منطقة _13

ب١١

#منطقه__13

مريم السعدي

ﺑﺒﺎﻟﻲ . ﺍﺗﺬﻛﺮ ﺟﻨﺖ ﻣﻦ ﺍﺳﺎﻝ ﻋﻦ ﺧﺎﻟﺘﻲ ﺍﻣﻲ ﺗﻜﻮﻟﻲ ﺟﺎﻧﺖ ﺗﺠﻲ ﻭﺗﺠﻴﺒﻠﻲ . ﻫﺪﺍﻳﺎ ﺑﺲ ﺍﺑﻮﺝ ﻛﻄﻊ ﺭﺟﻠﻬﺎ ﻫﻲ . ﺗﺨﺘﻠﻒ ﻋﻨﻨﺎ ﺍﻟﻠﻪ ﻳﻬﺪﻳﻬﺎ ﺑﻌﺪ . ﺍﻧﻲ ﺍﻟﻌﻠﻴﻪ ﻧﺼﺤﺖ
ﺟﻨﺖ ﺍﺻﻔﻦ ﻭﻳﻦ ﻏﻠﻄﻬﺎ . ﺍﺧﺘﻬﺎ ﻣﺎﺗﺖ ﻭﻫﻲ ﻣﺘﺪﺭﻱ ﺑﻴﻬﺎ ﺍﺧﺘﻬﺎ ﺍﻟﻮﺣﻴﺪﻩ
ﺑﺎﻟﻌﻴﺪ ﺍﻟﺠﺒﻴﺮ ﻫﺎﻟﻌﻴﺪ ﺣﻴﻞ ﺛﻜﻴﻞ ﺟﺎﻥ ﻣﺘﻌﺒﺒﺐ ﺣﻴﻞ ﻣﺘﻌﺐ ﺑﺪﻭﻥ ﺍﻣﻲ ﺍﻭﻝ ﻧﻮﺑﻪ ﺑﺪﻭﻥ ﺻﺒﺎﺣﻴﺘﻬﺎ ﻭﺿﺤﻜﺘﻬﺎ ﻭﺿﺤﻜﺖ ﺍﺑﻮﻳﻪ ﺍﻧﺎﻗﺘﻨﺎ ﻭﺗﺮﺗﻴﺒﻨﺎ ﻭﺍﻻﻛﻞ ﺍﻟﻤﻤﻴﺰ ﺍﻟﻤﺤﻀﺮﺗﻪ ﻗﺒﻞ ﺑﻴﻮﻡ ﺑﺎﻗﻲ ﺑﺲ ﺗﻄﺒﺨﻪ . ﺍﻟﺼﺒﺢ .
ﺣﺴﻴﺖ ﺑﺮﻭﺣﻲ ﺍﻟﺼﺒﺢ . ﻛﻌﺪﺕ ﺳﺒﺤﺖ ﻭﻟﺒﺴﺖ ﺑﺠﺎﻣﻪ ﺍﻟﻌﻴﺪ ﺍﻟﻠﻲ ﺷﺘﺮﻳﺘﻬﺎ ﻭﻱ ﺍﺑﻮﻳﻪ ﻣﻦ ﻃﻠﻌﺖ ﻣﺤﺴﺒﺖ ﺑﻔﺮﺣﻪ ﺍﺑﺪ
ﻻﺍﻛﻮ ﻭﺣﺪﻩ ﺗﻜﻮﻟﻲ
ﻫﺎﻱ ﺷﻄﺎﻟﻌﻪ . ﻣﻔﺼﻠﻪ ﺗﻔﺼﺎﻝ ﻋﻠﻴﺞ .
ﻭﻻﺍﻛﻮ ﻭﺣﺪﻩ ﺗﻌﺪﻝ . ﺍﻟﻤﺨﻴﻄﺘﻪ ﺑﺪﻳﻬﺎ
ﺗﺮﺣﻤﺘﻠﻬﺎ ﻭﺍﺭﺩﺩ ﻛﻔﻴﺘﻲ ﻭﻭﻓﻴﺘﻲ
ﻃﻠﻌﺖ ﺍﻧﺸﻒ ﺑﺸﻌﺮﻱ ﻟﻜﻴﺖ ﺍﺑﻮﻳﻪ ﻛﺎﻋﺪ ﺑﺎﻟﺤﻮﺵ ﺻﺎﻓﻦ . ﺑﻐﻴﺮ . ﻣﻠﻜﻮﺕ ﺗﻘﺮﺑﺖ ﻣﻨﻪ ﺑﺴﺘﻪ ﻣﻦ ﺭﺍﺳﻪ
ﺍﻳﺎﻣﻚ ﺳﻌﻴﺪﻩ ﻳﺎﺑﻪ ﺍﻟﻠﻪ ﻳﺪﻳﻤﻚ ﻓﻮﻙ ﺭﺍﺳﻨﺎ
ﺑﺎﻭﻋﻠﻲ ﺍﺑﺘﺴﻢ ﻫﻤﺲ
ﻛﻮﻥ ﺍﺷﻮﻓﺞ ﺍﺣﺴﻦ ﻧﺎﺱ ﻭﻣﺮﺗﺎﺣﻪ . ﻳﺎﺑﻪ
ﻭﻣﺪ ﺍﻳﺪﻩ ﻋﻠﻰ ﺟﻴﺒﻪ ﻃﺎﻧﻲ ﻋﻴﺪﻳﺘﻲ
ﻛﻠﺸﻲ ﺑﻲ ﻏﺼﻪ . ﺗﺪﻣﻊ ﻋﻴﻮﻧﻪ ﻭﻱ ﺩﻣﻌﺘﻲ
ﺣﺎﻧﺖ ﺍﻣﻲ ﺗﻜﻮﻟﻪ ﻭﺍﻧﻲ
ﻳﻜﻮﻟﻬﺎ ﻣﻮ ﻃﻴﺘﺞ ﺍﻟﺒﺎﺭﺣﻪ ﺑﻠﻴﻞ ﻋﻴﺪﻳﺘﺞ
ﻭﻫﻲ ﺗﻀﺤﻚ ﻭﺗﻨﺼﻲ ﺑﺨﺠﻞ
ﻣﺠﻨﺖ ﺍﻓﻬﻢ ﺍﻟﺪﻳﺪﻭﺭ ﺑﻴﻨﻬﻢ ﺑﺲ ﺍﺻﻔﻦ ﻣﻌﻘﻮﻟﻪ ﺍﻣﻲ ﻃﻤﺎﻋﻪ ﺗﺮﻳﺪ ﻋﻴﺪﻳﺘﻴﻦ
ﺑﻴﻮﻣﻬﺎ ﺍﻟﺼﺒﺢ ﻋﻤﻲ ﺭﺍﺟﺢ ﺧﺎﺑﺮ ﻛﺎﻝ ﺭﻳﻮﻛﻜﻢ ﻋﺪﻱ ﻋﻠﻰ ﺭﻭﺡ ﺟﺪﻭ ﻣﺴﻮﻱ
ﻭﺭﺣﻨﺎ ﺗﺮﻳﻜﻨﺎ ﻭﺷﻮﻱ ﺳﻮﻟﻔﺖ ﻭﻱ ﺭﻗﻴﻪ ﺭﻏﻢ ﻋﺪﻫﺎ ﺧﺒﺎﺛﻪ ﺑﺲ ﺷﺴﻮﻱ ﻣﺎﻋﺪﻱ ﻏﻴﺮﻫﺎ . ﺍﻟﻌﺐ ﻭﻳﺎﻫﺎ ﻭﺍﺣﺎﺟﻴﻬﺎ ﺭﻏﻢ ﺟﻨﺖ ﻣﺘﺤﻔﻀﻪ . ﻣﺎﺍﺣﺠﻲ ﻛﻠﺸﻲ
ﺗﻮﻧﺎ ﻛﺎﻳﻤﻴﻦ ﻣﻦ ﺍﻟﺴﻔﺮﻩ ﻭﺍﻧﺪﻛﺖ ﺍﻟﺒﺎﺏ
ﻃﻠﻊ ﻗﺎﺳﻢ ﺍﺑﻦ ﻋﻤﻲ ﻳﺸﻮﻑ ﻣﻨﻮ ﻭﺭﺟﻊ ﻃﺐ ﺑﺎﻭﻉ ﻟﺒﻮﻳﻪ ﻛﺎﻝ
ﻋﻤﻲ ﻫﺎﻱ ﻭﺣﺪﻩ ﺗﻜﻮﻝ ﺍﻡ ﺍﺣﻤﺪ ﻣﻮﺣﻮﺩﻩ
ﺍﺑﻮﻳﻪ ﻓﺰ ﻭﻭﻛﻊ ﺍﺳﺘﻜﺎﻧﻪ ﺑﺤﻀﻨﻪ ﻭﻧﻔﺾ ﺭﻭﺣﻪ ﺑﻤﺠﺮﺩ ﺍﻥ ﺳﻤﻊ ﺍﺳﻢ ﺍﻣﻲ ﻭﻛﻤﺖ ﻭﻳﺎﻩ ﺍﻋﺪﻝ ﺑﺤﺠﺎﺑﻲ ﻗﺎﺳﻢ ﺍﺷﺮﻟﻲ ﺑﺨﺰﺭﻩ
ﻛﻌﺪﻱ ﺍﻧﺘﻲ ﻭﻳﺎﻫﺎ ﺷﺎﺏ
ﻛﻌﺪﺕ ﻭﻧﺼﻴﺖ ﺭﺍﺳﻲ ﺭﻏﻢ ﻫﺎﻟﺸﻲ ﺑﺲ ﺍﺭﻳﺪ ﺍﻣﻠﺨﻪ . ﺑﺲ ﻓﺮﺽ ﻋﻠﻴﻪ ﺍﻻﺣﺘﺮﺍﻡ
ﺭﺟﻊ ﺍﺑﻮﻳﻪ ﻃﻠﻊ ﻭﻱ ﻗﺎﺳﻢ ﻭﻋﻤﻲ ﻭﺍﺳﻤﻊ ﺍﻟﺼﻴﺎﺡ ﻭﺍﻟﻴﺒﻮ
ﻭﺍﺑﻮﻳﻪ ﻳﺼﻴﺢ ﺭﻭﺣﻲ ﻛﺎﻓﻲ ﺭﻭﺣﻲ
ﻃﻠﻌﺖ ﻣﻬﺘﻤﻴﺖ ﻭﻛﻔﺖ ﻭﺭﻩ ﺍﻟﺒﺎﺏ ﻭﺧﺎﻟﻪ ﻣﺮﻭﻩ ﻫﻢ ﻃﻠﻌﺖ ﻣﺪﻳﺖ ﺭﺍﺳﻲ ﺍﺷﻮﻑ ﻣﺮﻩ ﺳﻤﻴﻨﻪ ﻣﺨﺸﻠﻪ ﺑﺎﻟﺬﻫﺐ . ﺗﺘﻌﺎﺭﻙ ﻭﻱ ﺍﺑﻮﻳﻪ . ﻭﺍﻟﺴﻴﺎﺭﻩ ﺍﻟﺠﺎﻳﻪ ﺑﻴﻬﺎ ﺑﻴﻜﺐ ﻧﻴﺴﺎﻥ ﻣﻜﺎﺟﺘﻮﺏ ﻋﻠﻴﻬﺎ ﺑﺎﻻﻧﻜﻠﻴﺰﻱ
ﺍﺑﻮﻳﻪ ﻳﺼﻴﺢ ﺭﻭﺣﻲ ﺑﺲ
ﻭﻫﻲ ﺗﻌﺪ ﻭﺗﺼﻒ
ﻣﻮﺗﺘﻬﺎ ﺗﺎﻟﻲ ﻛﻮﻥ ﻋﺴﺎﻫﺎ ﺑﻌﺎﻓﻴﺘﻚ ﺍﺧﺘﻲ ﺭﺍﺣﺖ ﺳﻨﻴﻦ ﺣﺎﺭﻣﻨﻲ ﺍﻛﻮﻝ ﺑﻠﻜﻦ ﻳﺤﻦ ﻛﻠﺒﻪ ﻭﻳﺨﻠﻴﻨﻲ ﺍﺷﻮﻓﻬﺎ ﻛﻠﻤﺎ ﺍﺟﻲ ﻳﻜﻠﻮﻟﻲ ﺷﺎﻟﻮ ﻭﻣﺮﺟﻌﻮ ﺗﺎﻟﻲ ﺗﻄﻠﻊ ﻣﻴﺘﻪ ﺣﺮﻛﺘﻨﻲ ﻣﻨﻬﺎﺍﺍ ﻣﻦ ﺍﻟﻠﻪ ﻻﻳﻨﻄﻴﻚ ﻛﻮﻥ ﺗﻠﺤﻜﻬﺎ
ﺻﻔﻨﺖ ﻋﻠﻴﻬﺎ ﺷﻨﻮ ﺗﺪﻋﻲ ﻋﻠﻰ ﺍﺑﻮﻳﻪ
ﺻﺮﺕ ﻧﺎﺭ ﺍﺑﺮﻳﻪ ﻧﺼﻪ ﺭﺍﺳﻪ ﺍﻳﺪﻩ ﺗﺮﺟﻒ ﻭﻗﺎﺳﻢ ﻧﺘﺮ ﺑﺎﻟﺴﻠﻴﻖ
ﺍﻃﻄﻄﻠﻊ ﺍﺧﺬﻫﺎ ﻭﺭﻭﺡ ﻳﻠﻠﻠﻪ
ﻭﻧﺰﻝ ﺍﻟﺴﺎﻳﻖ ﺿﺨﻢ ﻭﻳﻤﺸﻲ ﺑﻬﺪﺍﻭﻩ . ﺍﻓﺘﺮ ﺑﻜﻞ ﺛﻜﻞ ﺷﻜﻠﻪ ﻳﺨﻮﻑ ﻻﻑ ﻋﺼﺒﻪ . ﻳﺸﻤﺎﻍ ﻋﻠﻰ ﺭﺍﺳﻪ ﻭﺗﻴﺸﺮﺕ ﺍﺑﻴﺾ ﻭﺑﻨﻄﺮﻭﻥ ﻛﺎﺑﻮﻱ
ﺍﻓﺘﺮ ﻟﺰﻡ ﻗﺎﺳﻢ ﻗﺎﺳﻢ ﻓﺶ ﻣﻦ ﺍﻟﺨﻮﻑ ﻫﻮ ﺑﺲ ﻫﻮﺳﻪ ﻟﺰﻣﻪ ﻣﻦ ﻛﺘﻔﻲ ﺷﺎﻟﻪ ﺑﺘﻚ ﺍﻳﺪ
ﺍﻳﺪﺩﺩﻙ ﺷﻴﻠﻬﺎﺍ ﻣﻦ ﺍﻟﺴﻴﺎﺭﻩ ﻻ ﺍﺩﻭﺳﻚ ﺑﻴﻬﺎ ﻳﻠﻬﻬﻬﻪ
ﻭﺷﻤﺮﻩ ﺩﻓﻌﻪ ﺑﻘﻮﻩ ﻗﺎﺳﻢ . ﻛﻠﺸﻲ ﻣﺤﺠﻪ ﺑﺲ ﻳﺒﺎﻭﻉ ﻻﺑﻮ ﻭﺳﻜﺖ
ﻋﺮﻓﺖ ﻫﺎﻱ ﺧﺎﻟﺘﻲ ﺻﻌﺪﺕ ﻟﻠﺴﻴﺎﺭﻩ ﺍﻟﻌﺎﻟﻢ ﺍﻟﺘﻤﺖ ﻟﻤﺤﺘﻨﻲ ﻭﺻﻔﻨﺖ ﻣﺒﺮﻃﻤﻪ . ﻫﻤﺴﺖ
ﻫﺎﻱ ﺑﺘﻬﺎ ﻣﻮ ﺍﻱ ﺑﻨﺘﻬﺎ ﺗﺸﺒﻬﺎﺍ . ﻭﻏﻄﺖ ﻭﺟﻬﻬﻪ ﺑﺎﻟﻌﺒﺎﻳﻪ ﺑﺠﺖ ﻭﻃﻠﻌﺖ ﺍﻟﺴﻴﺎﺭﻩ ﺑﺎﻗﺼﻰ ﺳﺮﻋﺘﻬﺎ ﻣﺸﺤﻮﻃﻪ ﻭﺍﻟﻌﺎﻟﻢ ﻛﻠﻤﻦ ﺭﺍﺡ ﻟﺪﺭﺑﻪ ﻭﺍﺑﺮﻳﻪ ﻓﺎﺕ ﻟﻠﻄﺮﻣﻪ ﻭﻛﻌﺪ ﻳﻢ ﺍﻟﻤﺎﻃﻮﺭ ﻭﻋﻤﻲ ﺭﺍﺟﺢ . ﻋﻠﻰ ﺭﺍﺳﻪ
ﺍﻫﺪﺍ ﺍﺑﻮ ﺍﺣﻤﺪ
ﺭﺟﻔﺘﻨﻲ ﻣﺸﻌﻮﻟﻪ ﺍﻟﻮﺍﻟﺪﻳﻦ .
ﻣﻴﺨﺎﻟﻒ ﺧﻮﻳﻪ .
ﻫﻲ ﻫﺎﻱ ﻫﻢ ﺍﺧﺖ . ﻓﻬﻤﻨﻲ ﺍﻧﻲ ﺑﻴﺪﻱ ﻗﺎﺑﻞ ﺣﺮﻛﺘﻬﺎ ﻣﻨﻬﺎ ﻏﻴﺮ ﺍﺧﺎﻑ ﻋﻠﻴﻬﺎ .
ﻣﻴﺨﺎﻟﻒ
ﻣﻠﻴﻜﻪ - ﺑﻘﻴﺖ ﺻﺎﻓﻨﻪ ﻋﻠﻴﻬﻢ ﻭﺍﺭﺟﻒ ﻭﺑﺒﺎﻟﻲ ﺿﻠﺖ . ﻋﺒﺮﺗﻬﺎ ﻭﺷﻜﻞ ﺍﻟﻮﻟﺪ ﻭﺳﻼﺣﻪ ﺍﻟﺼﻔﺢ
ﻫﺎﻟﻔﺘﺮﻩ ﻣﺮﺕ ﻗﺎﺗﻞ ﻭﻣﻘﺘﻮﻝ ﺍﻧﻔﺠﺎﺭﺍﺕ ﺭﻛﻊ . ﻭﻣﻮﺕ ﺑﻼﺵ . ﺍﻟﻜﻴﻠﻮ
ﻫﻮﺍﻱ ﺗﻘﺘﻠﻮ . ﻫﻮﺍﻱ ﺍﻧﺴﺒﻮ ﻭﺍﻻﻣﺮﻳﻜﺎﻥ ﺑﻄﺒﺘﻬﻢ . ﻃﻠﻌﺖ ﻫﻮﺍﻱ . ﻭﻳﺎﻫﻢ ﻋﺼﺎﺑﺎﺕ ﻣﺘﻌﺮﻑ ﺍﻟﺰﻳﻦ ﻣﻦ ﺍﻟﻤﺰﻳﻦ ﻛﻠﻬﺎ ﺗﺨﺎﻑ ﻛﻠﻬﺎ ﻣﻠﺠﻮﻣﻪ
ﻓﺘﺮﻩ ﻣﺮﺕ . ﻭﺍﺑﻮﻳﻪ ﻣﺎﻛﻄﻊ . ﺳﻮﺍﻟﻔﻪ ﻭﺭﺩﻭﺩﻩ ﻋﻦ ﺍﺳﺎﻟﺘﻲ .
ﺟﻨﺖ ﺍﻡ ﺍﻟﻪ
ﻭﻟﺒﺒﻴﺘﻲ
ﺑﺪﻩ ﺍﻟﺪﻭﺍﻡ ﻭﺑﺪﻩ ﺍﻟﺜﺎﻧﻲ ﻣﺘﻮﺳﻂ . ﺟﻨﺖ ﺍﺷﻮﻑ ﺻﻌﻮﺑﻪ ﺑﺲ ﻣﺪﺭﺳﺎﺗﻲ ﺣﺒﺎﺑﺎﺕ ﻳﻔﻬﻤﻮﻧﻲ ﻟﻤﻦ ﻣﺎﺍﻓﻬﻢ . ﻋﺮﻓﻮ ﺑﻴﻪ ﻳﺘﻴﻤﻪ .
ﺭﻗﻴﻪ ﺑﺖ ﻋﻤﻲ ﻭﻳﺎﻳﻪ . ﺑﺎﻟﺪﻭﺍﻡ . ﻳﻌﻨﻲ ﻻﺗﺪﻛﺮ ﺑﻴﻪ ﻭﻻﺍﺗﺪﻛﺮ ﺑﻴﻬﺎ . ﻛﻠﻤﻦ ﺑﺤﺎﻟﻪ
ﺍﻳﺎﻡ ﻣﺮﺕ . ﻭﺍﺧﻮﻳﻪ ﺭﺟﻊ . ﻭﻳﺪﺍﻭﻡ ﻫﻢ ﻭﻳﺎﻳﻪ ﻳﻮﺻﻠﻨﻲ ﻭﻳﺮﻭﺡ ﻟﻤﺪﺭﺳﺘﻪ .
ﺟﺎﻥ ﺣﻴﻞ ﺷﺎﻃﺮ . ﺷﻌﻠﻪ ﻣﺎﻝ ﻧﺎﺭ . ﻋﻜﺲ ﻭﻟﺪ ﻋﻤﻲ . ﺍﻟﻲ ﻳﻮﺻﻠﻮﻥ ﺗﺪﻓﻊ . ﻛﻢ ﻣﺮﻩ ﻭﻣﺮﻩ . ﺗﻼﺷﻮ ﻭﻳﺎﻩ ﻭﻫﻮ ﺭﺯﻥ ﻫﺎﺩﻱﺀ ﻳﺴﻜﺖ ﻭﻳﻐﻠﺲ ﺍﺻﺪﻗﺎﺀﻩ ﻳﻜﻮﻟﻮﻟﻪ ﻟﻴﺶ ﺗﻌﺎﺭﻙ ﻭﻳﺎﻫﻢ ﻟﺘﻨﻄﻴﻬﻢ ﻣﺠﺎﻝ ﻣﻴﻘﺒﻠﻠﻠﻬﻢ . ﻳﻜﻮﻟﻬﻢ ﺷﻌﻠﻴﻜﻢ ﻭﻟﺪ ﻋﻤﻲ ﺫﻭﻟﻲ
ﻭﻳﺴﻜﺘﻬﻢ
ﻭﺧﻠﺼﻨﺎ ﻧﺺ ﺍﻟﺴﻨﻪ . ﻭﺍﻣﺘﺤﺎﻧﺎﺗﻬﺎ ﻭﺭﺟﻊ ﺍﺧﻮﻳﻪ ﺳﺎﻓﺮ . ﻫﺎﻟﻤﺮﻩ ﻣﻦ ﻃﻠﻊ . ﺭﻭﺣﻲ ﻃﻠﻌﺖ ﻭﻳﺎﻩ . ﻭﺣﺘﻰ ﺍﺑﻮﻳﻪ ﺿﻞ ﻋﻴﻨﻪ ﻋﺎﻟﺪﺭﺏ ﻭﻳﻮﺻﻲ ﻭﻫﻮ ﻳﻬﻤﺲ ﺻﺎﺭ ﺣﺠﻲ
ﺍﻭﻝ ﻳﻮﻡ ﻟﻠﻌﻄﻠﻪ ﺍﻟﺮﺑﻴﻌﻴﻪ . ﺑﻠﺶ ﻣﺘﺼﻮﺭﺕ ﺭﻭﺣﻲ ﻫﻴﺞ ﺭﺍﺡ ﺍﻋﺸﻖ ﺍﺑﻮﻳﻪ . ﺗﻌﻠﻘﺖ ﺑﻲ ﻭﺻﻠﺖ ﺣﺪ ﻛﻠﻤﺎ ﺍﺷﻮﻓﻪ ﺻﺎﻓﻦ ﺍﺣﻀﻨﻪ . ﻭﻳﺒﺘﺴﻢ .
ﻭﺑﻠﻴﻠﻪ . ﻣﻦ ﺍﻟﻠﻴﺎﻟﻲ ﻣﻠﺘﻤﻴﻦ . ﺑﻐﺮﻓﻪ ﺑﻴﺒﻲ . ﻫﻲ ﻋﺎﻟﺠﺮﺑﺎﻳﻪ ﻭﺍﻧﻲ ﺑﺎﻟﻜﻊ ﻭﺍﺑﻮﻳﻪ ﻋﺎﻟﻜﺮﻭﻳﺖ ﺩﻳﺴﻮﻟﻒ ﺍﻟﻨﺎ ﻭﺳﻜﺖ . ﺑﺎﻭﻋﺘﻠﻪ .
ﺻﺎﻓﻦ ﻋﺎﻟﺴﻤﺎ ﻣﺒﺘﺴﻢ
ﻳﺎﺑﻪ
ﻫﺎ ﻳﺎﺑﻪ
ﻳﺎﺑﻪ ﻏﻨﻴﻠﻨﺎ
ﻫﺎ ﻫﻬﻪ ﺳﻤﻌﺘﻲ ﻋﻠﻮﻳﻪ ﻫﻬﻪ ﺗﺮﻳﺪ ﺍﻏﻨﻴﻠﻬﺎ ﺑﺎﻭﻉ ﻟﺒﻴﺒﻴﺘﻲ . ﺑﻴﺒﻴﺘﻲ ﺭﺩﺕ . ﻏﻨﻴﻠﻬﺎ ﺷﺮﺍﻳﺪﻩ ﺍﻟﺒﻨﻴﻪ .
ﻭﺿﺤﻚ ﺍﺑﻮﻳﻪ ﺳﻜﺖ ﺷﻮﻱ ﻭﻏﻨﻪ
ﻣﺮﻳﻨﺎ ﺑﻴﻜﻢ ﺣﻤﺪ ﻭﺍﺣﻨﺎ ﺑﻘﻄﺎﺭ ﺍﻟﻠﻴﻞ ﻭﺳﻤﻌﻨﺎ ﺩﻙ ﻛﻬﻮﻩ ﻭﺷﻤﻴﻨﺎ ﺭﻳﺤﻪ ﻫﻴﻞ
ﺟﺎﻥ ﻳﻐﻨﻲ ﻣﻦ ﻛﻠﺒﻪ ﺗﻄﻠﻊ . ﻭﻳﺘﻨﻬﺪ ﻏﻔﻴﺖ . ﻣﻦ ﺳﻜﺖ .
ﻋﺸﺮ ﺍﻳﺎﻡ ﻣﻦ ﺍﻟﻌﻄﻠﻪ ﻣﺮﺕ ﻭﺟﺎﻧﻪ ﺗﻠﻔﻮﻥ ﺑﻠﻴﻞ . ﺑﻴﻮﻣﻬﺎ ﺗﻤﻨﻴﺖ ﻣﺎﻋﺪﻧﺎ ﺧﻂ
ﻭﻛﻤﺰ ﺍﺑﻮﻳﻪ ﻳﺮﺩ
ﺍﻟﻮ -- ﺗﻔﻀﻞ -- ﺍﻱ ﺑﻠﻲ ﺍﻧﻲ ﺍﺑﻮ ﻣﻦ ﺣﻀﺮﺗﻚ
ﻣﻦ ﺍﺑﺎﻭﻉ ﻻﺑﺮﻳﻪ ﺍﻟﻮﺟﻪ ﺍﻧﺨﻄﻒ ﻭﺍﻟﺤﻠﻚ ﻓﺘﺤﻪ ﻭﻋﻴﻮﻧﻪ ﻟﻴﻔﻮﻙ ﺻﺎﻓﻦ ﺳﺪﻩ ﻭﻛﻌﺪ ﺑﺎﻟﻜﻊ ﺍﻳﺪﻩ ﻋﻠﻰ ﺭﺍﺳﻪ ﺍﺧﺎﻑ ﺣﺘﻰ ﺍﺳﺎﻟﻪ
ﺑﻴﺒﻲ ﺗﺼﻴﺢ ﻣﻦ ﺍﻟﻐﺮﻓﻪ
ﻣﻨﻮ
ﺳﻠﻤﺎﻥ
ﻳﻤﻬﻪ ﺭﺩﻭ ﻋﻠﻴﻪ ﻧﺸﻔﺘﻮ ﺭﻳﻜﻲ،ﺳﻠﻤﺎﻧﻨﻦ
ﻫﺎ ﻳﻮﻡ ﻫﺎ
ﻣﻨﻮ ﻋﺎﻟﺘﻠﻔﻮﻥ
ﺟﺮ ﻧﻔﺲ ﻫﻤﺲ
ﻣﺎﻛﻮ ﺷﻲ ﻳﻤﻪ
ﻭﻭﻛﻒ ﻣﺤﻨﻲ ﻭﻓﺎﺕ ﺍﻟﺤﻤﺎﻡ . ﻭﻃﻠﻊ
ﻛﻌﺪﺕ ﺑﺼﻔﻪ
ﻳﺎﺑﻪ ﻣﻨﻮ ﺍﺗﺼﻞ
ﺑﺎﻭﻋﻠﻲ ﺷﺎﻝ ﺍﻳﺪﻩ ﺗﻠﻤﺲ ﺧﺪﻱ ﻫﻤﺲ
ﺍﺧﻮﺝ ﻳﺎﺑﻪ ﺍﺧﻮﺝ
ﺷﺒﻲ
ﺗﻨﻬﺪ . ﻭﺍﻛﻊ ﺑﻤﺸﻜﻠﻪ ﺍﻟﺒﺎﺟﺮ ﺍﺭﻭﺣﻠﻪ
ﻳﺎﺑﻪ ﺑﻲ ﺷﻲ
ﻻﻳﺎﺑﻪ ﻣﺒﻲ ﻫﻮ ﺑﺲ ﺻﺎﺣﺒﻪ ﻣﺎﺕ ﻭﻫﻮ ﻣﻘﻬﻮﺭ ﻋﻠﻴﻪ
ﺳﻜﺖ ﻣﻤﻘﺘﻨﻌﻪ ﺍﺑﺪ
ﻭﻃﻠﻊ ﺍﺑﻮﻳﻪ ﺍﻟﻔﺠﺮ ﻫﻮ ﻭﻋﻤﻲ ﺳﻠﻤﺎﻥ ﻋﻠﻰ ﺣﻀﻲ ﺍﻟﺘﻠﻔﻮﻥ ﺍﻟﺨﻄﻮﻁ ﻭﻛﻔﺖ ﻣﺎﻋﺮﻑ ﻟﻴﺶ ﺍﻟﺒﺪﺍﻻﺕ ﺍﻧﺘﻬﺖ
ﻭﺍﻧﺘﻀﺮ ﺍﺑﺮﻳﻪ ﻳﺠﻲ ﻳﻮﻡ ﻳﻮﻡ . ﻭﻃﻮﻝ ﺳﺒﻮﻉ
ﺗﺎﻟﻲ ﺍﺟﻪ ﻛﻮﻩ ﻳﻤﺸﻲ ﻃﺒﺒﻪ ﻋﻤﻲ ﺭﺍﺟﺢ ﻭﺟﻬﻪ ﻣﻴﺘﺒﺎﻭﻉ
ﻭﺑﺎﻭﻋﻠﻲ ﻛﺎﻝ
ﻛﻼﺹ ﻣﻲ ﻋﻤﻲ ﺑﺴﺮﻋﻪ
ﻭﺭﺣﺖ ﺟﺒﺘﻠﻪ ﺷﺮﺑﻪ ﺑﺎﻟﻜﻮﻩ ﻭﺗﻤﺪﺩ
ﻫﻤﺲ ﻏﻄﻴﻪ ﺩﻳﺮﺗﺎﺡ ﻋﻤﻮ
ﺍﻱ ﻋﻤﻮ
ﻏﻄﻴﺘﻪ ﻭﺑﻘﻪ ﻋﻤﻮ ﺭﺍﺟﺢ ﻋﺪﻧﺎ ﺑﺎﺕ ﺛﺎﻧﻲ ﻳﻮﻡ ﺭﺍﺡ . ﻭﺍﺑﻮﻳﻪ ﺣﺠﻪ ﺑﺘﻌﺐ
ﻳﻤﻪ ﺍﺩﻋﻴﻠﻪ ﻟﺤﻤﻮﺩﻱ ﺷﺪﻳﻠﻪ ﻓﻮﻃﺘﺞ
ﻳﺎ ﺷﺒﻲ ﺍﺑﻨﻚ ﺳﻠﻤﺎﻥ
ﻭﺍﻛﻊ ﺑﻬﺒﻴﻪ ﺻﺎﺣﺒﻪ ﺍﻟﻮﻳﺎﻩ ﺩﻳﺒﻨﻲ ﻭﺍﻛﻊ ﻣﻦ ﻓﻮﻙ ﺍﻟﺒﻨﺎﻳﻪ ﻭﻣﺎﺕ ﻭﺍﻧﺬﺑﺖ ﺑﺮﺍﺳﻪ . ﻭﻫﻮ ﻣﻴﻌﺮﻑ ﻳﻜﺬﺏ ﻛﺎﻝ ﺗﻮﺟﻴﺖ ﺑﻲ ﻟﺰﻣﻨﻲ ﺣﺘﻰ ﻻ ﺍﻭﻛﻊ ﻭﻛﻊ ﻫﻮ ﻭﺍﻟﻌﺸﻴﺮﻩ ﻛﺎﻳﻤﻪ ﻛﺎﻋﺪﻩ ﻭﻓﻮﺗﻮ ﻟﻠﺴﺠﻦ ﻭﺍﻧﺴﺠﻦ ﻳﻤﻪ
ﻛﺎﻟﻬﺎ ﺍﺑﻮﻳﻪ ﻭﻧﺼﻪ ﻳﺒﺠﻲ ﺑﺨﻨﻴﻚ ﻭﺑﺒﻴﺘﻲ ﺗﺪﻙ ﻋﻠﻰ ﺭﺟﻠﻬﺎ ﻭﺗﺒﺠﻲ
ﺍﻧﻬﺪ ﺣﻴﻠﻲ ﻋﻠﻰ ﺍﺧﻮﻳﻪ .
ﻧﺘﺮﺕ ﺑﻴﺒﻲ
ﺷﻜﺪ ﺍﻧﺤﻜﻢ
ﺍﺭﺑﻊ ﺳﻨﻴﻦ ﻛﺎﻟﻬﺎ ﻭﻏﻄﻪ ﻭﺟﻬﻪ ﻭﺍﻟﻌﺸﻴﺮﻩ ﺗﻜﻮﻝ ﺣﻀﺮﻟﻪ ﻛﺒﺮﻩ . ﻓﺪ ﻳﻄﻠﻊ ﻧﻘﺘﻠﻪ . ﻣﻴﻜﻔﻴﻨﺎ . ﺳﺠﻦ
ﺗﺨﺒﻠﺖ ﻭﺭﻛﻀﺖ ﻋﺎﻟﺴﺠﺎﺩﻩ ﺍﺻﻠﻲ ﻭﺍﺑﺠﻲ ﺑﻘﻬﺮ ﻣﺘﺖ ﻳﻮﻣﻴﻦ ﺍﺣﻨﺎ ﺣﺎﻟﻨﺎ ﻣﻮ ﺣﺎﻝ ﻭﺍﻟﻮﻟﺪ ﺭﺍﺡ ﺷﺒﺎﺑﻪ ﻭﺍﺑﻮﻳﻪ . ﺭﺍﺡ ﻳﻤﻮﺕ ﻭﺭﺍﻩ ﺫﺑﻞ ﻋﻮﺩﻩ ﺣﻴﻞ
ﻭﺍﻧﻲ ﺍﺗﻮﺳﻞ ﺑﻲ
ﻳﺎﺑﻪ ﻟﺨﺎﻃﺮﻱ ﻣﺎﺿﻠﻲ ﻏﻴﺮﻙ ﻟﺘﺎﺫﻱ ﺭﻭﺣﻚ
ﻻﻳﺎﺑﻪ ﺷﺒﻴﻪ . ﻛﻠﻬﺎ ﻛﻢ ﺳﻨﻪ ﻳﺮﺟﻊ . ﻋﺎﺩﻱ ﺍﻻﻧﺴﺎﻥ ﻳﻤﺮ ﺑﻀﺮﻭﻑ .
ﻳﺎﺑﻪ ﺻﺪﻙ ﻓﺪﻭﻩ ﻟﻌﻴﻨﻚ ﻟﺘﺘﺎﺫﻱ ﺭﻭﺣﻚ
ﺍﻱ ﻳﺎﺑﻪ ﻭﺩﺍﻋﺘﺞ ﻭﻳﻤﺴﺢ ﺩﻣﻮﻋﻲ
ﺍﻫﺘﻤﻴﺖ ﺑﺎﺑﻮﻳﻪ ﺍﻛﺜﺮ ﻭﺩﺍﺭﻳﺘﻪ ﺍﻛﺜﺮ ﺑﻴﻮﻡ ﻣﻦ ﺍﻻﻳﺎﻡ ﻧﺎﻳﻤﻪ ﻭﺍﺳﻤﻌﻪ . ﻳﻬﻤﺲ ﻭﻱ ﺭﻭﺣﻪ ﺑﻨﻮﻣﻪ
ﻟﻮ ﻣﺸﺘﺎﻗﺘﻠﻲ ﺗﺎﺧﺬﻳﻨﻲ
ﺷﻮﻛﺖ ﻣﻮ ﺗﻌﺒﻨﻲ ﺍﻻﻧﺘﻀﺎﺭ ﻭﺍﻟﻤﺘﺎﻧﻪ
ﻛﻤﺖ ﻣﻴﺘﻪ ﺧﻮﻑ ﺧﻔﺖ ﻟﻴﻤﻮﺕ ﻧﻔﺴﻬﺎ ﺑﻨﻮﻣﻪ ﻭﻋﻴﺘﻪ ﻓﺰ
ﻫﺎ ﻳﺎﺑﻪ
ﻳﺎﺑﻪ ﻓﺪﻭﻩ ﻭﺑﺠﻴﺖ ﻳﺎﺑﻪ ﻟﺘﻌﻮﻓﻨﻲ ﻣﻀﻞ ﻋﺪﻱ ﻏﻴﺮﻙ
ﻭﻳﻦ ﺭﺍﻳﺢ ﻧﺎﻳﻢ ﻫﻴﺎﻧﻲ ﻋﺪﺝ
ﺳﻤﻌﺘﻚ ﺗﺤﺎﺟﻲ ﺍﻣﻲ
ﻭﻳﻦ ﺍﻧﻲ ﺍﺻﻼ ﺣﺘﻰ ﻣﺤﻠﻤﺎﻥ ﺑﻴﻬﺎ ﺷﻜﻠﺖ ﺍﺣﺠﻲ
ﻋﺮﻓﺖ ﻫﺎﻟﺸﻲ ﺍﺷﺎﺭﻩ ﺍﻟﻲ ﻣﺘﺖ ﺧﻮﻑ ﻫﺰﻳﺖ ﺭﺍﺳﻲ ﺑﺎﻟﺮﻓﺾ ﺣﺘﻰ ﺍﺧﺎﻑ ﺍﻛﻮﻟﻪ ﺷﻜﻠﺖ ﻭﻳﺼﻴﺮ ﻣﻴﺖ ﻣﺮﻩ ﺣﺠﻴﺘﻪ ﺑﺎﻟﺤﻤﺎﻡ ﺣﺘﻰ ﻣﻴﺘﺤﻘﻖ ﻛﺎﻧﻤﺎ ﺍﻧﻲ ﺍﻟﺸﻔﺘﻪ . ﻟﻠﺤﻠﻢ ﻣﻮﻫﻮ
ﻭﺭﻩ ﻳﻮﻣﻴﻦ ﺩﺍﻭﻡ ﺍﺑﻮﻳﻪ ﻟﻠﺸﻐﻞ ﻃﻠﻊ ﺍﻟﻔﺠﺮﻳﻪ . ﻭﻱ ﻋﻤﺎﻟﺘﻪ
ﻭﺍﻧﻲ ﻛﻠﺒﻲ ﻭﺟﻌﻨﻲ ﻃﻠﻌﺖ ﻭﺭﺍﻩ ﻭﺍﺑﺎﻭﻋﻠﻪ ﺍﻟﺘﻔﺘﺖ ﻣﻦ ﻭﺻﻞ ﻧﺺ ﺍﻟﻔﺮﻉ ﻭﺭﺩ ﺭﺟﻌﻠﻲ
ﻫﺎ ﺑﻮﻳﻪ ﺑﻴﺞ ﺷﻲ ﻣﺤﺘﺎﺟﻪ ﺷﻲ
ﻳﺎﺑﻪ ﻓﺪﻭﻩ ﺩﻳﺮ ﺑﺎﻟﻚ ﻋﺮﻭﺣﻚ
ﺍﺑﺘﺴﻢ ﻭﺭﺟﻊ ﻃﺐ ﺣﻀﻨﻨﻲ ﻭﺑﺎﺱ ﺭﺍﺳﻲ ﻫﻤﺲ
ﻭﺍﻟﻌﺪﻩ ﻫﺎﻟﺠﻤﺒﺪﻩ ﺑﺎﻟﺒﻴﺖ . ﻣﺎﻳﺮﺩ ﺍﻟﻬﺎ ﺭﻭﺣﻬﺎ ﻣﺮﺗﺎﺣﻪ ﺑﻮﻳﻪ . ﺍﻟﻜﺎﺗﺒﻪ ﺍﻟﻠﻪ ﻳﺼﻴﺮ
ﻃﻠﻊ ﻭﺳﺪﻳﺖ ﺍﻟﺒﺎﺏ ﺍﺑﺘﺴﻢ
ﺍﻟﻠﻪ ﻳﺤﺒﻨﻲ ﻻﻥ ﺍﺻﻠﻲ ﻭﺍﻗﺮﻩ ﻗﺮﺍﻥ ﻫﻮﺍﻱ ﻣﻴﺎﺧﺬﻩ ﻣﻨﻲ ﻭﺭﺣﺖ ﻧﻤﺖ ﻳﻢ ﺑﺒﻴﺘﻲ
ﺗﻮﻧﻲ ﺍﻏﻔﻰ ﻭﺍﺷﻮﻑ ﺑﺎﻟﻄﻴﻒ ﻛﺎﻧﻪ ﺍﻣﻲ ﻣﻔﺮﻋﻪ ﺑﺎﻟﺸﺎﺭﻉ ﻻﺑﺴﻪ ﺍﺑﻴﺾ ﻭﺷﻌﺮﻫﺎ ﻋﻠﻰ ﻃﻮﻟﻪ ﻣﺤﻠﻮﻝ ﻭﻭﻭﺟﻬﻪ ﻳﻀﻮﻭﻭﻱ ﺑﺲ ﻣﺎﻭﺍﻛﻔﻪ ﻋﻠﻰ ﺍﻟﻜﺎﻉ ﺟﻦ ﻃﺎﻳﺮﻩ
ﻭﻣﺪﺕ ﺍﻳﺪﻫﺎ ﻣﻦ ﺍﺑﺎﻭﻉ ﺍﻟﻨﺎﺱ ﺗﺮﻭﺡ ﻭﺍﺟﻲ ﻣﺤﺪ ﻳﺸﻮﻓﻬﺎ ﻭﻻﻫﻲ ﺗﺸﻮﻓﻨﻲ . ﻭﺍﻟﻤﻞ ﻳﺘﺼﺎﻳﺢ ﻭﻳﺒﺠﻲ ﻭﺍﻟﻨﺎﺱ ﻛﻠﺴﺎ ﺗﺼﻴﺮ ﻃﻴﻮﺭ ﺑﻴﻀﻪ ﺗﺘﺤﻮﻝ ﺑﺎﻟﺸﺎﺭﻉ . ﻫﻨﺎﻙ ﻭﺍﻟﻤﺢ ﺍﺑﻮﻳﻪ ﻳﺪﻭﺭ ﻭﻳﻔﺮ ﺑﺮﺍﺳﻪ ﻭﻟﻤﺤﻬﺎ ﺍﺑﺘﺴﻢ ﻭﺍﻧﻲ ﺍﺑﺎﻭﻋﻠﻬﻢ ﺷﻮﻥ ﻧﻀﺮﺍﺗﻬﻤﻢ ﻣﻠﻴﺎﻧﻪ ﺍﺷﺘﻴﺎﻕ
ﻭﺍﻧﻲ ﺣﺠﺖ ﻭﺍﻟﺼﻮﺕ ﺑﻲ ﺻﺪﻯ
ﺳﻠﻤﺎﻥ . ﺍﻣﺸﻲ ﻭﻳﺎﻳﻪ
ﺻﺒﻮﺣﻪ ﺟﻴﺘﻴﻨﻲ ﻣﻜﺬﺑﺘﻲ ﻧﻔﺲ ﻋﺎﺩﺗﺞ
ﺍﻣﺸﻲ ﻭﻳﺎﻳﻪ . ﺑﻌﺪ ﺭﻭﺣﻲ
ﻭﻟﺰﻣﺖ ﺍﻳﺪﻩ ﻛﺎﺩﺗﻪ ﻭﺍﺑﻮﻳﻪ ﺻﺎﺭ ﻣﺜﻠﻬﺎ ﺗﺤﻮﻝ ﺍﻟﻰ ﺷﻮﻱ ﺷﻮﻱ ﺍﺑﻴﺾ ﻣﻦ ﺑﺪﺍﻳﻪ ﺭﺟﻠﻪ ﻭﺻﻞ ﻟﻨﺺ ﺟﺴﻤﻪ ﻫﻤﺲ
ﺻﺒﻮﺣﻪ ﻣﻠﻴﻜﻪ ﺗﺘﻨﺎﻧﻴﻨﻲ ﻫﻲ ﻭﺍﻧﻲ ﺷﻮﻥ ﺍﻋﻮﻓﻬﺎ
ﻭﺍﻟﺘﻔﺖ ﻋﻠﻴﻪ ﻳﺒﺎﻭﻋﻠﻲ ﻭﻳﺘﻮﺳﻠﻨﻲ ﺑﻌﻴﻮﻧﻪ ﻳﺮﻳﺪ ﺍﻟﺴﻤﺎﺡ ﻭﺍﻟﻌﻘﻮ
ﻭﺍﻧﻲ ﺻﺎﻓﻨﻪ
ﺑﺎﻭﻋﺘﻠﻲ ﺍﻣﻲ ﺍﺑﺘﺴﻤﺖ
ﻣﻠﻮﻛﻪ ﺳﺒﻌﻪ ﻭﻣﻌﺪﻟﻪ ﻟﺘﺨﺎﻑ ﻋﻠﻴﻬﺎ ﺑﻌﻴﻦ ﺍﻟﻠﻪ ﺗﻀﻞ ﺍﻣﺸﻲ ﻭﻳﺎﻳﻪ
ﻭﺩﺧﻞ ﺍﺑﻮﻳﻪ ﺍﻟﺒﻴﺎﺽ ﻟﻜﻞ ﺟﺴﻤﻪ ﻭﻋﻴﻨﻪ ﻋﻠﻴﻪ . ﻭﻃﺎﺭ
ﻓﺰﻳﺖ ﻣﻦ ﺍﻟﻨﻮﻡ ﺻﻔﻨﺖ ﻭﺻﺮﺧﺖ ﺑﻌﻠﻮ ﺻﻮﺗﻲ
ﻳﺎﺍﺍﺑﻪ .
ﻳﺎﺑﻪ ﻟﺘﺮﻭﺡ ﻓﺪﻭﻩ ﻟﺒﺴﺖ ﻋﺒﺎﺗﻲ ﺑﻴﻴﺘﻲ ﻓﺰﺕ ﻭﺗﺼﻴﺢ ﺷﻜﻮﻭ ﺷﺒﻴﻴﺞ
ﻳﺎﺑﻪ ﻭﺍﻟﻠﻪ ﺣﻴﺮﻭﺡ ﻭﻳﻌﻮﻓﻨﻲ
ﺍﻟﺨﻮﻑ ﺍﻟﻠﻲ ﺧﻔﺘﻪ ﺑﻴﻮﻣﻬﺎ ﻣﺠﻨﺖ ﺣﺎﺳﻪ ﺑﻲ ﻗﺒﻞ ﺍﺭﺗﻌﺶ . ﻭﺍﻧﺨﺾ ﻟﺒﺴﺖ ﻋﺒﺎﺗﻲ ﻭﺭﻛﻀﺖ ﺑﻴﺖ ﻋﻤﻲ ﺭﺍﺟﺢ ﻻﻥ ﺭﺍﺡ ﻭﻳﺎﻩ . ﻭﺑﻴﺒﻴﺘﻲ ﺗﺪﻙ ﻭﺍﻟﻄﻢ ﻣﻜﺪﺭﺕ ﺍﺑﻘﻰ ﺑﻌﺪ ﻃﺒﻴﺖ ﺧﺎﻟﻪ ﻣﺮﻭﻩ . ﺗﻐﺴﻞ ﺑﺎﻟﻜﺮﺭﺍﺝ ﻭﻋﻤﻲ ﻣﺤﻤﺪ ﻧﺎﻳﻢ ﺑﺎﻟﻌﻮﻝ ﻃﺒﻴﺖ ﺍﺭﻛﺾ
ﺧﺎﻟﻪ ﻓﺪﻭﻩ
ﺷﺒﻴﺞ ﻭﻟﺞ . ﺷﻜﻮﻭ ﺑﺒﻴﺘﺞ ﺑﻴﻬﺎ ﺷﻲ
ﻻﻻ ﺧﺎﻟﻪ ﺧﺎﺑﺮﻱ ﻋﻤﻲ ﺭﺍﺟﺢ ﻋﺎﻟﻤﻮﺑﺎﻳﻞ ﻣﻴﺘﻪ ﺧﻮﻑ ﻋﻠﻰ ﺍﺑﻮﻳﻪ
ﺑﻘﺖ ﺻﺎﻓﻨﻪ ﻋﻠﻴﻪ
ﺷﺒﻲ ﺍﺑﻮﺝ
ﻣﺎﺩﺭﻱ ﻃﻴﻒ ﻣﺮ ﻋﻠﻴﻪ
ﺑﺎﻉ ﻫﺎﻱ ﺍﻟﺒﻄﺮﺍﻧﻪ ﺭﻭﺣﻲ ﻳﻤﻪ ﺭﻭﺣﻲ ﻣﺎﻛﻮ ﺷﻲ ﻧﻌﻠﻲ ﺍﻟﺸﻴﻄﺎﻥ
ﺧﺎﻟﻪ ﺑﺮﻭﺡ ﺍﺑﻮﺝ
ﺻﻔﻨﺖ ﻋﻠﻴﻪ ﻋﺒﺴﺖ ﻭﺟﻬﻪ ﺫﺑﺖ ﺍﻟﺼﻮﻧﺪﻩ ﻭﻃﺒﺖ ﺷﺎﻟﺖ ﻣﺒﺎﻳﻠﻬﺎ ﻭﻃﻠﻊ ﻗﺎﺳﻢ ﺗﻮﻩ ﻛﺎﻋﺪ ﻣﻦ ﺍﻟﻨﻮﻡ ﺑﺎﻭﻋﻠﻲ ﺭﻓﻊ ﺗﻚ ﺣﺎﺣﺐ . ﻛﺎﻝ
ﺷﺒﻴﺞ ﻣﻦ ﺍﻟﺼﺒﺢ
ﻣﺮﺩﻳﺖ ﻋﻠﻴﻪ ﻭﺍﺑﺎﻭﻉ ﻟﺨﺎﻟﻪ ﻣﺮﻭﻩ ﻳﺪﺩﺩﻙ ﻭﻣﺤﺪ ﻳﺮﺩ ﻛﻠﺒﻲ ﻋﻨﻲ ﻭﺩﻣﻮﻋﻲ ﺗﺠﺮﻱ ﻋﻤﻲ ﻣﺤﻤﺪ ﻭﻛﻒ ﺍﺟﻪ
ﻛﺎﻝ
ﺷﺒﻴﺞ ﻋﻤﻲ
ﻣﻬﺘﻤﻴﺖ ﺣﻴﻠﻲ ﺧﻠﺺ ﻣﺎﺑﻴﻪ ﺍﺣﺠﻲ ﺑﻌﺪ ﻭﺭﺩ ﻋﻨﻲ ﺭﺍﺟﺢ
ﻫﺎﺍﺍ
ﻫﺎﺍ ﺭﺍﺟﺢ ﻫﺎﻱ ﺻﺒﺤﻪ ﺗﺮﻳﺪ ﺍﺑﻮﻫﺎ ﻳﻤﻚ
ﻻ ﺗﻮﻧﻲ ﻋﻔﺘﻪ ﻭﺭﺟﻌﺖ ﻫﻮ ﺑﺒﺎﺏ ﺍﻟﺸﺮﺟﻲ ﺷﺘﺮﻳﺪ ﻣﻠﻮﻛﻪ
ﺑﻬﺎﻟﻠﺤﻀﻪ ﺻﺎﺭ ﺍﻧﻔﺠﺎﺭ ﺑﺲ ﺑﻌﻴﺪ ﻫﻮ ﺑﻌﻴﺪ ﻭﺍﻧﺮﺝ ﺍﻟﺒﻴﺖ . ﺭﺝ ﻃﻠﻌﺖ ﻟﻠﺸﺎﺭﻉ ﺍﺭﻛﺾ ﻭﺍﺑﺠﻲ ﻓﺎﻗﺪﻩ . ﻭﺍﻧﻲ ﻣﺎﺩﺭﻱ ﻭﻳﻦ ﺍﺭﻭﺡ ﺧﻠﻴﻞ ﻟﺤﻜﻨﻲ ﻭﻳﺼﻴﺢ
ﻟﺞ ﺗﻌﺎﻱ ﻭﻳﻦ ﻣﻮﻟﻴﻪ
ﻭﺍﻧﻲ ﻣﺎﺩﺭﻱ ﻭﻳﻦ ﺍﺭﻭﺡ ﺑﺎﻭﻋﺘﻠﻪ . ﻧﻔﺴﻲ ﺍﻧﻜﻄﻊ ﻟﺰﻣﻨﻲ ﻣﻦ ﺳﺎﻋﺪﻱ ﻭﺧﺰﺭﻧﻲ
ﻟﺞ ﺍﻟﻌﺎﻟﻢ ﺗﺒﺎﻭﻉ ﺧﺮﺏ ﻳﻮﻣﺞ ﻓﻀﺤﺘﻴﻨﺎ
ﺷﻬﻜﺖ ﻛﻮﻩ ﺍﺗﻨﻔﺲ
ﺧﻠﻴﻞ ﺍﺑﻮﻳﻪ ﺭﺍﺡ ﻭﺭﻭﺡ ﺍﻣﻲ ﺭﺍﺡ
ﻋﻴﻮﻧﻲ ﺷﺒﺤﺖ ﺍﺑﺎﻭﻉ ﻟﻠﺸﺎﺭﻉ ﺍﺣﺲ ﺍﻟﺪﻧﻴﺎ ﺗﻔﺘﺮ ﻋﻠﻴﻪ ﻭﺍﺣﺲ ﺑﺮﻳﺤﺘﻪ ﺻﺎﺭﺕ ﺑﺼﻔﻲ .
ﺑﻴﻨﻲ ﻭﺑﻴﻦ ﺭﻭﺧﻲ
ﻫﺎ ﻳﺎﺑﻪ ﻣﻜﺪﺭﺕ ﺑﻌﺪ ﺭﺣﺘﻠﻬﺎ ﻣﻔﻜﺮﺕ ﺑﻴﻪ
ﻭﺣﻖ ﺍﻟﺤﻖ . ﺑﻬﺎﻟﺤﺠﻲ ﻭﻱ ﺭﻭﺣﻲ
ﻭﺍﻟﺠﻮﺍﻣﻊ ﻛﺒﺮﺭﺕ ﺍﻟﺼﻮﺕ ﺿﻞ ﺑﺎﺫﻧﻲ . ﻳﺼﻴﺮ ﺻﺪﻯ
ﻭﻛﺎﻧﻤﺎ ﺭﺑﻲ ﻳﺠﺎﻭﺑﻨﻲ ﺍﻧﻲ ﻭﻳﺎﺝ . ﻟﻮ ﺍﻟﺒﺸﺮ ﻳﺘﺮﻙ . ﺍﻟﻠﻪ ﻣﻴﺘﺮﻛﺞ ﺑﻠﻌﺖ ﺭﻳﻚ ﺑﺎﻭﻋﺖ ﻟﻠﺴﻤﺎ .
ﺍﻣﻨﺖ ﺑﺎﻟﻠﻪ . ﻭﺭﺟﻌﺖ ﻫﺎﺩﺋﻪ ﻟﻠﺒﻴﺖ ﺑﻴﺒﻴﺘﻲ ﺧﻄﻴﻪ ﻣﻴﺘﻪ ﺑﺠﻲ ﺯﺍﺣﻔﻪ ﻟﻠﺸﺎﺭﻉ ﺑﺎﻟﺒﺎﺏ ﻭﺍﻟﻨﺴﻮﺍﻥ ﻳﻤﻬﺎ ﻣﻠﺘﻤﻪ ﻃﺒﻴﺖ ﺑﺴﺘﻬﺎ ﻭﺍﻧﺘﻀﺮ
ﺟﻨﺖ ﻣﺘﺎﻛﺪﻩ ﺭﺍﺡ ﻭﺍﺭﺟﻒ ﺍﺭﻳﺪ ﻳﻮﺻﻞ ﺧﺒﺮ ﻭﻳﻜﺬﺏ . ﺍﻟﻄﻴﻒ
ﺑﺴﺲ ﻫﻴﻬﺎﺕ
ﺍﺣﺲ ﺣﺘﻰ ﺍﻟﺒﻴﺖ . ﺗﻐﻴﺮ ﺟﻮﻩ . ﻓﺮﺣﺎﻥ ﺍﺣﺴﻪ . ﺍﺗﻠﻔﺖ ﻟﻤﻜﺎﻧﻪ . ﻭﻣﻜﺎﻧﻬﺎ ﻛﻤﺖ ﺭﺗﺒﺖ ﺣﻴﻞ ﻣﺒﻴﻪ . ﺍﻭﻝ ﺑﻨﻴﻪ ﺗﻨﺘﻀﺮ ﻣﻮﺗﺖ ﺍﺑﻮﻫﺎ ﺍﻟﻤﺘﺎﻣﺪﻩ ﻣﻨﻬﺎ ﺑﺲ ﻣﺮﺗﺎﺣﻪ ﻻﻥ ﺍﺭﺗﺎﺡ . ﻻﻥ ﺷﻔﺖ ﺑﻌﻴﻨﻪ ﻧﻔﺲ ﺍﺑﺘﺴﺎﻣﻪ ﻗﺒﻞ ﻣﻦ ﻳﻄﺐ ﻟﻠﺒﻴﺖ ﻭﺗﺘﻠﻜﺎﻩ ﺍﻣﻲ
ﺳﺒﺤﺖ ﺑﻴﺒﻴﺘﻲ . ﺗﻬﻴﺎﺕ ﻟﻜﻠﺸﻲ
ﻭﺍﺭﺩﺩ
ﻣﻮ ﻭﺣﺪﻱ ﺍﻟﻠﻪ ﺷﻜﺒﺮﻩ ﻭﻳﺎﻳﻪ
ﺳﺎﻋﻪ . ﺳﺎﻋﺘﻴﻦ ﻭﺍﻟﺒﺎﺏ ﺍﻧﺪﻛﺖ ﻏﻤﻀﺖ ﻋﻴﻨﻲ ﻭﻛﻤﺖ ﻛﻮﻩ ﺳﺤﻠﺖ ﺭﻭﺣﻲ
ﻃﻠﻌﺖ ﻓﺘﺤﺖ ﺍﻟﺒﺎﺏ ﻋﻤﻲ ﺭﺍﺟﺢ ﻣﻨﺼﻲ ﻭﻣﻴﺖ ﺑﺠﻲ ﻗﺎﺳﻢ ﺻﺎﻓﻦ ﺑﻮﺟﻬﻲ ﻭﺧﻠﻴﻚ ﻭﻋﻤﻲ ﻣﺤﻤﺪ ﺟﺮﻧﻲ ﻟﺤﻀﻨﻪ . ﺣﻀﻨﻨﻲ ﻭﺍﻧﻲ
ﺑﺲ ﻟﺸﻪ ﺑﻠﻪ ﺭﻭﺡ
ﻛﻠﺸﻲ ﻣﻜﺪﺭﺕ ﺍﺣﺠﻲ
ﻭﻃﺒﻮ ﻛﺎﻟﻮ ﻟﺒﻴﺒﻲ .
ﺭﺍﺳﻦ . ﺑﻠﺤﻀﺘﻬﺎ ﺗﺨﺮﺑﻄﺖ ﻭﺍﻧﺸﻠﺖ ﺣﻠﻜﻬﺎ . ﻭﺍﻳﺪﻫﺎ ﺍﺧﺬﻭﻫﺎ ﺑﻘﻪ ﺑﺲ ﻗﺎﺳﻢ ﻳﻤﻲ
ﻭﺍﻧﻲ ﺑﺲ ﺻﺎﻓﻨﻪ
ﺑﻘﻪ ﻳﺒﺎﻭﻋﻠﻲ ﻛﺎﻝ
ﺷﻮﻥ ﻋﺮﻓﺘﻲ،ﺑﺎﻭﻋﺘﻠﻪ ﻭﻧﺼﻴﺖ
ﺑﻠﻌﺖ ﺭﻳﻜﻲ
ﻟﻜﻮ ﺟﺜﺘﻪ
ﻫﺰ ﺭﺍﺳﻪ ﻭﺑﺠﻪ ﻣﻨﺼﻲ ﺭﺍﺳﻪ
ﻭﻛﺎﻧﻤﺎ . ﻛﻠﻲ ﺍﺑﺠﻲ ﻭﻳﺎﻳﻪ ﻭﺍﻟﺪﻣﻮﻉ . ﻣﺪﺭﻱ ﻣﻨﻴﻦ ﺗﻄﻠﻊ ﺑﺲ ﺑﺨﻨﻴﻚ
ﻭﻛﻒ ﻛﺎﻝ
ﺍﺳﺎﻋﺪﺝ ﺍﺷﻴﻞ ﻏﺮﺍﺿﺞ ﻛﻮﻣﻲ ﻋﺪﻧﺎ
ﺑﻘﻴﺖ ﺍﺑﺎﻭﻋﻠﻪ ﻭﺍﺑﺎﻭﻉ ﻟﻠﺒﻴﺖ
ﻭﺍﺗﺬﻛﺮ
ﺍﻟﻠﻪ ﻭﻳﺎﻳﻪ ﺑﺲ ﻣﺎﺑﻴﻪ ﺣﻴﻞ ﻭﺩﻋﻲ ﺑﻠﻜﻦ ﻳﺎﺧﺬﻭﻧﻲ ﻳﻤﻬﻢ
ﺷﺎﻝ ﺍﻟﻐﺮﺍﺽ ﻭﻳﺒﺎﻭﻋﻠﻲ
ﺍﺧﺬ ﻫﺎﻱ
ﺗﺮﺩﻳﻦ ﻫﺎﻱ
ﻭﺍﻧﻲ ﺑﺲ ﺻﺎﻓﻨﻪ
ﻛﻮﻩ ﺟﺎﺏ ﺳﻴﺎﺭﻩ ﻭﺍﺧﺬﻧﻲ ﺭﺟﻌﺖ ﻟﺒﻴﺖ ﺟﺪﻱ ﺍﻟﻬﻮﺳﻪ ﻭﺍﻟﻌﻴﺎﻁ ﻭﺍﻟﻠﻄﻢ ﻭﺍﻟﻴﺒﻮ ﺗﻌﺒﺘﻨﻲ
ﺟﺮﺗﻨﻲ ﺭﻗﻴﻪ ﻣﺎﺍﻧﺴﻪ ﻭﻛﻔﺘﻬﺎ ﻗﺎﺳﻢ ﻛﺎﻟﻠﻬﺎ
ﺧﻠﻴﻬﺎ ﺑﺎﻟﻐﺮﻓﻪ ﻟﺘﻄﻠﻊ ﺗﺘﺨﺒﻞ ﺗﺮﻩ
ﻭﻃﺒﻴﺖ ﺻﺎﻓﻨﻪ
ﺷﻮﻥ ﺣﺘﻜﻮﻥ ﺣﻴﺎﺗﻲ
ﺷﻮﻥ ﺣﻌﻴﺶ
ﻭﻳﻦ ﺍﺭﻭﺡ
ﻣﻌﻘﻮﻟﻪ . ﻋﺎﻓﻨﻲ
ﺍﺣﻤﺪ ﻣﻦ ﻳﺴﻤﻊ ﺷﻴﻜﻮﻝ ﺷﻴﺼﻴﺮ ﺑﻲ
ﺍﺭﺑﻊ ﺍﻳﺎﻡ ﺣﺰﻧﻲ ﻭﻋﻴﻮﻧﻲ ﻣﻨﺸﻔﺖ . ﻭﻻ ﺍﻛﻠﺖ ﺷﻲ ﺑﺲ ﻣﻲ ﻭﻋﻴﻮﻧﻲ ﺷﺎﺑﺤﻪ . ﻋﻤﻲ ﺭﺍﺟﺢ ﺣﻨﻴﻦ ﺣﻴﻞ . ﺑﻘﻪ ﻧﺎﻳﻢ ﺑﺎﻟﻐﺮﻓﻪ . ﻳﻤﻲ ﻭﻳﻢ ﺑﺒﻴﺘﻲ ﻭﺭﻗﻴﻪ ﻭﻳﺎﻧﺎ
ﺣﺪﻣﺎ ﻛﻤﻞ ﺍﺳﺒﻮﻉ ﻓﻘﺖ ﻣﻦ ﺻﺪﻣﺘﻲ
ﺻﺎﺭ ﺍﻟﻮﺟﻊ ﻳﺎﻛﻞ ﺑﻴﻪ . ﻭﺍﻟﺒﺤﻲ ﻣﻴﺒﺮﺩ ﻛﻠﺐ
ﻻﻭﻝ ﻣﺮﻩ ﺑﻜﻞ ﺣﻴﺎﺗﻲ ﻣﻦ ﻋﻤﺮﻱ٣ ﺳﻨﻴﻦ ﺍﺗﺮﻙ ﺻﻼﻩ .
ﻣﻦ ﺻﻐﺮﻱ . ﺍﺻﻠﻲ ﻭﻟﻮ ﻏﻠﻂ ﻭﻣﻦ ﻛﺒﺮﺕ ﺗﻌﺪﻟﺖ ﻭﻫﺎﻟﻔﺘﺮﻩ ﺗﺮﻛﺘﻬﺎ
ﻣﻨﻮ ﺍﻟﻴﺘﺤﻤﻠﻨﻲ . ﻛﻠﻬﻢ ﺭﺍﺣﻮ
ﻛﻠﻬﻢ ﺭﺟﻌﻮ ﻟﺤﻴﺎﺗﻬﻢ ﻭﺍﻧﻲ ﺣﻴﺎﺗﻲ ﺍﻧﺘﻬﺖ ﻣﻦ ﺭﺍﺡ
ﻳﺘﺒﻊ
ﻣﺮﻳﻢ ﺍﻟﺴﻌﺪﻱ
---
ﻳﺘﺒﻊ