منطقة _13

ب٤

منطقه13

بارت٤

ملاحضه.
اعزائي المتابعين.
هالقصه. +١٨ ومو اقصد بيها. لقطات مخله وبس هالقصه من قلب الشارع. من بين اولاد الشوارع والفاضهم. من بين ازقه الشاورع المنحرفه.

من قررت اكتبها
لاقررت انكم تحبون ابطالها ولاقررت تكرهوهم
هالقصه مختلفه. جدا بس بيها عبره. حلوه.

اتمنى منكم كل ام تراقب بنتها تحت ال١٨ متقراها وماريد اي وحده منكم فد يوم تكول

كلام. تخصني بي الي ككاتبه هاويه وانه اني الفاضي موحلوه لان حبيت اوصل القصه. لخيالكم.  وتكونون   عيون. بازقه هاي الشوارع. وتعيشون وياهم بخيالكم

عالم وكانما خلق لجهنم
والهدايه من الله
يهدي من يشاء بغير حساب

دمتم سالمين

—

سلمان
يزهره الرمان. زهر خريفي
بنص يابس وتعبان. دفه رجيفي

رجعت للبيت مستبشر الولد يباوعولي ويتبشبشون بينهم.  حجيت وي امي وابويه كاعد  يلعب بشاربه يباؤع بطرف عينه حجايه محجه كال من كملت حجي
شوكت تكمل بيت اخو الصايغ

سبوع حجي ونسلمه

زين حتى تبلش تبني الغرفه  اللي بالسطح. ابتسمت  وهزيت راسي موافق   صعدت اخطط وراجح ورايه صعد سويها هيج وسويها هيج واني اخذ افكار بفرح. كلبي  معرس

كملت ونزلنا احجي واني تباوعلي تضحك يمكن البيت كله حس على راحتي وملامحي اللي صغرت عشر سنين

سبوع مر واني وكفت حياطين  الغرفه بيومين. حتى بلكون سويت بيها.  بوكتها مجان اكو بلكون  بدرابين  منطقتنا. راجح. كام يحوص
يمه واني شوكت
اصبر خل نزوج اخوك الجبير يمه
وسكت متت قهر تمنيت ازوجه ويايه تمنيت يفرح فرحتي. بس الله يسهل بعد وامي مكيفه كلسا وكالت
ليوين شعرها واصل ومحمد ينط
يمه لهنا وياشر واني اكومله اموته ضرب وهو يضحك 
كملت الغرفه والكعده صارت بيت خوالها وامي تمشي وتهلهل واني كلبي وي صوت الهلاهل يدك سريع. سبوع وكطعنا المهر ولبستها اني كردانه. ومعضد نازك كالت
همه حيل فقره حتى بيت خالها  وكلسا كلولها شتردين بعد حتكعدين نص بغداد
بيت خالها باطراف بغداد منطقه شبه  معدومه كم بيت بيها وبساتين

راجح من رجعنا من الملجه. ضل يحجي على اختها فاير دمه سمعته تخبلت جنت اسبح

يمه شنو هاي اختها ساقطه والله
اش ميصير يمه تجيب طاري بنيه
يمه كتلت روحها مدري شون تباوع كلسا وطالعه وخالها عايط بيها فوتي
ياا تطلع  بره
ايي توخر البرده والشارع مليان ولد خوالي وعماتي وعمي
يا عزه
محمد- اصلا هي من جننا نبني مو راحه مو مثل مرت سلكان ذيج رزنه ووكحه هيله اليباوعله تخزره توكع عيونه بالكع الا هاي تمشي وتتمضحك
شعلينا يمه