ايه يا رجاله كيفكم نبدا #عشقتك من اول نظره الرساله: ازيك اوعي تكوني نسيتيني فلتي المره الليي فاتت بمزاجي بس مش هفضل كده كل مره اجهزي للمرحله الجايه يا هه يا بنت الدكتور ادم اسراء: اه يا ابن ال اكيد في حاجه غلط بابا عمره ما يعمل كده انا واثقه فيه انا لازم اعرف ايه اللي حصل احمد من وراها: تعرفي ايه اسراء بخضه: حرام عليك يا اخي احمد: في ايه خايفه كده ليه اسراء: بص الرساله دي احمد خد الفون قرائها: ابن ال هو عاوز ايه منك دا بس لازم نشوف حل بسرعه قبل ما ياذيكي اسراء: فعلا احنا نخلص محمد بس و هروح علي البوليس علي طول احمد: تمام و انا هاجي معاكي اسراء: ماشي محمد لبس و خرج: واقفين بترغوا في ايه احمد: اصلا اسراء اسراء داست علي رجله بسرعه: كنت جعانه بقوله هناكل ايه احمد بصلها و بعدين قال: اه عاوز تاكل ايه محمد: مش مرتاحلكم انتو الاتنين بس ماشي هات اي حاجه و مشيوا راحوا ركبوا العربيه و كانت المستشفي قريبه من البيت بمسافه صغيره وصلوا و طلعوا علي السلم ام اسراء اول ما شفتهم زي اي ام مصريه حطت ايديها علي صدرها بخضه: يا حبيبي يا بني كله دا بسبب المفعوصه دي اسراء بصتلها و احمد و محمد و ليلي و ضحكوا اسراء: في ايه يا ماما هو مين اللي بنتك ام اسراء زقتها كده و قربت من محمد ام اسراء: يا حبيبي تعالي خش انا عملالك اكل يرم عضمك تعالي اسراء: لاء بقي كده كتير انتي مقلقتيش عليه حتي ام اسراء: ما انتي زي القرد اهو تعالوا يا ولاد ادخلوا البيت بيتكم اسراء: هو في ايه دي مش امي يا جدعان و دخلوا محمد و هو داخل بصوت هامس: وسعي كده يا قرد اسراء بصتله بصه اللي هو هاكلك و محمد ابتسم ابتسامه مستفزه اسراء في سرها: الغبي اللي ضرب عليه لو كان جابه في نص دماغه مش كنا ارتحنا ودخلت و رزعت الباب قعدوا كلهم اتعرفوا علي مامت اسراء و هي كمان و ضحكوا و هزروا اسراء: انا بقول تخدوها و انتو مروحين و تبقي امكم انتوا ام اسراء:و انتي متغاظه ليه يا ام صرم انا امهم اصلا اسراء:ما... ترن ترن هقوم افتح اسراء فتحت لقيت امنيه و هناء و علي و طارق اسراء:ايتا ايتا ايتا امنيه و هناء:عندكواا شامبوووو اسراء:لاء معندناش امنيه و هناء:اومال عندكم ايه تباتشيب اسراء:اه دباديب هههههههه فضلو يضحكوا علي و طارق:دورنا بقي ابوووو احمااد احمد جالهم و هو بيضحك:يا منحرف يا موكوس ضحكوا كلهم محمد من جوه بصوت عالي:اتفضلوا يا شباب خشوا انا جوه اسراء بغيظ:بيت ابوه هو محمد:سمعتك علي فكره هااا و دخلوا و اطمنوا علي محمد اسراء:صح يا ماما محمود مجاش ليه ام اسراء:هايجي بكره اسراء:ماشي يا ماما وحشني اوي ابن ال ام اسراء:ابن ايه هااا اسراء:ابن القمر السكر احمد:طيب نستأذن احنا بقي ام اسراء:ليه لسه بدري ا حتي في رز بلبن بعمله ايه هتاكله صوابعكم وراه طارق:مره الجايه انشاء الله علي:انا هستني الرز بلبن احمد شده يلا يا حبيبي يلا يا بابا ام اسراء: هبقي ابعتلكم مع اسراء كلهم: ماشي امنيه:عاوزه حاجه يا كبيره يلا عشان نمشي ام اسراء:لاء يا اختي و ابقي سلميلي علي امك امنيه: بتعامليني كده ليه اطنط موحشتكيش متنكريش ام اسراء:ما انتي بشوف خلقتك 24 ساعه انتي و الزفته التانيه مفكيوش غير البت هناء امنيه:احم شكلنا وحش اسراء:كرامتنا اتهرست و ضحكوا كلهم و بعدين كل واحد روح بيته بعد شويه ام اسراء:يا زززززززفت انتي يا زززززززفت اسراء:نعم يا ماما ايه عاوزه انام شويه ام اسراء:ودي الرز بلبن دا ل محمد و دا ل ليلي اسراء:يا ماما اودي ايه يا ماما انا عاوزه انام وديه انتي ام اسراء:انا قولت كلمه يلا اسراء:يعني ترضي تودي بنتك عند واحد شوباب لوحدها ام اسراء:شوباب! اه يرضبني اسراء: انتي مش ام علي فكره ام اسراء رفعت ابو ورده اسراء:هههه ايه يا ست الحبايب قولتي هتودي ايه اسراء ادت ل ليلي و شكرتها و ممشيت راحت خبطت علي محمد محمد: مين اسراء:انا هو حد يعرفك غيري محمد قام فتح اسراء اول ما شفته الطبق وقع منها و لسه هتصوت محمدحط ايده علي بوقها بسرعه محمد:هشششش ايهدي مفيش حاجه اسراء بعياط:انت بتنزف محمد بضحك: متعيطيش يا هبله ههههه هموت مش قادر اسراء بعياط:بتضحك علي ايه تعال اقعد بسرعه اشوفلك الجرح محمد لسه هيتكلم زقته و قعدته علي الكرسي محمد:يا بنتي اهدي اسمعي.. اسراء قطعته:اقلع بسرعه يلا محمد بضحك:دا كاتشب اسراء:ايوه برضو لازم.... نعم محمد: كاتشب بس لو لسه عاوزاني اقلع بسرعه معنديش مانع اسراء:عععععا قليل الادب انا غلطانه اني خوفت عليك محمد:استني قولتي ايه اسراء:ايه انا غلطانه محمد:لاء اللي بعديها اسراء:قليل الادب محمد: مش دي برضو اسراء:انا انا ماشيه اتاخرت اوي سلام محمد:استن..... بس كانت جريت علي شقتها محمد:مجنونه بس بحبها ******************************************** عند ابطالنا التانيين ادهم:اولا لازم تكون متاكد انك بتحبها يوسف:بحبها بس خايف في نفس الوقت ادهم:من ايه يوسف بحزن:تخدعني زي غيرها ادهم:سلمي بتعرف تخدع حد دي هبله يا عم و طيبه يوسف:لم نفسك يا عم ادهم:قصدي انها متعرفش تاذي حد و كمان هي بتحبك بجد هتخدعك ازاي و سيبك من دي ايه حوار زي غيرها دي يوسف:هحكيلك بس متقولش لي اي حد ادهم:عيبه في حقي دي و الله يوسف:كنت بحب واحده جدا و اتقدمتلها و اتخطبنا و في يوم : flash back يوسف و هو بيكلم نسرين في الفون: ايوه يا حبيبتي انا في لندن بكره هرجع مصر نسرين: ماشي يا حبيبي متتاخرش عليا بقي وحشتني بجد يوسف: بكره هكون عندك و هعملك احلي مفجاه نسرين: بجد يا بيبي يوسف: اه يا روح قلب يوسف نسرين: ماشي سلام هستناك يوسف: سلام و قفل يوسف ب فرحه : اكيد هتعجبك المفجاه انا هروحلها و اقولها اننا نكتب كتب الكتاب بكره و راح عندها و لسه بيخبط نسرين و هي بتكلم حد معاها: جاي بكره يا خالد خالد: افرضي جه دلوقتي و شافنا كده نسرين : هايجي ايه بس هو جاي بكره و بعدين انا اتخانقت منه هفضل امثل لحد امتي خالد : لحد ما يتجوزك و تخليه يمضي علي كل الفلوس بتاعته نسرين: يارتنييا وقعت عمار انا قولت دا سهل و هيقع بسرعه خالد: و بعدين نسرين: قال بيقولي عاوز اشتغل في الشركه بمرتب لحد ما يعلي و يبقي مدير بمجهوده خالد: نعم ياختي نسرين: اعمله ايه بس متقلقش هو مش قليل برضو و احنا نتجوز و بعدين انا هكوش علي كله بطرقيتي و بعدين اخد الفلوس و نتجوز انا و انت و نعيش بره صح يا روحي خالد: طبعا يا قلبي يوسف كان واقف مصدوم من اللي سمعه و خبط نسرين فتحت بخضه: يوسف يوسف ضربها ب القلم و مسكها من شعرها: واطيه و انسانه قذره و همك علي الفلوس و انا اللي حبيتك بكرهك من كل قلبي غوري في ستين داهيه و لو فاكره ان يوسف مصطفي هيسكت تبقي مجنونه مش هسيبك ولا انتي ولا الجبان اللي مستخبي جوه back ادهم: و بعدين عملت ايه يوسف: جبت قرارها و طلعت في تهم عليها و اتحبست هي و اللي كان معاها ادهم: وه انما حكايه بحقيق بس طبعا سلمي مش كده مش هتبص علي فلوسك ولا تخدعك بص يا يوسف انا هنصحك كا اخ صوابع ايدك مش زي بعض الناس كمان كده مش كله الناس بتبص علي الفلوس و مش كل البنات نسرين يوسف: عندك حق بس اعمل ايه ادهم: انا هقولك روح اتقدملها علي طول يوسف: عندك حق ادهم: ايدك علي الف جنيه علي النصيحه يوسف: قوم يلا امشي قوم ادهم: الله طب متزقش طااه ادهم بصوت واطي: ناس زي القطط تاكل و تنكر يوسف: بتقول ايه يلا انت ادهم: بستغفر يا عم مستغفرش يوسف بضحك: لا استغفر و ضحكوا و بقوا صحاب جدا و كل واحد راحه بيته ******************************************** الصبح اسراء.: الوه يا احمد اه نازله اهو هروح القسم احمد: ماشي مستنيكي في كافيه..... اسراء: تمام ماشي و قفلت لقت الفون بيرن تاني و كان مفيش رقم و ردت اسراء بخضه: لاء ارجوووك لاء ************************************ اسراء:...... 😂😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خلصناااا استنوا البارت اللي جاي عاوزه رائيكم في البارت و اتمني يعجبكم #آلگآتبهہ آسـرآء عآدل ❤
