فصلية الضابط

ب٢٢

البارت الثاني والعشرون

.
.
.
تمارة،،  اجه علي كال مبي شي بس جان مبين عليه خايف
حسين شويه رجعت روحه انطينه ماي وغسل وجها علي شويه احسن  عمتي ام اسد هم شويه احسن
احنا كل شويه وحده من عدنه رايحه عل علي نكله خابر عليهم  وهوة يخابر ويكولوله مابي شي او هوة يكولنه مابي شي
جنه كلنه خايفين لان حسن هوة ضحكت البيت روحه حلوة يضحك ويشاقه ويه الكل يعني فقدانه صعب كلش  مره سألت ايناس
عل محمد الي داخل غيبوبه  يعني شلون طبيعته  هم يضحك ويشاقه لو بس عصبي   كالت لا مثل اسد هم عصبي ويريد يصير مثل اسد جانت تكول شخصيه ومهنة اسد جانت تعجبه حتى من يعصب يصير مثل اسد.. بس حنون وحباب
يعني بالمختصر بس حسن وحسين الي يشاقون ويضحكون علي قليل يشاقه بس كدامنه  جبل هم قليل حسنين لا شويه احسن بس هم ثكيل وقليل كلامه...
خوو حبيب كلبي ونور عيوني وروحي من الدنيه وابويه وامي وحبيبي و زوجي اسد مخلصها علينه بس يضحك ويشاقه ابد ما شفته معصب
احس حميت هواي 😣😑 او بالاحرة ابد مشفته يضحك اريد اشوف سنونه فد مرة ماكو انوب شواربه صايرة عل شفته وثخينه يعني منين ما اجيبها ما اشوف سنونه 😣😹
يعني دايما معصب وعاقد حواجبه اؤؤؤي شكد عصبي..

كل هذا الي صار ويانه واني صافنه يعني كله بسبب ملاك وينج ملاك تعاي شوفي
اني ادري بيها معجبه بحسن ااااه لو تدري بالي دا يصير لحسن يمكن جان ماتت ..

صار العصر محد اتغده علي يمنه معافنه حسين شويه رجع الطبيعته بس يريد يروح للمستشفى ميقبل علي واسد يكله لتجي ويحاجي بعصبيه هوة يحترم اسد او كلهم يحترمون اسد وحتى يسمعون كلامه

اني هم احترمه مو لان اخاف منه 😪 معاش الي يخوفني لو يهزني  ولا احترمه لان زوجي احترمه لان اكبر مني اي مرات اكول هوة زوجي يمكن لهل شي احترمه بس اني متأكده لان هوة اكبر مني

شبيه اليوم اني هواي فكرت بي وبس صافنه
طبعا الناس التمت عبالك فاتحه كرايبهم كوووووومه نسوان وزلم جووي الزلم نص بالمستشفى
هاا عمي مكناله اله رجع من الكعده لان جان عنده كعدنه من كناله بسرعه راح ويا كرايبهم

كووومه كرايبهم كل شويه جايتنه سيارة مليانه زلم ونسوان يبووو شراح يخلصنه اليوم لان همة شيوخ والناس تحمد بيهم جوونه هلكد كل شويه مسلمه عل وحده او عل شله جانن يجن
كومه خالتي كاعده يم النسوان وهنة يواسنها وهية تبجي هدى يمها معافتها
ايناس و اني وهبة وبتول نودي ماي ونجيب الجاي والكعك يكلك فاتحه شكد عدهم كرايب يبووو نسوان كوومه النوب
ذني التافهات جني هم يبووو سحر وسجى بنات عمتهم اني بالكوه كاعده عل اعصابي هنة يتبسبسن ابيناتهن ولا وحده كامت تحركت ويانه نكسرت ايدي واني انطيهن سمم ماي كبر انشاءآلَلَهّ
شويه و خالتي صاحتلي رحت يمها كعدت كالت

ـ يمه متخابريلي عل رجلج اريد اعرف حسن شلون صار
،،،قبل لا احجي نطت سحر وكالت

سحر ـ عمه شنو رجلج هية فصليه يعني مو زوجها
،،ردت اكوم املخها تمالكت نفسي النسوان كلها تتبسبس بس قهرتني لمن كالت فصليه كلت خلي اقهرها كلت واني مبتسمه ولازمه جهاز هبة اتصلت عل اسد قبل لا يجاوب باوعت عليها