عهد الحب... الكاتبة مي ابو علي

الفصل التاسع❤

هننزل بالفصل التاسع من سلسلة عهد الحب يا قمرات خليكم معايا..
الروائية/ مي ابوعلي  ϺÃĮỖ
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
حسام في بيت مها بيطلبها من مامتها..
سميرة:-واحنا يبني بنشتري راجل وكفاية انك كنت سبب في علاجها..
حسام:-حضرتك هي السبب في علاجي..مها دي هدية ربنا بعتهالي..انا مش هكدب عليكي انا فعلا حبيتها لدرجة اني مش شايف غيرها ام لولادي...مش شايف نفسي عريس في الكوشة الا وهي جنبي...انا بعشقها 🥰..
مها واقفة ورا الباب فرحانة ومبسوطةبتقارن حب حسام ليها وحبها لمازن..بس في الاخر عرفت ان مازن لعهد وانه بيحب عهد زي ما حسام بيحبها ويمكن اكتر..حسام مشي وسميرة طلعتلها الاوضة..
سميرة:-بتحبيه اوي كدا يا ماما
مها:-اوي اوي يا ماما انت مش متخيلة انا فرحانة قد ايه..
سميرة:-ربنا يسعدك ويفرح قلبك يارب تصبحي علي خير..
مها:-وانت من اهل الخير يا حبيبتي
******************************************************************
مازن وعلي سافروا من غير ما يقولوا لسارة وعهد وحتي ماسلموش عليهم...عهد وسارة في المستشفي ومازن وعلي بقالهم اكتر من اسبوع محدش يعرف عنهم حاجة...
عهد:-والله حرام اللي بتعمله فيا دا يا مازن ازاي ماتكلمنيش كل الفترة دي هونت عليك..وبعدين لاحظت ان سارة مش معاها سارة...سارة وبعدين قربت منها وهزتها ايه يا بنتي مالك..
سارة:-مش عارفة قلبي مقبوض اوي حاسة ان علي جراله حاجه...
عهد:-ليه بتقولي كدا ان شاء الله خير يا بنتي.اكيد هما كويسين ما تقلقيش ان شاء الله خير..
سارة:-يا رب انا هروح مش هقدر اشتغل النهاردة..
سارة روحت البيت وجدها كان بيتغدي نده عليها تاكل...بس هي فضلت سرحانة ومش بتاكل وبعدين قامت...
******************************************************************
علي ومازن بيصلوا جماعة وخلصوا صلاة وفضلوا يدعوا ربنا انه يوفقهم...الدنيا مقلوبة عليهم علي قتل خمسة ومازن قتل سبعة من افراد العصابة وفاضل اهم واصعب واحد والعملية دي خطيرة والشخص الاخير دا مش سهل وعنده حراسة كتير وشدد الحراسة بعد اللي اتقتلوا واللي كانوا اكفأ رجالته...في الاوضة بتاعتهم بيجهزوا...
مازن:-جاهز يا بطل..
علي بابتسامة ثقة:-اتولدت جاهز...مازن لو جرالي حاجة سلملي علي سارة وقولها اني بحبها اوي وكنت هتقدملها لما ارجع مصر بـ....مازن قاطعه....
مازن:-بس يا عبيط انت..ان شاء الله نرجع سوا..وانا كمان هوصيك لو ما رجعتش خد بالك من امي واختي...ووو بعيدن ملامحه اتغيرت للغيرة وقال:- يلا بينا..
علي:-كنت هتقولي حاجة علي عهد..
مازن:-ايوة ومش هقولهالك علشان بحبك ومش عايز اكرهك..يلا نمشي وحضنوا بعض ونزلوا علشان يصفوا الشخص الاخير دا...
وصلوا القصر و شوشوا ع الكاميرات كل واحد فيهم راح في اتجاه..كل واحد منهم معاه جهاز تتبع علشان لو واحد منهم تاه التاني يلاقيه..مازن خلص على اخر واحد كان بيهاجمه بص وراه لقي ناس كتير هو قتلهم لوحده..قال لنفسه:-.ياااه دا انا سفاح الواد علي راح فين..وراح يدور على علي
مازن دور عليه في كل القصر مش لاقيه وبقي بيدور زي المجنون.. صديق طفولة ومراهقة وشباب اكتر من اخ  بيجري وبيفتكر كل لحظة ليهم سوا  اتبعتتله ماسدج على الفون بتاعه مكتوب فيها الآتي...
«حبيبك معانا في الحفظ والصون لو عاوزه تعالي واهو حتي تبقي صاحب صاحبك زي مابيقولوا اااه وكمان ملحوظة صاحبك مصاب وبينزف جامد وياتلحقه يا متلحقوش انت حر واحسنلك تيجي من غير القوة ومن غير ما تبلغ حد..تليفونك مراقبينه..سلام يا غول..»
مازن اتجنن اكتر وبقي بيلف حوالين نفسه ومش عارف يعمل ايه حتي تليفونه متراقب..راح علي تليفون في الشارع يتكلم منه...
مازن:-عهد انا مازن.
عهد:-مازن انت بتتكلم منين وفينك وليه مش بتكلمني كل دا..
مازن:-مش وقته خالص يا عهد اسمعيني...حكالها علي كل اللي حصلهم وطلب منها تروح لسيادة اللواء حازم...
عهد:-خلاص فهمتك انا هروحله حالا..
مازن:-خلاص خدي بالك من نفسك..ادعيلي يا عهد سلام..
راح ع المكان اللي بيجهزوا فيه واخد اسلحته والجهاز اللي هيتتبع بيه مكان علي..وركب عربية ومشي..
******************************************************************
عهد راحت لحازم وكلمت سارة وراحتلها...
سارة اتنفضت من مكانها وهي بتبكي بهستيرية...
سارة:-علييي لا يا عهد انا هسافرله..
عهد:-تسافريله فين انت هبله..مازن معاه مش هيسيبه..
سارة:-انت بتقولي كدا علشان مش حاسة اللي انا فيه..علي بينزف ومافيش حد معاه..اوعي من طريقي خليني اروحله...
عهد بتمنعها بالقوة:-انت تعرفي مكانه علشان تروحيله ايه العبط دا..
سارة:-هسأل عنه..
عهد:-اهدي يا حبيبتي..
******************************************************************
حسام ومها قاعدين مع بعض قاعدة رومانتيك لأقصي درجة
حسام:-انا بحبك اوي يا مها
مها:-يعني مش بتحب عهد..
حسام اتنهد بيأس:-يا روحي صدقيني عمري ماحبتها انا بحبك انت..عمري ماحسيت معاها اللي بحسه معاكي...يا حبيبتي لازم تنسي ان كان فيه حد اسمه عهد مر في حياتنا..انت اللي كل مرة تفكريني بيها...
مها:-اسفة بس انا بخاف انك تسيبني او تندم انك حبيتني...
حسام باس اديها ومسح علي وشها وقالها
انا بحبك..ومش هتجوز غيرك..وهعيش ليكي انت بس ♥️🥰
******************************************************************
«في مستشفي فياض»
عاليا صحيت من النوم لقت انس نايم علي الكرسي اللي جنبها وغطسان في النوم كأنه مانمش بقاله شهر..فضلت تحقق فيه وفي ملامحه الرجلولية الهادية وجسمه الرياضي...قررت  انها تبطل الوش الخشب معاه وتعامله كويس كمان كفاية انه بيسهر طول الليل علشانها
انس بيصحي من النوم عاليا غمضت عنيها وعملت فيها نايمة..انس قرب من سريرها ومسح بايده علي راسها وباسها في جبينها وقال..
انس:-صباح الخير ياللي طيرتي النوم من عيني وسهرتيني وخلتيني.اكذب واقعدك في المستشفي.. ااه يا مهلكة ايه الجمال اللي يخبل دا..بس لسانك دا وحياة امك لقصه واعلمك الادب..هتجوزك يا مجنونة...
وخرج فتحت عيونها وكانت فرحانة جدا...🥰
******************************************************************
«في أسيوط»
سعاد كانت هلكانة من الفرح دخلت تنام..اما سليم فكان نايم واية فضلت صاحية تصلي وتدعي ان سليم يكون من نصيبها ونامت ع المصلية وسابت الباب مفتوح...سليم صحي علشان يصلي الفجر لقي باب اوضتها مفتوح ومنورة قرب من الاوضة بحذر لقاها نايمة ع المصلية و باين انها هلكانه دخل الاوضة وشالها من ع الارض وحطها في سريرها وقفل الباب وخرج قابل امه بعد ما خلصت صلاتها...
سعاد:-ربنا يسعدك يابني ويفرح قلبك..
سليم:-امين يا امي يا رب...
سعاد بمكر:-نيمتها وغطيتها كويس....
سليم:-هااا ممين تق... وبلع ريقه تقصدي مين..
سعاد:-له ما اقصدش...
سليم بحرج من امه..:-صديقيني يماا..
سعاد بحزم:-من غير ولا كلمة يا ولدي.. انا عارفة انك عتحبها وعاوز تتجوزها دلوق قبل بكرة..بس اصبر شوي يا ولدي السبوع الجاي تكتب كتابك عليها..يلا روح صلي وهم اطلع ريح شوية قبل ما تروح الشغل..
سليم:-حاضر
سعاد بمرح:-هم يا ولد..
******************************************************************مازن وصل للمكان اللي فيه علي دخل لقي علي مربوط وكمان نزف كتير بس لسة فايق وصاحي مازن قرب منه وفكه ولسة بيقومه لقي الراجل اللي المفروض يقتله واقف قدامه
&:-ايه يا سيادة المقدم هو دخول الحمام زي خروجه ولا ايه انا مقدرش اخليك تخرج الا بواجبك...واللي حصل لصاحبك دا قرصة ودن بس...مازن قعد علي ع الكرسي وقرب من الراجل ضربه بوكس👊عوجله فكه الراجل بص لمازن بضيق ونزلوا في بعض ضرب مازن بعد عنه وهو بينهج.وقال:-..عمرالباطل ما قضي علي حق وانت باطل وهتموت يعني هتموت..
&:-يعجبني ثقتك في نفسك اوي يا غول... وقام وقف وقرب من مازن بس ما بتفهمش وخرج المسدس بتاعه ووجهه ناحية مازن...وفي نفس اللحظة خرجت طلقة من مسدس علي خلصت علي الراجل دا
علي بصوت متقطع...:-اللي يمس اخويا انا اللي هقتلله..ووقع منه المسدس ووقع علي على ركبته...مازن جري عليه وشاله وخرج علي الطيارة اللي كان مجهزهالهم الجيش علشان يروحوا بيها  المطار...وصل مطار باريس لقي سارة واقفة هناك....
مازن:-سارة؟؟بتعملي ايه هنا
          «ƑĹÃŜĤ βÃČЌ»
سارة رايحة جاية في المكتب
عهد:-يا بنتي اقعدي مازن ماهو لسة مطمنك اهدي بقي واقعدي...
سارة:-بقاله ساعة قايل انه وصله ولغاية دلوقتى مافيش اخبار..
عهد قامت اخدتها في حضنها.. اهدي واقعدي يا حبيبتي بقي... سارة قعدت شوية ويدوب عهد ادتها ضهرها جريت علي برة .. وهي خارجة سمعت عسكري من اللي هما مفروض رايحين لمازن وعلي..
العسكري:- يلا بسرعة علشان لو اتأخرنا علي مازن باشا هيقتلنا وشافتهم بيركبوا عربية راحت واستخبت في الصندوق اللي كان فيها عهد خرجت تدور عليها مالقتهاش
            «βÃČЌ» 
مازن:-يعني مافيش حد يعرف انك هنا ولا حتي عهد!..
سارة مسهمة:-فين علي
مازن:-جوا تعالي..يا سعد خد الدكتورة وديها لعلي..ومشيت معاه..
******************************************************************عهد رايحة جاية في مكتبها وقلقانة علي سارة وفونها خارج التغطية وبعدين فونها رن لقته جد سارة وفضلت مترددة ترد ولا لا وبعدين ردت..
عهد:-الو ايوة يا اونكل..
فايز:-سارة فين يا عهد تليفونها مقفول..
عهد بتردد:-اااااصل سسارة..سارة عندها عملية دلوقتي ومركزة فيها اوي..
فايز بشك:-وليه انت برة العمليات...وليه سارة  مش معاكي...
عهد:-لا ما هو اناكنت بكلم جدتي اطمنها عليا...ايوة يا دكتور جاية اهو..سلام بقي يا عمو..
اووووووف منك لله يا سارة روحتي فين بس..شوية فونها رن تاني..
عهد:-ايوة
مازن:-انا مازن..
عهد:-مازن حبيبي انت فين دلوقتي سارة اختفت ومش لاقياها...وجدها خارب الدنيا هنا..ووو
مازن:-اهدي.اهدي يا حبيبي سارة معايا هنا في المطار..
عهد:-بجد طيب. طيب قدامكم كتير...
مازن:-لا احنا في مطار القاهرة..انا بكلمك من خطي المصري..ما لحظتيش..
عهد:-والله متلغبطه...وسكتت شوية وبعدين قالت...انت قولت ايه انتوا هنا في مصر مالحقش يرد لقاها قفلت السكة...
مازن:-هو في ايه..
ŤỖ βẸ ƑỖĹĹỖŴẸĎ
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸