فصلية الضابط

ب١٦

البارت السادس عشر..

ـــــــــــــــــــــــــــــــــــــــــــ
ـــــــــــــــــــــــــــــــــ
ـــــــــــــــــــــــ
ــــــــــــــ
ـــــــ
هيلاوو يله نبدي

حسن...بعد ما صعدت تمارة لغرفتها وسويتلها الكانونه اني مهندس بس افتهم بهاي الاشياء ما اخاف من الدم المهم رحت لغرفتي وكل خطوه امشيها اذكر ملاكي الي اخذت عقلي
وروحي وكلبي امووت بيها ما اتحمل بعدها عني اووف شلون وياها رحت للغرفه وخابرت عليها مرة مرتين ماكو كلت اكيد عدها
شغل لزمت شالها وضليت اشم بي عطرها يموت اووف شحال لو جتي
يمي اموتها والله المهم فتت سبحت غيرت ملابسي وشويه دك جهازي شفته اني كاتب عليها ملاكي ❤ جاوبت

.
.
ملاك...بعد مطلعت تمارة اني رحت لشغلي وهيج ب2 يله كملت اخذت جهازي وشفت حسن متصل عليه ضليت صافنه اتصل لو لا نايم انوب اتصلت بسرعه جاوب...
ـ هلا بملاكي
ـ هلا حسوني شخبارك
ـ يروحلج فدوة حسوني اموت بهل صوت اني طبعا حجيت بكلبي ورديت...تمام من سمعت صوتج وانتي
ـ مممم هم تمام
ـ كملتي شغل
ـ اي كملت
ـ مممم
ـ وانت دسويي
ـ ماسوي شي كاعد جنت متانيج تخابرين
ـ اممم جان عندي شغل افتر عل مرضه
ـ يي ملاكي عادي شغلج ميصير تقصرين بي كل ما اشتغلتي راح تحبين شغلج اكثر
ـ يي شغلي حلو اساعد المرضى ويه الدكاترة كله اشتغل
.....
ملاك...ضلينه نحجي بس مواضيع عاديه المهم مرت الايام يوميه اني وحسن نحجي
ابد ما فد يوم ما حجينه بس اخر فترة قبل لا يتصل يدزلي مسج يكتب هلو شلونج فارغه اتصل لو لا طبعا بالبدايه اني جنت متردده احاجي ابد ما خطر ابالي اتصل عليه بس هوة ميقبل ما ادري ليش
ما انكر اني معجبه بي وبشخصيته قويه من ناحيه الجمال والجسم والشخصيه
فهوة كلش حلو مرات اكول هوة هم معجب بيه لو لا دائما نحجي مكالمه بمواضيع عاديه مرات احسه يلمحلي
بس ما افتهم لشنو احسه يفهمني من اضوج احاجي مرات اخابرة بالنهار اذا اضوج بحجه اسأل عل تمارة عود مشتاقتلها هوة يفتهم ضايجه من نبرة صوتي ويسحب الحجي مني واضل احجيله
بس ابد ما فديوم كتله عل سالفه اهلي انو متبرين مني بس هوة يدري عايشه ويه عمي ابيته اصلن علاقتي ابيت عمي عل كد السلام ب
الاخص من تعينت ممرضه كامو كل
شهر ياخذون راتبي ويسالوني عل ملابسي منيلي وغراضي ومكياجي اكوللهم صديقتي
والدكتورات ينطونياهن عبالك معندي ولا فلس واني راتبي ماشالله مكفيني
وموفيني وهمة ياخذون نصه بس هم مكفيني الي يبقه عندي المهم هسة ب12 باليل اني ابيت عمي ولد عمي
طالعين وعمي كالعاده مكاعد بالبيت هوة ومرته وبنات عمي ب1 يله يرجعن مدري وين يفرن ومن يسألوهن اهلهن يكولن
يم صديقاتنه وعادي عدهم ميحاجوهن انتضرت رساله من حسن ماكو صارت ب1 و 2 ونص وهم ماكو اخر شي ضل بالي يمه خلي اخابرة مو كل مرة هوة يخابر ضليت متردده اخر شي عفته.....
.
.
.
.
حسنن..مرت فترة علاقتي بملاك عاديه مرات احاجيها اوضحلها حبي الها مكاعد تفهمني ليش مدري خجلها برودها مرات تنطلق بالحجي مرات لا تضل بارده تحجي عل كد السؤال اليوم
اني جنت  طالع ويه ابويه للكعده جان رحنا من وكت كملت الكعده رجعنا واني ميت تعب ونعس خابروني اصدقائي نطلع طلعت و رجعت للبيت اني وحسين رجعنا
متاخرين هوة مو بس توئمي اخويه وصديقي كلش مقرب الي اصدقائي اصدقائه ونفس الشي هوة يحجيلي كلشي يصير ويا واني هم بس ما كتله عل ملاك احسه شاك بشي بس يكلي انت شبيك اكله تعبان
ومدري شنو مرت الايام يومين وتلاثه واربعه واكثر مر اسبوع ملاك مخابرت واني مخابرت جنت انتضرها تخابر وماكو اول يوم كلت شغل
بعدين اذكرت عدها
نزول للبيت يعني معدها شغل شبيها هاي ثاني يوم هم مدكت اشتاقيلها كمت اشوف محادثاتنبالنهار
شالها واشم بعطرها اسمع صوتها مسجله للعازه ما اريد اني
اتصل عليها او ادز مسج اريد اشوفها
راح تشتاقلي راح تخابر لو لا  ليش بس اني اخابر لازم هية هم
يعني علاقتنه مثل اصدقاء مو المفروض
تسأل عني اففف مشتاقلها جنت ضايج حيل حتى ما اضحك تمارة اختي ومرت اخويه كلشي تدري عني لاحضت شلون اني ضايج مو
مثل اهلي جنت اضحك بس كدامهم وبالغرفه اضوج حيل حتى بهذا الاسبوعين كمت اصلع من اكعد ساعه ب3 الضهر لحد ال2 باليل ارجع تعبان وريسن انام عمود ما افكر بيها صارت ادماني مرت اسبوعين واني مدمر لحد ما تمارة حجت....
.
.
.
.
.
تمارة..،،،بعد ما نزلت لكيت الكل عده اسد طالع لدوامه اني ما اشتغل هنة البنات يسون الاكل ويشتغلن بتول هية بعدها عروسه بس عل واهس كلمن رجلها
بدوامه رجعو الزلم واني جنت بالغرفه ما اريد غده لان تريكت ساعه ب12 ونص
اجه اسد بدل وطلع بدون ميحجي ولا اي كلمه مر كم يوم شلت الكانونه وضعي شويه تحسن
صرت بس اكل اريد ارجع مثل مجنت كافي حارمه نفسي من الاكل وكلشي
جهازي مدري
وينه هبة حجتلي كلشي صار وياها هيج اني جنت كاعده عل كلبهم بس تمرضت تغيرت حياتهم كلش فرحت لهبة
وبتول هم حجتلي كلشي اني علاقتي بالكل زينه حتى الولد بس علي واسد علي عل كد السلام واسد اصلن ما اسلم عود رجلي هوة 😑
هههههه
قررت اتغير وانتقم علي سوا بيه اسد ما اسمي انتقام بس اريد ادمرة الدمارة نفسه الانتقام مدري بس اريد يشوف نفس الوجع الي حسيته من ضربني والمهدئات والمسكنات الي جنت اخذهن في سبيل الالم الي جنت احسه يروح بس اكيد مو مثل كلبي جنت مجروحه حيللل  
اني مو من البنات الي يدورن الانتقام شكد ما اني قويه واضهر للعالم اني قويه نفس الوقت طيبه كلبي وحنيتي وخوفي وتوتري جان اقوة واكثر من قوتي كلش اكره احد يشوف دموعي من احد يشوفني ابجي اكره روحي واكره الي يشوفني