عهد الحب... الكاتبة مي ابو علي

الفصل السابع من رواية عهد الحب

🌺🌺🌺🌺🌺🌺🌺🌺🌺🌺🌺🌺🌺🌺🌺🌺
«الفصل السابع».. اسفة اني اتأخرت عليكم
مساء الفل والجمال علي اجمل ناس في الكرة الارضية..صلوا علي خير خلق الله..واذكروا الله..
الفصل السابع من سلسلة عهد الحب الروائية/Mai Abo Ali
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
«الفصل السابع»
(في مستشفي فياض)
الصبح مها فاقت من الغيبوبة بتبص حواليها وافتكرت اللي حصل امبارح هي بيتهيألها انه امبارح ولكن في الواقع هي بقالها اكتر من اسبوع في غيبوبة.. كل يوم حسام بينجذب ليها .. عاوزها تفتح عنيها علشان يعرف لونهم ايه.. عاوزها تقوم تتكلم معاه.. حسام حبها حتي وهي ساكتة ما اتكلمتش.. حسام حبها وهي مغمضة عيونها... حسام حبها زي ما هي بس لسة هو مفكر انه لسة بيحب عهد.. بس قلبه خلاص اختار دخل زي كل يوم علشان يطمن عليها لقاها صحيت وبتلف في الاوضة اتنهد لان العلاج هيطول وكمان بقت رحلة صعبة عليه..
حسام:-صباح الجمال حمد الله علي السلامة يا انسة مها.. ايه دا بقي دا احنا احلوينا علي الغيبوبة اهو.. ...مها مش بتتكلم لكن الواضح عليها انها مش طايقة طيفه حتي في الاوضة..كل اللي بتفكر فيه هو مازن ..
حسام:-انا الدكتور بتاعك..اسمي حسام..ممكن تعتبريني اخوكي او صديقكك لغاية ما العلاج يخلص...وخدي الجرس دا معاكي رنيه لما تخسي انك مش قادرة تكملي او بمعني اصح تزهقي مني..
مها اول ما اخدت منه الجرس رنته...حسام مبسوط لان اول رحلة في العلاج بدأت تتجاوب مع مها..
حسام بيتصنع الاحراج:-ياااه زهقتي مني بسرعة كدا..عالعموم انا همشي خايف في مرة ترميني من الشباك ولا حاجة...وخرج عند الباب وقف شوية وبعدين رجع دخل تاني..وقف قدام عيونها وقالها بحنان وهمس..
حسام:-علي فكرة انت اجمل وارق واظرف مريضة انا عرفتها في حياتي..وباس علي ايديها وخرج...مشاعر متلخبطة هي بتحب مازن ولا معجبه بحسام..وحسام تاه من جوا ومن برا..
***********************************************
«في المستشفي العسكري»..
سارة وعهد خلصوا عملية ولسة خارجين من اوضة العمليات..عهد في طريقها لمكتبها لقت ايد بتشدها ناحية اوضة المنظفات اللي في ورا مكتبها بالظبط..حاصرها بينه وبين الحيطة..خطف انفاسها جننها ولخبط مشاعرها ومابقاش فيه ذرة تماسك جواها اكتر...قلبها بيدق..عارفة الصوت والنفس واحساس بيه عمره مايكدب لمعة عيونه غي عيونها
مازن:-وحشتيني ...حرام اللي بيحصلي دا والله..مايصحش اللي بتعمليه فيا دا حرارتي بقت70بسببك
عهد بدلع:-الله وانا مالي..هو انا جيت جنبك
مازن:-انت لو مابطلتيش دلعك دا..انا مش ضامن نفسي هعمل ايه الصراحة..عهد خبطته في كتفه
عهد:-انت قليل الادب يا ميزو.
مازن اخدها في حضنه وباسها في،جبينها
مازن:-قولي،لتيتة اني جاي،بكرة.
عهد:-بجد يا مازن ولا بتهزر..
مازن:-يا دي النيلة عليا وعلي دماغي...كل ما اقولها نتجوز تفكرني بهزر..والله جاي الساعة7كويس
عهد بفرحة:-دا كويس جدا بس انت تيجي
مازن:-مش ملاحظة انك مدلوقة عليا ودا غلط عليا كراجل يعني..ولا ايه..
عهد:-والله دا اللي عندي مدلوقة مش مدلوقة انا لازقة فيك
مازن اخدها في حضنه وهو بيكرر كلمة ❤بحبك ❤..
عهد:-وانا بموت فيك..ماتسوقش فيها بقي كل شوية احضان وبوس...
مازن:-اخرجي يا بت..انا غلطان اني جيتلك...
عهد باسته في خده وجريت
************************************************
سارة قاعدة في مكتبها سرحانة في حالة الحرب اللي كانت فيها من شوية
«Flash Back»
سارة داخلة مكتبها مرهقة وتعبانة فجأة كرسي مكتبها لف..وصدمتها ان اللي علي الكرسي هو علي....
كان فين المددة اللي فاتت دي..ليه كان مختفي...ليه مكانش بيكلمني..
سارة باندفاع:-كنت فين يا علي ومختفي ليه..ولا بترد عليا ولا بتكلمني...رد عليا انا بتقرب اوي وبعدين تجري....قلبي واجعني عليك وكنت واحشني...وبعدين عيونها دمعت..انا بحبك يا علي...قرب منها في قربها بيحس انه بيتنفس سكاكين مسح دموعها... علي اخدها في خضنه:-وانا بعشقك يا قلب علي..انا كان عندي شغل في شرم الشيخ وكان التليفون ممنوع تماما علشان كدا معرفتش اوصلك..ولو كنت كلمتك وانا جاي في الطيارة لو كنت كلمتك ما كنتش صبرت لغاية ما اوصل..
انا تعبان ومحتاج انام..انا لسة نازل من الطياة...هموت وانام...
سارة:-ماشي لما توصل طمني عليك
علي:-بحبك.....
سارة:-وانا كمان 🎻
«Back»
************************************************
«في اسيوط»
فاضل علي فرح يارا اسبوع وكله مشغول وبيجهز للفرح ويارا طلبت من اية تجيبلها حاجة من اوضة سليم هي عارفة ان سليم بياخد دش في الاوضة بس حبت انها تساعده وتخليه يعترف بحبه لآية..لان ببساطة سليم باين عليه اوي وامه لاحظت وكمان يارا...
اية دخلت الاوضة بتخبط..
آية:-سليم...سليم مش هنا الحمد لله فين بقي الـ....وبعدين تشهق بصوت مسموع لما تلاقي سليم خارج من الحمام لابس بنطلون قطني اسود بس
آية بتوتر:-اااانت اازاي تخ..تخرج كدا ممش فيه حريم في البيت انا ليا حساب مع اختك...ولسة هتمشي سليم شدها من ايديها...
سليم بهدوء ونظرة كلها كبرياء:-ايه اللي جابك هنا..اية فلتت ايديها ورجعت خطوة لورا..وهو بيقرب منها بخطوات ثابتة
اية:-سسسليم ما تقربش..
سليم حاصرها بينه وبين الباب جسمه اكبر واضخم من جسمها هو اطول منها قطرات ميا بتقع من شعره علي عيونه اللي زي عيون الصقر وعلي خد اية لانه سند راسه علي راسها..
سليم:-جرا ايه يا دكتورة ما انتي بتدخلي عمليات كتير وبتعدي عليكي ناس بالشكل دا..هي جت علي المريض اللي قدامك اللي حالته بقت متأخرة اوي..
اية عاوزة تصرخ وتقوله كله الا انت يا غبي انت الوحيد اللي مقدرش اشوفه بالشكل دا..معرفش لما بشوفك بيجرالي ايه ارحمني بقي وابعد انا نفسي بيروح..
فاقت علي حركة ايده الصلبة علي خدها الناعم..
اية:-سسليم اابعد ععني.
سليم:-حيرتي قلبي معاكي بقي يا اية..كل دا ومش حاسة بيا..
امه واقفة علي الباب هي ويارا بيصنطوا عليهم..وامه اتأكدت ان ابنها واقع في البنت دي مش بس بيحبها
سليم:-انا بحبك ❤
اية ابتسمت وعيونها لمعت فيها لمعة غريبة فسرها سليم انها مبسوطة
اية:-وانا كمان بحبك اوي يا سليم..بس خايفة مامتك ماتوافقش..خصوصا انه...
سليم:-هششششش انا هكلمها وان شاء الله هتوافق..يلا اخرجي بقي علشان انا عارف يارا دماغها شمال..يلا اخرجي..
يارا وامها مشيوا واية فتحت الباب وخرجت..
اية خرجت من الاوضة والفرحة مش سايعاها هو سليم فعلا قالها فعلا انه بيحبها وهتعيش معاه وجنبه..ولا دا حلم وهي ماشية سرحانة خبطت في يارا
آية:-اااه سوري يا روحي والله ماشوفتك اصلي كنت سرحانة معلش..
يارا بخبث:-سرحانة امممم سرحانة في ايه يا روحي
آية بتهرب من نظراتها:-هااه لا مش حاجة مهمة اصل يعني..اانت هتتجوزي كما اسبوع وككدا وووانا يعني كدا هضطر امشي..مماهو يعني اكيد مش هقعد مع سسليم في بيت واحد...
يارا بمكر:-اه اصدقي فاتتني دي هبقي اشوفلك مكان قريب من المستشفي..
آية بخجل:-ععندك حق... ععن اذنك..
يارا:-اذنك معاكي يا بنيتي...
يا صلاة النبي علي بركة الله.نجوزهم بقي قريب..
سعاد بعتت لسليم علشان عاوزاه في موضوع..
سليم:-في حاجة ياا امي..
سعاد:- اقعد يا ولدي عاوزاكي في موضوع مهم...
************************************************
«في مستشفي فياض»..
مها بقت منطظمة في الجلسات وبقت بطول علي قد ما تقدر مع حسام حالتها اتحسنت ويوم عن يوم بتتحسن وبدأت تتكلم بس بسيط جدا ومكسر...مها تقريبا نسيت مازن ومش بتفكر فيه حسام بيوحشها وعاوزة تشوفه بتحس معاه حاجات عمرها ماحستها مع مازن....بس هو اتأخر ليه...ليه ماجاش لغاية دلوقتي يا تري جراله ايه..اتأخر كدا ليه..
في اللحظة دي دخل حسام بمرحه المعتاد...
حسام:-اتأخرت عليكي..معلش انا اسف اصلي كنت بناقش الرسالة بتاعتي..اللي انت السبب في نجاحي..
مها:-رربنا يو ييوفقك..
حسام:-لا دا احنا بنتحسن اهو..بقولك بما اننا بقينا صحاب يعني ممكن اطلب طلب
مها بابتسامة:-اااتففضل اانا سسامعاك.
حسام:-انا بقالي كتير الدكتور بتاعك تعالي نبدل وتبقي الدكتور بتاعي وانا المريض
مها ضحكت برقة هزت عرش قلبه..هو حبها ايوة حسام حبها وعشقها بجنون كمان بس لسة هي مفكرة انه بيحب عهد بس هو في الحقيقة ماكانش بيحب عهد هو كان بيستلطفها بس..
حسام:-هاا هتساعديني ولا ايه..
مها:-مماشي
حسام:-طيب قومي بقي من علي السرير دا وتعالي مكاني علي الكرسي..
وفعلا عملت اللي هو قالها ايه..
حسام نايم علي السرير وبيتكلم
حسام:-بصي يا دكتورة انا حالتي صعبة اوي والله...من كام يوم شقتي المهجورة دي دخلها حد نضفها وطرد العنكبوت والخفافيش ونورها بعد ما كانت ضلمة بقت جنة..واللي دخلها دا حلف انه مش هيخرج
مها مش مركزة غير علي عيونه اللي بتهرب من عيونها وحركة شفايفه اللي متابعاها بشغف واستمتاع وبتقول لنفسها..
هو ازاي جميل كدا..كل دا حب في قلبك لعهد..يابختك يا عهد...يا ربي هو ليه انا قلبي دايما بيحب اللي مش بيحبوه ليه الوجع دا يا رب..كفاية الم بقي يا رب..كمان جاي يكلمني عن حبيبته..حتي مازن حب عهد..ليه هي اجمل مني في ايه
فاقت علي صوت حسام ولمست ايده اللي نفضتها من مكانها قامت وقفت والدموع في عنيها:-مها مالك انا قولتلك حاجة دايقتك....
مها وقفت بعيد عند الشباك..حسام قلبه وجعه علشان وجعها هي افتكرته بيتكلم علي عهد..
مها:-ليه عهد يا حسام..ليه كلكوا بتحبوها..هي اجمل مني..انا عمري ما اذيت حد...انت حبيت عهد صح..
حسام اتأكد انها فعلا بتحبه بس قوانين مهنته بتمنعه انه يقيم علاقة مع المريض بتاعه بس يعمل ايه القلب دا مش بإيدينا..
حسام:-اهدي يا مها ارجوكي..واخدها في حضنه...انت ما تعرفيش دموعك دي غالية عندي قد ايه وكمان بتقطعني من جوايا..خرجها من حضنه وبعدين مسح دموعها وباسها علي راسها
حسام:-انا منكرش اني كنت معجب بعهد بس انا دلوقتي في قلبي اجمل وارق واحلي بنوته في العالم..انت يا مها..ايوة انا بحبك..
مها:-ببجد ييا حسام
حسام:-انا بحبك بس بلاش حد يعرف لغاية ما تخرجي لانه مايصحش نبقي علي علاقة ببعض وانت لسة المريض بتاعي..
مها براحة:-عيوني يا عيوني.. هو انا هخرج امتا
حسام:-بكرا لو حبيتي
مها:-يا ريت والنبي يا سومي علشان انا زهقت اوي..
حسام:-احييه عليا وعلي امي... سومي بضيع يا وديع وانت مش حاسس..
مها:-انت مصيبة يا حس..
حسام باس راسها بحبك اوى اوى يا اجمل مها في الدنيا..
مها:-انا بموت في امك.. هههههههه..
حسام:-ابوس ايدك ماتضحكيش تاني علشان دكتور الاعصاب هيكسب من ورايا دهب..
مها ارتاحت في حضنه وبتتاوب:-حسام نيمني.
حسام:-احم مها... مها..
مها:-امممم
حسام:-احيييه...وشالها نيمها في سريرها وغطاها وقفل الباب وخرج..
************************************************
«في بيت عهد»
عهد لابسة dress ابيض وحجاب اسود وميكب خفيف..
صفية:-الف مبروك يا دودو..
عهد:-ربنا يكرمك يا صوفي يا رب
مازن:-احم..ممكن يا طنط اخد عهد اتكلم معاها في التراس شوية..
انعام:-ممكن يا حبيبي اتفضل...مازن اخدها وخرج..
انعام بصت لعاليا:-عقبالك يا لولو..
عاليا بكسوف:-تسلميلي يا طنط..
مازن واقف قريب جدا من عهد وبيبص في عيونها بحب العالم كله....
عهد:-هتفضل تبصلي كدا كتير..
مازن:-براحتي
عهد:-لا يا راجل..مازن ضحك و اخد اديها وباسها
وقالها:-من يوم ما عرفتك وانا كل حاجة في حاتي متلخبطة مافيش حاجة مظبوطة غير ساعتي دي...حتي نفسي و نبض قلبي
عهد:-وانا من يوم ما شوفتك وانا نفسي اشقطك الصراحة..
مازن:-تشقطيني...انت متأكدة انك عهد..
عهد:-طبعا عهد..هههههههه
مازن:-عهد عليا يا عهدي اعيشك احسن عروسة واسعد ست في الدنيا وهشيلك جوا عيوني..بس احنا نتفق علي الصراحة..
عهد:-حاضر يا روح قلبي
مازن اتنهد:-عهد انا عندي عملية بكرا في فرنسا..اسف اني ماقولتش بس انا لسة عارف معلش سامحيني...
عهد قلبها اتقبض وبلعت ريقها بصعوبة:-..عملية ووكمان بكرا
مازن اخدها في حضنه..
عهد:-هترجعلي مش كدا..
مازن:-حااضر..
......
سارة قاعدة في اوضتها حست بخبط في تراس الاوضة قامت خرجت علشان تشوف في ايه ما لقتش حد وهي داخلة في ايد كتمت نفسها...
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
To be followed...
#MAIO
.دعمكم بقي يا حبايبي والله انا بتعب جدا في الحاجات دي عاوزة دعمك بلايك او كومنت 😍😍