#عشقتك من اول نظره
اسفه علي الغيبه الطويله دي و اتمني البارت يعجبكم
🖤🖤🖤🖤🖤🖤🖤🖤🖤🖤🖤🖤
كانت قاعده بنت في التلاتين من عمرها في جنينه و بتكتب حاجه
اسراء و هي بتكتب في مذكرتها: و بس كده دي تبقي ملخص مغامراتي و حياتي و عيلتي الحلوه اللي بحبها جدا و قفلت المذكره
جت طفله جميله جدا عندها
مريم: يا سوسو يا سوسو الحقي بنتك ايلين ماسكه عمو(عمر) و عماله تضوب(تضرب) فيه جامد
اسراء: ياختتتتتي تعالي نلحقه بسوعه يخربيتك عديتيني يلا بسرعه يا ام نص لسان
وجريوا جوا الفيلا و لقوا ايلين ماسكه و عمر و قاعده عليه و بتضرب فيه
ايلين: و ربنا ما هسيبك يا عمر يا ابن طارق انا تاخد مني اللعبه تحدفها
عمر: و الله و قعت مني ب الغلط و نبي سبيييني يا سسوسووو
اسراء: هييييي يخربيتك يا بت اوعي فطستي الواد يخربيتك
ايلين: وسعي بس حضرتك يا ماما انا لازم اعلم عليه
اسراء: و ايه لازمه حضرتك بقي عرفت اربي فعلا هتعلمي عليه
طارق دخل هو امنيه
امنيه: ايليييين اه يا حيوانه ابني الواد مات
طارق شالها من قفاها زي الحراميه: خدي يا بت قاعده علي ابني و بتضربيه ليه دا انا هشعلقك انتي و امك اللي واقفه زي الهبله دي
ايلين: وسع ايدك ياض يا خالو
طارق: و ايه لازمه خالو بقي ما احنا بنلعب في شارع سوي
اسراء: لاء خالو دي لزوم الاحترام و كده اصل انا قولتلها احترمي خيلانك
طارق: باين الاحترام يا حببتي
امنيه قومت عمر: يا حبيبي يا ابني يا غلبان و انتي يا بت هو محدش مالي عينك ولا ايييه طالعه
ايلين وهي بتهمس ل طارق: هي مراتك ام كوره دي بتزعقلي ليه و الله انزل بس و اجيب عمر من شعره
طارق فضل يضحك
امنيه: انا ام كوره يا اوزعه و انت اضحك اضحك ياض يا خالو اقول ايه طالعه ل امك
اسراء: ايه دا ايه دا مسمحلكيش انا كنت مؤدبه و كيوت دي شبهك انتي و هناء
طارق و امنيه و عمر و مريم و ايلين في نفس الوقت: كييييوت علي ياددددي
اسراء: حساكم مكدبني
طارق: لاء طبعا فاشششر
محمد: انت ماسك بنتي كده ليه ياض
مريم: ايه دا انت كمان عوفت يا عمو محمد
محمد بضحك: انا نفسي افهم الجمله كامله عرفت ايه
طارق: احم لا مفيش حاجه مريم بتهزر ولا ايه يا مريومه ههه
مريم بضحك: اصل ايلين قالتله زيك يا عمو
محمد ضحك: علمت عليك 😂😂
طارق: اه يا ام نص لسان انتي لازم تسيحي
محمد نزل ايلين و خد عمر و وقفهم جنب بعض: ها احكولي ايه اللي حصل قول يا عمر انت الاول
عمر: ولله يا عمو انا كنت بلعب معاها انا و مريم قالت انها اكتر لعبه بتحبها العروسه دي ف مسكتها كنت بشوفها و وقعت مني ب الغلط
ايلين: لاء كداب يا بابا هو حدفها قصد
عمر: لا و الله
امنيه:كان غصب عنه يا مفتريه
اسراء : ابنك اللي غلطان
امنيه: انتي اللي بنتك عاوزه الضرب
مريم: هما الاتنين عاوزين يضوبوا
طارق: انا ابني مش بيغلط
و ابتدوا يتخانقوا تاني
محمد: بااااااس ايه اصالح الكبار ولا الصغيرين اسكتوا و كلكم اسمعوني بصي يا ايلين دلوقتي هو حلف بالله يعني اكيد مش بيكدب مش احنا قولنا ان مفيش حد ينفع يكدب عشان حرام و الكداب بيروح فين
ايلين: النار
محمد: شاطره هو حلف و قولنا مفيش حد يحلف كدب يعني اكيد عمر مش بيكدب صح
ايلين: صح
محمد: و مينفعش نضرب ابن خالنا المفروض نلعب كلنا سوي و نحب بعض صح انتو الاتنين
عمر و ايلين: صح
محمد: يلا صالحوا بعض يلا
عمر: انا اسف
ايلين : و انا كمان اسفه
عمر لسه هيحضنها
محمد مسكه من قفاه: بتعمل ايه ياض
عمر: هصالحها يا عمو
محمد: و الله هو الصلح يعني تحضن معندناش بنات تتحضن
عمرو هو بيشاور بايده علي طارق اللي واقف جنبه: بس بابا قالي اي بت تزعل منك احضنها و بوسها لو حلوه
طارق خطي وشه بايده و نزل ايد عمر
امنيه: هييييييي يومك اسود يا طارق بتعلملي الواد ايه
طارق و هو بيبتسم ب توتر: يا حببتي دا عيل صغير متصدقهوش انتي تصدقي ان انا اقول كده برضو
كلهم في نفس الوقت: اه نصدق
محمود دخل هو و هناء: انتو في موال بتاع كل يوم لسه
مريم: مامي باباي
هناء: حبيبه قلبي هااا يا ايلين ضربتي مين فيهم النهارده
اسراء: واخدين عن بنتي فكرن غلط خالص
محمود: طبعا طبعا احنا ظالمين
محمود و هناء: احنا هنطلع الحاجات اللي جايبنها دي فوق و كل واحد هحط حاجته قدام اوضته
امنيه: اشطا و اناجبتلكم حتت فيلم انما ايه اورجنيك
اسراء: اشطا و انا هحضر الفشار
محمد: و انا هساعدك ببطنك دي
طارق: و نبي ما عارف حاملين مع بعض هما التلاته ازاي الناس تقول علينا متفقين سوي ولا عشان انتو صحاب و كده
اسراء بتريقه: هاهاهاها طارق اخويا دا بيموتني ضحك
و كلهم بصوله و كل واحد راح يكمل الللي عليه
ايلين و عمر و مريم و هما واقفي جنب بعض قدام طارق: كيخ كيخ كيخ شكلك وحششششش
طارق: اه يا ولاد ال
العيال ضحكوا و طلعوا يجروا علي الجنينه
ترن ترن ترن
طارق: الو يا بابا عامل ايه يا دومي يا عسل
ادم: الحمدلله يا ابني و بعدين انا كبرت علي دومي دي
اسراء وهي بتجري ولزقت في ودن طارق
اسراء: ايه يا دومي عامل ايه انت و ماما وحشتوني اوي هبقي اجيلكم انا و ايلين
ادم : كويسين يا حببتي ابقي تعالي انتي و محمد و القرده الصغيره
و ابتدوا يتجمعوا كلهم و يكلموا ادم و سناء و يسلموا عليهم و يهزروا
طارق فتح الكاميرا و اتكلموا فديوا كول
محمد: ايه يا عمي دا انت بقيت شباب خالص احنا نشوفلك عروسه
سناء: اه يا محمد لما اشوفك بس و انا روحت فين يا واد
محمد: و انتي قمر برضو يا حماتي
ادم: بتعاكسها قدامي يلا
محمود و طارق بصوله: و قدام عيالها
محمد: ايه يا جماعه دي عمتي يعني
ادم: قومي يا سناء شوفي اللي علي النار
سناء: يوه نسيت
ادم بسرعه بعد ما قامت: شوفلي عروسه تكون حلوه يا محمد و في العشرينات كده
سناء من جوه: اااااااادم
كلهم ضحكوا
ادم بصوت عالي: ايه قله الادب ديييي يا ولد انا بحب سناء و خلاص كبرت علي الكلام دا
كلهم: طبعاااا اومال
اسراء: مش ناوي تيجي تعيش انت و ماما معانا الفيلا هنا كبيره و احنا حابين كلنا نعيش سوي
ادم: و اسيب البيت اللي في كل زكرياتي ولا انا ولا امك حابين نسيبه و احنا كل فتره بتزىونا و نزركم
محمود: براحتك يا بابا
و بعدين خلصوا المكالمه و سهروا كلهم و اتفرجوا علي الفيلم و طبعا اليوم معداش من غير هزار و ضحك بينهم
وعاشوا كلهم في تبات و نبات و خلفوا صبيان و بنات ههههههه
و انتهت قصه اسراء و شلتها ❤🥺
🖤🖤🖤🖤🖤🖤🖤🖤🖤🖤🖤🖤🖤🖤
عند سلمي في الفجر
سلمي: اه اه يوسف الحقني بولد
يوسف: سبيني خمس دقايق بس
سلمي: خمس دقايق ايييييييييه بقولك بولد
يوسف: طيب يا حببتي نامي و بكره او... ايه بتقولي ايه
سلمي: اااااااااااه الحقني يا ابن المبقعه
يوسف: حاضر حاضر اعمل ايه اعمل ايييه طيب
سلمي: وديني المستشفي يا غببببببببببي
يوسف: اه اه صح المستشفي و مسكها شالها و بعدين نزلها تاني
يوسف: التشيرت نسيته
سلمي.: ااااااه بكرهك يا يوسف بكرهك انت السبب
يوسف: اسكتي يلا هوباااا شالها و جري بيها علي العربيه
يوسف و هو سايق
يوسف و سلمي: اااااااااااه
يوسف: سيبي شعري يا بنت المجنونه هنعمل حادثه
سلمي: اااااه بموت و ربنا هخلص عليك يا يوسف
يوسف: اهدي يا سلمي يا حببتي شهيق زفير شهيق زفير
سلمي: زفير دي تبقي امك
يوسف: كل اللي امي يا سلمي
مسكته منه شعره
يوسف: اااااه امي ماشي يا سلمي
رن علي عمار
عمار: حد يرن في الوقت دا عاوز ايه و ايه صوت الصريخ دا
يوسف: الحقني يا عمار انا بولد قصدي سلمي بتولد
عمار: حاضر جاي بسرعه انا و منه اهو
يوسف: احنا رايحين في المستشفي اللي جنبك انت و ادهم
عمار: تمام هتيجي هتلاقينا هناك
و وصل علي المستشفي فعلا و لقي عمار و منه و ادهم
و ليان مراته
سلمي و هي علي العربيه النقل اللي هدخلها العمليات: اااااااه يا ابن الجزمه بكرههههههك كان يوم اسوووووود
هطلقك يا يوسف هطلقك
يوسف: اسكتي يا بنت المجنونه فضحتيني المستشفي كلها بتضحك علينا و بعدين انتي اللي هطلقيني اااااااااه سيبي ايدي يا بنت العضاضه
الدكتور ادها مخدر و نامت
يوسف: الحمدلله قتلتها يلا نروح بقي
الدكتور بضحك: لاء دا مخدر عادي استاذنك انشاء الله خير
يوسف: الحمدلله اخيرا
منه: اه اه
عمار: اه ايه انتي كمان
منه: اااااااااااااه بولد الحقنييييي
عمار: هو انتي شوفتيها بتولد غيرتي منها ولا ايه
منه: الحقني يا ابن المبقععععععه
يوسف: قابل يا معلم
و دخلت هي كمان اوضه العمليات
ادهم: اوعي يا ليان القيكي بتقولي اه
ليان بضحك: لاء انا لسه في السابع متقلقش بس انا هبقي مسخره كده برضو
ادهم بتريقه: ولا انا هتهزق زيهم ولاد المبقعين ههههه
يوسف و عمار: نبقي نشوف
يوسف: مين قالك هات الواد دا انت تعرفه
عمار: ايه دا انا افتكرته تبعك لاء معرفهوش
ادهم: يا سلام نسيتوني
و فضلوا مستنين
و سلمي جابت مالك و منه جابت يارا و الاتنين كانوا زي القمر
و بهديها بشهرين ولدت ليان نور و كانت عملت في ادهم اكتر من سلمي و منه و عمار و يوسف و منه و سلمي فضلوا يضحكوا و يتريقوا عليه
و عاشوا حياه سعيده كلهم سوي و كل واحد خد نصيبه و حبيبته بعد مشاكل كتير و جابوا اطفال كمان عشان كله يعرف ان اللي ليه نصيب هياخده
🖤🖤🖤🖤🖤🖤🖤🖤🖤🖤🖤🖤🖤🖤
و كده يبقي انتهت قصه سلمي و منه و بقيت الاسره و كده تبقي خلصت الروايه الودااااع
اتمني تشيروا الروايه علي قد ما تقدروا بحبكم جداااااا
الكاتبه: اسراء عادل ❤
