عهد الحب... الكاتبة مي ابو علي

الفصل الاول

بسم الله الرحمن الرحيم.. اذكروا الله يا احبائي.... وصلوا علي الهادي المصطفي
ان شاء الله هنزل الفصل الاول من
سلسلة عهد الحب للكاتبة مي ابوعلي
خليكوا معايا.. 💖
************************************************
الابطال..
عهد الشافعي:- بنوتة جميلة بيضة عيونها زيتوني فاتح جسمها ممشوق محجبة متخرجة من كلية الطب وبتشتغل في مستشفي عسكري.. رقيقة جدا شعرها اسود زي الحرير.. يتيمة وعايشة مع جدتها.. دمها خفيف
مازن السيوفي:- شاب اسمراني وسيم لدرجة عالية شعره اسةد لامع.. جسمه رياضي.. ظابط في المخابرات عيونه لونها اسود حادة زي عيون الصقر بيحب صالات الرياضة بيحب شغله ومش بتاع ستات
علي الدمنهوري:-صديق مازن الانتيم وزميله في الشغل.. فكاهي.. جدع عيونة زرقاء وجسمه رياضي.. وعنده حاجة مخبيها..
سارة العالمي:-دكتورة جميلة وصاحبة عهد محجبة عيونها زي الفيروز واسعة وكحيلة شعرها ناعم ولونه بني.. فكاهية متهورة بس طيبة وقلبها كبير بتحب عهد وصاحبتها من زمان..
سليم عياد:-دكتور صيدلي
اية:-صاحبة عهد وسارة
وباقي الشخصيات هنتعرف عليها مع بعض يلا نبدأ...
************************************************
«الفصل الاول»
(في فيلا مازن السيوفي)
عليا بتخبط علي الباب..«عليا بنت جميلة في كلية الحقوق بسيطة علي قد حالها يتيمة وامها هي اللي ربت مازن ووصته عليها قبل ما تموت»
عليا:-مازن... مازن... ميزو.. مازن باشا.. عليا دخلت الوضة مالقتش مازن... بس لمحت شنطة السفر بتاعته قلبها دق بخوف وعرفت ان مازن عنده مهمة في شغله وانه هيسافر حست بإيد علي كتفها ونفس قريب منها بتلف لقته مازن
مازن:-ليه الدموع دي بس يا لولو... مش احنا اتفقنا انك ماتعيطيش.
عليا:-انت مسافر يا ابيه..
مازن:-يا عليا يا حبيبتي دا شغلي وكمان لازم تتعودي علي كدا مش كل عملية اقول نفس الكلام يا عليا
عليا بتهز راسها وبتمسح دموعها وبتقول:-بس اوعدني انك ترجعلي..
مازن:-يا الله يا ولي الصابرين... يا عليا يا حبيبتي انتي عارفة اني مقدرش.. بس ان شاء الله هحاول افضل عايش
عليا بشئ من المرح:-علي فكرة انت لازم ترجعلي الا والمصحف اشنقك... واتفضل سيادتك الفطار جاهز.. يلا علشان الست الوالدة زمانها خللت
مازن:-خللت! منك لله يا بيئة ايه يا بت انت الافاظ دي
عليا:-دا اللي عندي.. ويلا يا عسكري قدامي وبلاش غلبة
مازن مسكها من قفاها وخرج بيها:-عسكري.... انزلي يا بت انت
عليا:-حاضر... حاضر.. بس هات الشنطة. واخدتها ونزلت... مازن كمل لبسه ونزل... لقي امه بتعيط وعليا واقفة جنبها بتهديها
مازن:-لا حول ولا قوة الا بالله جرا ايه يا امي هي كل عملية تعملي كدا.. ماتخافيش ابنك زي القطط بسبع ارواح
جميلة:-انت بتلومني علي ايه يابني.. بتلومني علي خوفي عليك وقلقي مش بإيدي يا بني مش بإيدي.. كل مرة بتخرج شايل روحك علي ايدك انا ماليش غيرك يا مازن
مازن قرب منها وباس ايديها وقالها بحنية:-يا ست الكل حقك عليا ماتزعليش واوعدك اني هرجعلك ان شاء الله.... انتوا بتعملوا الشويتين دول علشان ما افطرش صح..
عليا:-همك علي بطنك انت يا حضرة الظابط
مازن:-بس يا بت انتي اجري العبي بعيد
عليا:-شايفة يا ماما جميلة بيكلمني ازاي
جميلة:-ربنا يخليكم ليا وميحرمنيش منكم ابدا يا رب
مازن:- يلا سلام عليكم
سلم عليهم ومشي....
************************************************
(في بيت عهد)
عهد خلصت لبس واللي. كان عبارة عن بنطلون جنس واسع وبلوزة طويلة وحجاب احمر.. اخدت شنطتها وراحت علي اوضة جدتها تسلم عليها..
عهد بمرح معتاد:-صباح الورد يا نعمتي.... ايه الحلاوة دي لا دا انت بقيتي اصغر مني.. مزة اوي يعني..
انعام:-زي امك الله يرحمها كانت دايما زيك كدا دمها خفيف ومتفاءلة دايما
عهد:-ربنا يرحمها هي وبابا وجدو.... اقوم انا بقي قبل ما وصلة النكد تبدأ وانا اصلا هتنفخ لاني متأخرة علي شغلي
باست علي راس جدتها.. وخرجت تكلم الشغالة اللي بتعتبرها زي امها
عهد:-بت يا صفصف خدي بالك من نعمتي لو اتأخرت اديها الدوا واكليها..وخليها تنام علي طول..ولو حصل حاجة كلميني.
صفية:-ماشي ياست عهد عهد خرجت وقفلت الباب ونزلت قدام البيت تكلم سارة
عهد:-انت فين يا حظي الهباب..
سارة:-انا جاية اهو داخلة ع البيت
عهد:-اخلصي شوية يا سارة اتأخرنا..ووطي الاغاني الزبالة اللي بتسمعيها دي
سارة:-هههههه حاضر بس مالكيش دعوة..سلام وقفلت السكة
سارة بتحب المهرجانات حتي رنة فونها مهرجان
سارة وصلت بيت عهد وعهد ركبت معاعا وراحوا مستشفي فياض اللي بيشتغلوا فيها مؤقتا..ويومهم كان مليان عمليات..
***********************************************
(في المطار)
مازن بيتصل بعلي...وبيبص علي الساعة..علي مش بيرد وفاضل ربع ساعة علي الطيارة علي خايف يرد لان لو رد مازن هيقتله
مازن بزعيق:-انت فين يا زفت بقالي ساعة بكلمك..اتأخرنا يا بيه خلص تعالي...انت فين..
علي بارتباك:-ااانا ووراك يا مازن.
مازن بص وراه لقي علي واقف....راحله بخطوات ثابتة اربكت علي قال بينه وبين نفسه.:- دا صاحبي وانا عارفة والله ليلعب في وشي شطرنج...
مازن:-قدامي يا زفت هنتأخر..
ركبوا الطيارة المفروض ان محدش يعرف انهم ظباط ورايحين مهمة وكدا.....المضيفة جاتلهم بس بهيئة مغرية لكن علي اي حد عدا جوز الاقفال المصدية دول..
المضيفة بدلع:-تحبوا تشربوا حاجة او تاكلوا...شكلوكوا تعبان
علي بيبلع ريقه:-لا ياقشطة شكرا...بقولك سيبك من الجو دا وتعالي ننط من الطيارة..
المضيفة ضحكت وقالت:-هههههه دا انت مصيبة يا اسمك ايه
علي لسة هينطق مازن قاطعه بجدية وقال..
مازن بحزم:-خلاص يا انسة اتفضلي مش عاوزين حاجة شكرا.
المضيفة بحرج:-احم. طيب لما تحتاجوا حاجة قولوا...ومشيت
علي بص لمازن وقاله:-منك لله يا مازن بقي حد يلاقي النعمة ويصدها..دي اربجيه يا بني حرام عليك
مازن:-نعمة دي تبقي امك يا علي...قال اربجيه قال جاتك القرف فيك وفي ذوقك....ثم تعالالي هنا رايح تقولها اسمك يا متخلف عاوز تودينا في داهية..
علي:-والمفروض اني ماقولش صح...«علي عارف بس بيستهبل»
مازن:-علي يا حبيبي اسكت لغاية ما نوصل علشان انا اصلا علي اخري منك فاهم...
علي:-جرا ايه يا سيادة المقدم..
مازن:- يا رب انا عملت ايه في حياتي علشان تبليني بالبلوة دي....اعمل ايه بس..بحبك يا اخي وماليش غيرك
علي رجع ضهره لورا وربع ايده ورا راسه وقال بفخر:-يا بني انا اصلا فخر لاي حد يعرفني.
مازن خبطه علي راسه من ورا وقال:-اتخمد يلا لغاية ما نوصل نام.... علي بصله بصة طويلة وبعدين غمض عيونه ونام
************************************************
(في مستشفي فياض)
عهد قاعدة في مكتبها وبتكلم صفية.
عهد:-ايوة يا صوفي..معلش مش هعرف اجي النهاردة اكلي تيتة واديها الدوا ونيميها...طيب سلام
اية دخلت المكتب عند عهد وقالت:-عهد الدكتور فياض عاوزك انت وسارة انا بدور عليها مش لاقياها خديها بقي وروحيله
عهد:- ماقالش عاوزنا ليه
اية:-عهد انت تعرفي فياض اكتر مني..بس انا برجح يعني علشان التكليف بتاعنا
عهد وهي بتقوم:-طيب رايحاله
عهد خرجت من الاوضة لقت سارة وقالتلها ان فياض عاوزهم وراحوله المكتب
د/فياض:-علي فكرة انا مبسوط منكم اوي يا بنات....وبما ان التكليف بتاعكم دا شئ لازم ولا بد منه فانتوا اتنقلتوا مستشفي تحفة...وانا زعلان طبعا انكم هتسيبونا بس دي القواعد
عهد:-شكرا يا دكتور وان شاء الله نبقي عند حسن ظنك
د/فياض:- انتوا هتتنقلوا المستشفي العسكري اللي تابعة للداخلية
البنتين بصوا لبعض وقالوا في نفس واحد:-الداخلية......

************************************************
To be followed......
عاوزة تواقعاتكم ايه اللي هيحصل الحلقة الجاية والتفاعل كمان ..اللي عاوزينه تقولوه في ال commentsيا ريت يا حبايبي اللي يقرا يسيب اثره الجميل
#MAIO 💖