#عشقتك من النظره الاولي
وقفنا فين... اه تمام
محمد: معلش يا طنط عاوزك في حاجه
ام اسراء: اؤمرني يابني طب اتفضل خش
محمد دخل:شكرا يا طنط
ام اسراء:هاا يا ابني كنت عاوزني في ايه
محمد:مفيش بس يا طنط حبيت اقولك ان اسراء انا بقيت الدكتور بتاعها في الكليه
ام اسراء:اه يا بني مبروك
محمد:الله يبارك فيكي بس انا مش جاي عشان كده
ام اسراء:اومال في ايه اوعي تكون اسراء عملت حاجه انا عارفاها مجنونه بس طيبه و الله و...
محمد قاطعها:ايه يا طنط اهدي كده في ايه اسراء معملتش حاجه مشاء الله بتثقوا فيها اوي
الام بضحك:اوي اوي يا بني اومال كنت عاوز ايه
محمد: بصي و الله مش عاوزك تفخميني غلط بس انا جاركم و زي ما انتي شايفه من ساعه ما جيت ولا عمري عملت مشاكل صح
الام:صح يا بني
محمد:طيب الصراحه انا صعبت عليا الانسه اسراء كل يوم تركب موصلات عشان الكليه طب ما انا كده كده معاها في نفس الكليه و ممكن اخدها معاياو اجيبها معايا
الام: بس...
اسراء خرجت من الاوضه و هي كانت بتسمعهم: نعم يارووووح امك توصل مين
الام مسكتها من ودانها: بس يا قليله الادب
اسراء:ااااه يا ماما ودني ودني طب مش قدام الجدع طاه
الام سابتها و بصت ل محمد و فكرت
اسراء بصت ل محمد بصت نصر و تاكيد ان مامتها هترفض
الام:ماشي موافق
اسراء بضحك:شوفت مش قولتل.. نععععم
محمد ضحك و قال: تمام يا طنط و جه عند اسراء و قال اشوفك بكره بقي باي
و خرج
اسراء:ماما انتي بتهزري بتبيعي بنتك طب الناس يقولوا ايه عليا
الام:ايه يعني الراجل غلطان انه عاوز يوفر عليكي و يوصلك
اسراء:اه غلطان و انتي ازاي توافقي اصلا
الام:وافقت بقي و خلاص و كده كده اخوكي في الجيش و ابوكي مسافر و الواد محترم و كويس و انا عرفا..
اسراء:و انتي ايه يا ماما تعرفيه منين انتي
الام بتوتر:قصدي يعني انه جارنا يعني و عارفه
اسراء:برضو دا مش معناه انه كويس افرضي عاوز ياخد كليتي
الام:كليه ايه يا ام كليه بعد حواوشي هوهو دا بقي عند كليه او حاجه حد يستفاد منها
اسراء دبت رجليه علي الارض و دخلت اوضتها و قفلت الباب:وربنا يا محمد ل اندمك علي القرار دا هخليك تبوس رجلي اني مجيش معاك تاني
عند محمد
محمد:كده اللعب ابتدا يحلو وريني بقي يا احمد هتعمل ايه هههههه
عند ابطالنا التانين
صحيت منه من النوم
منه:يا احلي يوم في عمري
و راحت عند مامتها
منه:ازيك يا ست الكل كيفيك كدهون
ام منه: كيفيك و كدهون ازاي طب
منه: اهو جت كده بقي ادعيلي النهارده اول يوم ليا
ام منه:ربنا معاكي يا بنتي و يصلحلك حالك يارب
منه:امين يا رب يلا سلام
سلمي رنت علي منه:ايوه يا منه انتي فين
منه: جايه اهو بس الطريق زحمه هنا
سلمي:اتصرفي بسرعه مستر عمار جه و خارب الدنيا هنا و شكله كده مش ناوي علي خير للسكرتيره الجديده اللي هي انتي عشان هو بيكره التاخير
منه:يانهار اسود طب اعمل ايه طيب خلاص انا قربت اوصلا اهو
وصلت منه و هي بتدعي ان مديرها الجديد يكون كويس و يسامحها
خبطت علي الباب و دخلت
منه:صباح الخي..
عمار:انا قولتلك خشي
منه:انا اسفه
عمار بصوت عالي:اعمل بيها ايه و ايه التاخير دا كله يا هانم
منه و عينيها مليانه دموع:و الله الطريق كان زحمه اخر مره و بعد كده هاجي في معادي دايما والله
عمار هدي شويه: تمام خلاص اتفضلي هاتيلي الورق بتاع صفقه المانيه
منه و هي بتجري: حاضر فوريره
عمار بعد ما خرجت: هبله
عند سلمي و يوسف
سلمي بتبص علي يوسف بتراقبه
سلمي: اه يا ابن التقيله ايه يا ابني اعملك ايه تاني دا انا ناقص اجي صاجات و ارقص عشان تعرف اني بحبك دا انا لو دوست عليه هقول I love you زي الدبدوب في ايه
يوسف من المكتب رن علي سلمي
سلمي: نهار اسود هو سمعني ولا ايه مركب كاميرات ولا ايه ايوه يا فندم حضرتك طلبتني
يوسف: اه يا سلمي كنت عاوزك في حفله ب مناسبه
سلمي:فرحن.. فرخنا فرخنا صح قصدي فرخنا
يوسف بضحك:فراخ ايه بس بمناسبه 10 سنيت علي افتتاح الشركه
سلمي:شركه حاضر يا شركه و مشيت
يوسف: انا ليه حاسس اني بحبها بس دا مستحيل انا عمري ما ها أمن لوحده تاني مش معقوله انتي طيبه و رقيقه كده يا سلمي اكيد دا وش عشان احبك و تعملي زيها
عند ابطالنا التانيين
اسراء:و ربنا لو زمرت من هنا للصبح يا محمد مش نازله فاكر ايه هتمشي عليا تبقي اهبل خليك متزنب في الشارع هااع
After5 minutes
اسراء جنب محمد في العربيه (مشاء الله شخصيه برضو 😂😂)
اسراء بصوت عالي:علي فكره انا نزلت بمزاجي
محمد ببرود:اولا وطي صوتك ثانيا طبعااا اووومال
اسراء: اتريق اتريق عدي بقي علي امنيه خدها معانا
محمد: و انا كنت خلفتها و نسيتها
اسراء: يعني انا اللي خلفتني بااااس انت نزلني عشان مبقاش تقيله عليك
محمد جز: ماشي يا اسراء قوليلي فين بيتها
اسراء: استني كده كان فين يا بت يا اسراء كان فين يا بت يا اسراء
محمد: انجزي
اسراء: ااه اه افتكرت امشي وراي اللي هقولك عليه
محمد: لما نشوف اخرتها يا ست اسراء انتي و امنيه بتاعتك دي
اسراء في دماغها : اهدا هو انت لسه شوفت حاجه دا انا هوريك النجوم في عز الضهر هههه
عند احمد و علي
احمد:انا مش مستريح ل محمد دا و شكله مش سهل يا علي
علي و هو مالي بوقه اكل :لتلرزورىتنن
احمد:يا ابني ابلع مش فاهم من امك حاجه
علي:بقولك و الصعب نذاكرله و هيبقي سهل
احمد: طب ازاي يا عم اينشتاين
علي: انا هقولك.....
احمد:نعم انا اعمل كده انا اصلا مش محتاج دا
علي:اه انت هتعمل كده عشان تاخد اسراء و انا و انت عارفين انك مش محتاج كده بس اسراء عارفه و بعدين اسراء بعد حركه الكاشير دي ها تستجدعك
احمد:اما نشوف نجرب كده بس حلو اللي عملناه في محمد دا هيبقي مسخره قدمنا كلنا بس يجيي
عند محمد و اسراء
محمد بعصبيه و علي اخره:اسراااااء بقالنا ساعه بنلف و مش لقيينه مش عارفه بيت صحبتك فين
اسراء:اصل البيوت شبه بعضها يا باشا ايه دا امنيه بترن
محمد:اللهم ما طولك يا روح
اسراء:لو مش عجبك متوصلنيش
محمد ب ابتسامه صفره:عاجبني و علي قلبي زييييي العسل
اسراء:ماشي هش بقي عشان اسمعها بتقول ايه
اسراء:ايوه يا امنيه ايه دا بجد طيب يا حببتي سلام
محمد:هااا
اسراء: امنيه مش رايحه النهارده اصلها تعبانه شويه
محمد: اااااااااااه
اسراء: ايه في حاجه تعبان 😂😂😂
محمد: ماشي يا اسراء
وصلوا الجامعه و احمد شافهم و اتعصب كلهم دخلوا و بدأوا المحاضره
محمد لسه داخل راح متزحلق و وقع و كله فضل يضحك عليه محمد قال
محمد:مين اللي عمل كده لو مش قلتو مين هشيلكم كلكم الماده و برضو هعرف مين انطقواااااا
كله كان ساكت و فضلوا يقولوا مش انا مش انا
محمد: ماشي انا هعرف مين
بعد المحاضره احمد راح ل محمد
احمد بضحك:ازيك يا دوكتور
محمد: انت كده هترجع تزعل في الاخر
احمد بضحك: احنا اتفقنا ولا نسيت
flash back
احمد و هو خارج رجع تاني
احمد:اه صح و انا كمان عندي شرط
محمد:ايه هو
احمد:انك مش هتئذيني في دراستي مهما حصل
محمد: و انا مش هعمل كده
احمد:و انا اضمن منين
محمد:زي ما انا هضمن منين انك متقولش ل اسراء
احمد:يعني ناخده كلام رجاله
محمد: تمام
back
احمد:ها يا دكتور ايه بقي هنخلف ولا ايه
محمد:لاء ازاي بس استحمل اللي جاي
احمد:سيبها علي ربنا
محمد:ماشي
احمد:يلا سلام يا دكتور و معلش علي اللي حصل
محمد ب ابتسامه صفره: مردوده متقلقش
اول ما خرج بره لقي كله بينط عليه
الجميع:ها عملت ايه
تحمد متقلقوش يا جماعه انا فهمت الدكتور ان حد دلق عصير بالغلط و هو طيب و سامح
كلهم:شكرا اوي يا احمد
اسراء:برافو عليك بجد كنا هنشيل الماده لولاك
احمد:و دا ينفع برضو مفيش بين الصحاب شكر ولا احنا مش صحاب
اسراء و هناء:لاء طبعا صحاب
احمد: تمام اعرفكم بقي على علي صاحبي و نبقي شله كلنا كان معاكوا بنت تانيه
هناء:اه امنيه بس مجتش النهارده
علي:هلا يا شباب ولا خير بقينا شله اهو
كلهم:ايوه خلاص
علي ل هناء:قال صح اسمك ايه
هناء:انا
علي: لاء انا
هناء:هاهاها ظريف اسمي هناء يا خفه
علي:عاشت الاسامي
هناء:تعيش انت
كلهم ضحكوا
علي:مشاء الله الرد في الكلام الحلو عندك مفيش ياما ارحميني
هناء:نينينينينينيني
علي و هو يقلدها بسخريه:نينينينينينيني
هناء:هضربك والله
علي:يا شيخه اجري هو انتي بتعرفي تضربي
اسراء:بس انا بعرف يا روح امك بوووووم
عند احمد و علي في بيت احمد
علي: ااااااه يا عم براحه
احمد بضحك عليه: حد قالك تهزر معاها
علي:اولا انا هزرت مع هناء ثانيا بنت اللءينه ايديها تقيله اوي انا لو مسكتها هموتها
علي بص لقي احمد بيبص وراه ب استغراب
احمد:اسراء ايه اللي جابك هنا
علي قام جري بسرعه و راه احمد:و الله ما قصدي عليك... اه يا حيوان و الله ل اضربك
احمد وقع عليه من كتر الضحك
احمد:و هي هتيجي بيتي ليه يا ذكي 😂😂 استني دا في حاجه نزلت علي جروب الدفعه ايوه بقي فرصه و جتتلي
عند اسراء
اسراء:ايه دا
عند محمد
محمد:فرصه و جت لحد عندي
يا تري هي ايه اللي جه و كل واحد يتوقع و يقول و اللي هيتوقع صح ليه مفاجاه + لسه محدش عرف مين اللي عاوز ينتقم من ابو اسراء و ليه دايما ابو اسراء مش موجود
آلگآتبهہ آسـرآء عآدل❤
