عهد الحب... الكاتبة مي ابو علي

الفصل الخامس🤎🤎

عااااااجل.. يلا ننزل بالفصل الجديد... دعمكم يا قمراتي 💖💖صلوا علي من اشرق الكون بنوره
الفصل الخامس من سلسلة عهد الحب..
الروائية /مي ابوعلي..
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
«الفصل الخامس »
الليلة عدت طويلة ومؤلمة علي ناس وجميلة وممتعة علي ناس تانيين... الم وامل نفس الحروف ولكن المعني بيتغير...
قبل ماسارة تروح تقابل علي عهد طلبت منها انها تبقي تحصلها علي المستشفي بس سارة بقالها 3 ايام مش بتروح المستشفي.. الطبيعي ان عهد تقلق عليها... قررت انها تروح البيت وتكلمها بعد ما تخلص شغل.. ويدوب دخلت من باب البيت لقت ايد بتشدها وتركنها علي الحيط اللي وراها بس ايده ورا ضهرها علشان ما تتخبطش.. ومين غيره.. مازن خاطف قلبها وانفاسها.. مازن اللي شغل تفكيرها واحتل حياتها... مازن ابو عيون رمادي زي عيون القطط.. بس مازن مش قطة مازن وحش مفترس اسد بري شرس... عيونهم متعلقة في عيون بعض...
مازن بصوت عاشق ولهان تاه في متاهة حبها العميقة ومعرفش يطلع منها..
مازن:-وحشتيني.. وحشتيني اووي اووي يا عهدي... اهون عليكي كل دا ماتكلمينيش علشان ايه كل دا... انا مش بحب مها.. انا بحب عهد..
عهد دابت معاه وغمضت عيونها ونفسها عالي ضربات قلبها بتزيد عاوزاه يبعد علشان تهدي الحرب اللي جواها دي.. ونفس الوقت مش عاوزاه يبعد علشان بتتعذب في بعده..
مازن ماقدرش يتماسك اكتر من كدا..الطفلة اللي هو بيحبها دي جننته قرب من شفايفها وباسها بكل حبه واشتياقه ليها...عهد اتصدمت في الاول لكنها استسلمت لهجوم مازن الضاري..وهو حس بنفسه وانب نفسه من امتا هو بالاستسلام والضعف دا بعد عنها وهو بيجاهد نفسه سند راسه علي راسها وقال بصوت متقطع وهو بيملس بإيده علي شفايفها
مازن بصوت متهدج:-سامحيني يا عهدي اوعدك مش هتكرر تاني الا لما تكوني في بيتي وحلالي..بس غصب عني ازاي اقف قدامك وماضعفش يا عهدي
عهد فاقت لنفسها وانبت نفسها بقوه...كنت فين يا عقلي وسايبني اغرق..قولتلك كذا مرة ماتسيبش قلبي يحركك ياعقلي..ليه بقيت ضعيف كدا وماعندكش شخصيه..بيقول عليا ايه دلوقتي..بصت في عيونه وقالت بصوت حنين هز عرش قلبه..
عهد:-هسامحك المرادي بس...لكن المرة الجاية اقسم بالله هقتلك واريح الدنيا منك فاهم..
مازن بابتسامة:-فاهم يا قمري..وبعدين عقد حاجبه وقال بغضب:-وبعدين تعاليلي هنا اما قولك مين اللي كنت واقفة معاه.دا..اصل كنت ملاحظ حالة من التفاهم بينكم كدا مش طبيعية..
عهد بتهكم:-لا ابدا دا كان مريض عندي وبيشكرني بس..
مازن بغضب حانق:-عهد اتعدلي الا اقسم بالله هزرفك قلم هخلي وشك دا مش باينله ملامح فاهمة...
عهد قربت منه وهمست في ودنه:-بحبك..وبحب غيرتك دي
وبعدين رجعت لورا وابتسمت
مازن:-بت انت في.خلال فمتو ثانية تكوني فوق انت فاهمة انا علي اخري هااا وعقلي بيصورلى حاجات هموت واعملها..
عهد مشيت بخفة من قدام سي مازن وبعتتله بوسه علي الهوا:-تصبح علي خير.
مازن خرج ركب عربيته وطار علي شغله...
              (كفاية قلة ادب بقي كدا😂😂)
*****"******************************************
«في اسيوط»
اية بقالها اسبوع في المستشفي في اسيوط..وكل يوم بتسمع نفس الاسم اللي بيرن في ارجاء المستشفي..الدكتور سليم عياد...هي شافت دكتور سليم اكتر من مرة بس ماحصلش اختلاط قبل كدا...دايما بتراقبه من بعيد..وسيم وجان لابس نظارة..دكتور جراح...شيك خالص وكأي شاب بيهتم بلياقته وجسمه..صعيدي بس مش قفل متحضر جدا...ودرس في جامعة Oxford فى امريكا.....في وقت الاستراحة..اية واقفة عند  Coffee Machine بتعمل قهوة..دكتور سليم داخل الاستراحة بس قالع النظارة وبيمسحها...وماشافش اية..فخبط فيها ووقع شوية قهوة علي البالطو بتاعها...لفتله بغضب وقالت بصوت عالي:-مش تفتح يا اعمي...ايه هوا انا مش شايفني...
سليم لبس نظارته..وشاف الاية اللي نزلت من عند ربنا...بنت زي الملاك لابسة حجاب ابيض مع بشرتها الثلجي وعيونها اللي زي لون الشجر في عز  الربيع.....
سليم:-انا اسف يا انسة ماكانش قصدي والله..ما خدتش بالي.
اية:-لا ابقي خده المرة الجاية يا كابتن..دا ايه التلاقيح اللي علي الصبح دي .. وسع كدا..وزقته في صدره وهو وسعلها وعدت..
سليم بابتسامة:-البت دي يا اما مچنونة...يا اما مچنونة..بس قمر يخربيتها..هي دي بقي اية الدكتور الچديدة..ههههههههههههه يا اهلا وسهلا يا كتورة..
************************************************
علي بقي بياخد مهمات كتير علشان يجبر نفسه انه يبعد عن سارة....وهي.حالتها بتدهور..ومش بتروح الشغل..عهد كلمتها كتير وهي مش بترد...10ايام مش بتشوفها ولا راضية تكلمها..فقررت تروحلها البيت...الشغالة فتحتلها..
عهد:-سارة فين يا مني...
مني بحزن:-قافلة علي نفسها بقالها 10 ايام.ولا اكل ولا شرب..انا خايفة عليها اوي يا عهد..
عهد:-طيب اونكل فايز فين...
مني:-سافر ولسة قدامه 5 ايام عبال مايرجع..
عهد:-اه طيب اعمليلي لمون وطلعيهولي فوق..لانها اكيد هتحرق دمي...
مني:-حاضر...عهد سابتها وطلعت لسارة الاوضة..خبطت وفتحت الباب ودخلت...لقت سارة حالتها غير ماكانت متصورة
عهد:-سارة حبيبتي ايه اللي حصل وليه عاملة في نفسك كدا يا بنتي..
سارة بدموع:-ياااه يا عهد اتأخرتي عليا اوي..بقالي كتير مستنياكي عهد بتأنيب لنفسها:-صدقيني بقالي كتير بكلمك بس انت ماكنتيش بتردي...سارةايه الي حصلك..انت قابلتي علي.مش كدا
...صوت عياطها علي وشهاقاتها زادت...وصوت وجعها بقي عالي:-قالي مانفعكيش يا عهد..كسرلي قلبي...وجعلي قلبي ولخبطلي حياتي..افتكرته بيقربلي لانه بيحبني...امال قرب ليه..كسرني لييه..
عهد:-اهدي يا حبيبتي..ماتفكريش فيه دلوقتي واحكيلي اللي حصل..
************************************************
مازن:-غلط...غلط يا علي ليه عملت كدا...
علي:- خلاص بقي يا مازن ماتقطمنيش بقي يا اخي..انا معرفش لوحكتلها ايه اللي حصلي هتفهمني ولا هتسبيني خايف اتجرح تاني يا مازن...انا اصلا ماحبتهاش..
مازن:-انت كداب يا علي..انت بتحبها..انت بتموت فيها كمان...
علي:-ايوة بحبها يا مازن...وايوة تعبان من غيرها بس دا الحل الوحيد..
مازن بغضب:-يا غبي افهم..عهد هي اللي.كلمتني وخلتني اجيلك....سارة حالتها زي الزفت..ومش بتروح شغلها....ولما انت هتبعد كنت بتقرب منها ليه وتروح المستشفي..وتتحجج بألف حجة علشان تروحلها ...تعرف يلا انت اصلا ماتستهلهاش..ولا تستاهل حبها ليك..انت كفاية عليك الضلمة اللي انت حابس نفسك فيها ومش عاوز تخرج منها...واحدة في.جمال سارة ورقتها دي خسارة فيك يا علي....
مازن تعمد يقول كدا علشان يفوقه وكمان شاف الغيرة اكلت قلبه وبانت في عنيه..
علي:-انا مااسمحلكش تتكلم عليها كدا..
مازن وهو بيلم حاجاته من علي الترابيزة..:-يا اخي بلا تسمح بلا ماتسمحش..حيوان وغبي..خرج ورزع الباب وراه...علي قعد علي الكنبة بتعب وكلام مازن رجع يرن في ودنه...
************************************************
عهد كلمت مازن...
عهد:-هاا عملت اللي اتفقنا عليه..
مازن:-عيب.عليكي تسأليني السؤال دا..دا انا فلفلته وخليته هيفرقع..لازم التاتش بتاع السيوفي..انا واقف هشوفه هيطلع ولا لا بس هو متردد...
عهد:-انامش فاهمة حاجة انت عملت ايه...
مازن بتهكم:-فضلت اتغزل فيها واقوله كلام يخليه يغير....
مازن حس ان عهد هتفرقع..
مازن:-عهد انت سامعاني..
عهد بغيظ:-اقفل يا مازن علشان انت بتولع فيا انا مش في علي ليلتك سودا بس امااشوفك سلام...
وقفلت السكة
مازن ضحك علي طفولتها واتنهد ورجع ضهره لورا بيراقب علي هيطلع لسارة ولا لأ
*************"**********************************
اية روحت من المستشفي لقت بيتها متبهدل وشنتطها اتسرقت اللي فيها هدومها وكمان فلوسها اللي جايباها معاها من القاهرة...
خرجت علي الطريق وقفت هناك بتبص يمين وشمال...سليم راكب عربيته وبيقرب لقي بنوتة واقفة قرب لقاها اية...نزل وقرب منها..
سليم:-في حاچة يا دكتورة...
اية بتأفف:-مافيش حاجة انت بتطلعلي منين..
سليم:-اصدقي انا غلطان..اتفضلي خليكي واقفة وخلي الديابة تاكلك...
اية جريت بخوف واتعلقت في دراعه:-بجد يعني في ديابة وكدا.
.سليم بيكتم ضحكته:-ايوة طبعا وبعدين سيبيني انت مالك ماسكاني زي اللي ماسك حرامي غسيل...
اية سابته وبعدت..
سليم:-مش بس ديابة ممكن حرامية كمان يطلعوا عليكي وتخيلي بقي انت لوحدك هنا هيتعمل فيكي ايه....
اية ضربته في صدره:-انت قليل الادب ومش محترم...
سليم بيعدل نضارته:-انا فعلا قليل الادب اني وقفتلك سلام..
اية:-معلش استني..انا فلوسي وهدومي اتسرقت ومعرفش حد هنا غير واحدة صاحبتي  ومعرفش بيتها...
سليم:-طيب تعالي معايا البيت..
اية:-انت فعلا انسان مش محترم ازاي تقولي كدا انت فاكرني ايه دي مش اخلاق دكتور علي فكرة..وكمان مسلم...
سليم حط ايده علي بقها..
سليم:-هشششششش ايه ماسورة وانفجرت..انا مش لوحدي في البيت..معايا امي واختي..والشغالين..وانا اغلب الوقت برا
اية:-اممممم..سليم شال ايده من علي بقها ولسة ملمس شفايفها الناعم اسير ايديه..
اية:-كنت هتموتني..اوعي تكون بتكذب..
سليم:-لا ياختي مابكذبش..ويلا علشان نمشي بقي..
اي ركبت معاه العربية ومشيو سوا
************************************************
مازن روح لقي امه بتقرا في المصحف قعد جنبها وباس ايديها
مازن:-ازيك يا ست الكل..
جميلة:-ازيك يا حبيبي..كويس انك جيت انا عاوزاك في موضوع مهم جدا
مازن:-والموضوع مايتأجلش لبكرا يا امي ..بكرا الجمعة وانا معاكي..
جميلة:-لا لازم دلوقتي علشان اخلص ضميري والقرار ليك يا حبيبي انا مش هغصبك..
مازن:-في ايه يا امي قلقتيني..
جميلة مسكت ايده:-انا حاسة بيك يابني وعارفة انك بتحب البنت الدكتورة اللي كانت في المستشفي..بس انت مابصتش حواليك يا مازن..مها..مها بتحبك من لما كنتوا صغيرين..
مازن:-يا امي انا عمري ماوعدت مها بحاجة انا معرفتش احبها اعمل ايه يعني...وصدقيني هي مش بتحبني دا مجرد تعود..انا بحب عهد يا امي..
جميلة ابتسمت:-انا فاهماك يا حبيبي ربنا يسعدك ويفرح قلبك يارب
مازن:-عاليا فين..
جميلة:-نامت من بدري يا حبيبي..واطلع انت كمان علشان ترتاح.
مازن:-تصبحي علي خير يا ست الكل...
************************************************
نايمة علي ضهرها ومبسوطة بتسمع اغنية سهرنا ياليل لاليسا..
              «Flash back»
قاعدة ضمها رجليها لصدرها شعرها مفحكش من العياط والدموع خلت لون عيونها احمر ومناخيرها..دموع زي الشلال علي خدودها
اخدت نفس طويل حست بريحته بتقرب وتملا المكان بعطره الراقي...
علي..معقول واحشني لدرجة اني بشم ريحته اكيد لا..
قامت نورت الاوضة لقت جوز من الموج متعلق في عيونها..قربت منه بخطوات ودموع...حطت ايديها علي وشه تتأكد انه علي وبعدين اترمت في حضنه دفنت راسها في حضنه
علي:-وحشتيني اوي ياسارة...انا بحبك ومش هبعد عنك ابدا..
سارة:-هتكسرني تاني..يا...علي بلع كلامها ببوسة هادية تاخدها معاها في عالمه المجنون اتعلقت برقبته..جاهد نفسه انه يبعد عنها..بعد عنها وهي ماقدرتش ترفع عيونها في عيونه استخبت في حضنه
سارة بهمس:-ليه كدا يا علي..ليه عملت فيا كدا...
علي:-هششش خلاص.مافيش وجع وألم تاني...حب حب وبس......
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
To be followed.