﻒ ﺣﺰﺍﻡ ﺍﻟﻔﺘﻖ ﻋﻠﻰ ﺧﺼﺮﻩ
ﺷﺒﻴﻚ ﺑﻮﻳﻪ ﺧﻴﺮﻙ ﺣﻠﻤﺎﻥ ﺷﻨﻮ
ﻫﺎ ﻻﻻ ﻫﻪ ﻻﻻ ﺑﻮﻳﻪ ﺷﻨﻮ ﺑﻴﺶ ﺳﺎﻋﻪ
ﺏ٣ ﻳﺎﺑﻪ ﻧﺎﻡ ﺑﻌﺪ ﻭﻛﺖ ﺩﺍﺻﻠﻲ ﻧﺎﻓﻠﻪ ﺍﻟﻠﻴﻞ
ﻫﺎ ﺯﻳﻦ ﺯﻳﻦ ﻭﺭﺟﻌﺖ ﺗﻤﺪﺩﺕ ﺍﻳﺪﻱ ﻋﻠﻰ ﻛﻠﺒﻲ ﻳﺪﻙ ﺑﺴﺮﻋﻪ ﺑﺴﺮﻋﻪ ﻏﻤﻀﺖ ﻭﻣﻼﻣﺤﻬﺎ ﺍﻧﺤﻔﺮﺕ ﺍﺑﺘﺴﻤﺖ ﻭﺭﺍﺡ ﻛﻠﺒﻲ ﺍﻟﺘﻔﺘﺖ ﻧﻄﻴﺖ ﺿﻬﺮﻱ ﻻﺑﻮﻳﻪ ﺻﺎﺭ ﺑﻮﺟﻬﻲ ﺭﺍﺟﺢ ﻓﺎﻙ ﺣﻠﻜﻪ ﻭﻧﺎﻳﻢ ﻓﺘﺤﺎﺕ ﺧﺸﻤﻪ ﺗﻨﻔﺘﺢ ﻭﺗﻨﺴﺪ ﻣﻦ ﻳﺘﻨﻔﺲ ﻏﻤﻀﺖ ﻣﺎﺭﻳﺪ ﺻﻮﺭﺗﻬﺎ ﺗﺮﻭﺡ ﻣﻦ ﺭﺍﺳﻲ
ﻣﻜﺪﺭﺕ ﺍﻧﺎﻡ ﺑﻴﻮﻣﻬﺎ ﺑﻌﺪ --------
ﻳﺘﺒﻊ.....